[真人真事][校園][純愛]緣定·十年前: 第二十八章
過多幾日,
我地就要返學喇
![](https://lihkg.com/assets/faces/normal/clown.gif)
我同呀雪都有個共識,
就係喺學校保持低調,唔公開我地拍拖嘅事
![](https://lihkg.com/assets/faces/normal/clown.gif)
各位巴絲都知喺學校拍拖係好煩,
老師講埋啲求學不應談戀愛嘅廢話,
成班同學又爭住抽水
![](https://lihkg.com/assets/faces/normal/clown.gif)
試過一個男仔(有女朋友)上pe堂睇女,
之後成班同學話嗰個男仔曳喇,
抽佢水話你有女仲去睇女呀咁
![](https://lihkg.com/assets/faces/normal/clown.gif)
點知玩玩下真係傳左去佢女朋友度
![](https://lihkg.com/assets/faces/normal/clown.gif)
佢女朋友發晒爛渣
![](https://lihkg.com/assets/faces/normal/clown.gif)
之後個男仔又跪地又剩咁say sorry
![](https://lihkg.com/assets/faces/normal/sosad.gif)
由此可見成班同學抽水個後果係幾咁麻煩
![](https://lihkg.com/assets/faces/normal/dead.gif)
同埋萬一俾班狗公知我同呀雪拍拖就大檸樂喇
![](https://lihkg.com/assets/faces/normal/kill.gif)
我仲唔俾班狗公打死?
所以都係低調啲好
![](https://lihkg.com/assets/faces/normal/good.gif)
我地喺學校同之前冇分別,
我繼續同呀余佢地食晏晝
![](https://lihkg.com/assets/faces/normal/clown.gif)
而呀雪就同呀婷食,
放左學就照去圖書館溫書
![](https://lihkg.com/assets/faces/normal/clown.gif)
基本上同之前冇分別,
有唔同嘅係我地喺圖書館溫書會喺枱底拖住手,
同埋送佢返屋企嗰陣會有goodbye kiss,
各位巴絲應該都會記得上次係呀雪錫我,
我就硬膠膠企喺度
![](https://lihkg.com/assets/faces/normal/clown.gif)
所以之後嗰次我就醒左
![](https://lihkg.com/assets/faces/normal/biggrin.gif)
話說有一次我送佢返屋企,
送到門口,
佢企定定喺度,
我就咋唔知咁講:「做乜企定定
![](https://lihkg.com/assets/faces/normal/wonder.gif)
呀雪:「你好似有啲野未做
![](https://lihkg.com/assets/faces/normal/angel.gif)
我:「冇呀仲有咩未做?」
呀雪:「又唔記得
![](https://lihkg.com/assets/faces/normal/devil.gif)
跟住我一野咀左落佢塊臉度,
我:「點會唔記得呢
![](https://lihkg.com/assets/faces/normal/angel.gif)
呀雪面紅紅講:「衰人又玩人
![](https://lihkg.com/assets/faces/normal/devil.gif)
喺陽光底下嘅呀雪更加靚,
而我,就係咁冇左個初吻
![](https://lihkg.com/assets/faces/normal/sosad.gif)
同呀雪拍左拖之後,
發覺佢唔係啲典型港女嚟
![](https://lihkg.com/assets/faces/normal/good.gif)
平時使費AA制不特止,
有時放學真心想請佢食野,
佢都好幫我荷包著想
![](https://lihkg.com/assets/faces/normal/good.gif)
話下次就佢請,輪住咁話喎,
人又靚,冇得彈(係盲讚架喇,吹呀?)
![](https://lihkg.com/assets/faces/normal/fuck.gif)
當然佢都有撒嬌嘅時候,
不過好多時都好易氹,
勁嗡一輪就過關
![](https://lihkg.com/assets/faces/normal/good.gif)
至於有冇甜野?
就梗係冇啦
![](https://lihkg.com/assets/faces/normal/sosad.gif)
一嚟大家當時都未意識呢樣野係乜,
有咩作用,
二嚟我對住佢係冇嗰啲幻想,
唔知各位巴打同唔同意,
你對住最愛嘅人,
係唔會存在性幻想呢樣野
![](https://lihkg.com/assets/faces/normal/smile.gif)
我就係咁喇,
不喜勿小
![](https://lihkg.com/assets/faces/normal/sosad.gif)
至於同呀雪拍拖後唯一一樣唔好處,
就係我少左時間打丁
![](https://lihkg.com/assets/faces/normal/sosad.gif)
好多時間都用嚟陪佢,
搞到要等到夜一夜,
屋企人瞓晒覺先打得丁,
變左第二朝好多時都好眼瞓
![](https://lihkg.com/assets/faces/normal/frown.gif)
有單野想喺度講一講,
話說有一次我同呀雪行街嗰陣傾傾下計,
無啦啦佢問我:「點解你會鍾意我嘅
![](https://lihkg.com/assets/faces/normal/wonder.gif)
情侶拍拖必問嘅問題嚟喇
![](https://lihkg.com/assets/faces/normal/bomb.gif)
答得唔好隨時死人
如果答:「因為你靚囉.」,
實死梗啦,
萬一佢答:「呀邊個邊個都靚你又唔鍾意?」
又或者答:「遲下我唔靚你咪唔鍾意我?」
呢兩樣我都即時口啞啞
![](https://lihkg.com/assets/faces/normal/clown.gif)
唔答又唔得喎,
所以就將我最內心嘅野講俾佢知,
仲扮埋個認真樣:「鍾意一個人係冇得解,
格硬要解就係因為你係xx雪(佢全名)
![](https://lihkg.com/assets/faces/normal/angel.gif)
呀雪笑笑口講:「如果我改左名你咪唔鍾意我
![](https://lihkg.com/assets/faces/normal/wonder.gif)
我:「唔會,一世都咁鍾意你.」
呀雪:「傻瓜
![](https://lihkg.com/assets/faces/normal/angel.gif)
事實上,
我到呢一刻都冇違反我講過嘅野,
呀雪:「咁你有冇諗過將來點呀?」
我:「我地依家先中四咋喎
![](https://lihkg.com/assets/faces/normal/wonder.gif)
呀雪:「問下姐.」
我:「冇呀,夠食三餐就夠,
冇乜理想
![](https://lihkg.com/assets/faces/normal/good.gif)
呀雪:「認真啦.」
我:「好認真.」
呀雪:「咁啦,
俾個目標你,
不如第時你開間café好冇
![](https://lihkg.com/assets/faces/normal/wonder.gif)
咁樣我可以免費去食野飮野
![](https://lihkg.com/assets/faces/normal/hoho.gif)
我:「邊有錢呀?」
呀雪:「我知你得嘅,信你呀
![](https://lihkg.com/assets/faces/normal/wink.gif)
我:「你講到咁我就盡力啦.」
呀雪:「唔好吹水喎.」
我:「唔會呃你
![](https://lihkg.com/assets/faces/normal/angel.gif)
呢度對日後有影響所以要喺度講下.