男校生活史･回到起點: 第六章 回憶

「做人無夢想就同條咸魚無分別架啦！」我心裏想着想着。

我自小就有一個夢想，唔係乜野總統總理官員，做一個老師對我而言已經足夠。

夢想，亦漸漸變為理想。

仲記得我中一既時候，係我身邊出現左一位啟蒙老師-Mr. King。

「肥仔，點呀你，適唔適應到中一既生活呀?都過左兩三個月啦喎!」佢一邊攞住寸牛丸，一邊跟個肥仔吹水。

肥仔？無錯，就係五年前既我。

我將一面嘅衫袖慢慢拿起畀佢睇，一條條既傷痕隨即就比King Sir見到，佢個樣簡直呆一呆。

「夠竟發生咩事呀，係咪有人玩你，你快D同我講。」老師個樣好似仲驚過我咁，但我就好似已經習慣左一樣。

「呀Sir, 你可唔可以應承我， 我講你聽，但可唔可以唔好攪大佢呀, 因為我仲有好多個月要同佢同一班……」我細細聲咁同佢講。

佢帶左我去醫療法後就幫我處理傷囗，而我亦第一次感覺到係中學入面有人關心我，果一刻對我而言真係好感動。

「敏仔，係呢一刻可能你好唔開心，適應唔到中學既生活，甚至埋唔到堆。不過你記住唔好將唔開心收收埋埋，咁樣對你自己無好處架知唔知道！」

我眼邊的淚漸漸湧出。我唔理解係咪個個都會經歷過，但至小我知道，上天一直都不眠不休，二十四小時咁比考驗我，直至今時今日都一樣，風雨不改。

當時King Sir幫我處理好傷囗後，更邀請我同幾位同學係每日放學後留低温習。

當時中一既我成績的確未如理想，你問我英文，ABCDEFG…都識D既……

我睇住King Sir 好努力咁每日都幫我地，從始就令我有成為老師既一個念頭。因為我都好希望能夠幫到好多學生，呢個信念我一直都無改變。

直到中一下學期結束，King Sir係發成績表前又再次發表佢地既偉論，但我最估唔到既係……

「全班第三係鄭嘉俊！」全班同學都叫好。

「全班第二係……黃俊敏！」我一個天然呆既樣，全班亦望住我……掌聲亦逐漸響起。

「多謝你呀King Sir, 如果唔係你既教導我估我唔會有第二，更加唔會有得去到好D既班別!」我誠懇地向着佢講。

「這一切都係你努力番來既！」

全班同學都比着掌聲，就如大家對我既不和都消失了一樣。

後來我上到中二既時候，我既中學生活的確有了一個轉折點……

<故事待續......>

------------------------------------------------------------------------------------
Sorry ah各位遲左一日，請見諒!
如果大家覺得好睇就留個言啦! 支持一下小弟~​

30/12/2016: 第七章