[真人真事][校園][純愛]緣定·十年前: 第七章

有一日,我晏晝冇得出去食飯
事緣就係咁嘅,
大家都知我喺唔知情嘅狀況下做左總務
我地學校就好狗嘅,
要喺開學半個月內做好壁報,
校長到時檢查如果發現未做好就成班一齊受罰,
咁都冇乜野嘅,
最多咪成班學生搵一日放學留低做囉
點知嗰班乞衣,
呢日又話練波,嗰日又話補習




明明都冇入校隊,練條周咩
最離譜嘅係班主任話:「丁仔你係總務,今次由你負責.」
班主任嗌到,
唔通話我要返屋企打丁呀,唔得閒呀咁咩
咪話好囉,
之後呀余,呀雪同部份同學連續幾日小息幫手剪好晒啲圖案,
而我仲要貼返上去個壁報度,
最麻煩係時間又唔多
咁我就決定揀一日唔食飯留低做埋佢,
因為我比較鍾意放學準時走,




所以就決定犧牲午飯時間,
最多放學先再食野
之後我就叫呀余出去食完再買外賣返嚟俾我,
有時候自己一個寧靜下都唔錯,
點知貼貼下,
見到門口有人入嚟,
原來嗰個人係呀雪,
我問佢:「點解你喺度架 」
佢:「其實我日日都喺度食,屋企人帶飯俾我.」
我:「唔怪得成日食完返嚟都見你一早坐喺度啦,原來係屋企人送飯過嚟,仲諗住問你點解咁把炮可以咁快食完返到嚟添 」




佢:「原來你都幾有責任心架喎 」
我:「你唔係依家先知丫嘛.」
佢:「係呀,原本淨係只你口多同埋數學唔錯咁啦.」
我:「太失望了,原來坐左我隔離咁耐只係知咁少野,膚淺.」
佢:「好似坐左一星期咋喎.」
我:「一星期唔耐架喇.」
佢:「觀點與角度問題.」
我:「係呢,點解你讀書咁叻都要嚟呢間中學讀嘅 仲要讀普通班.」
佢:「邊度叻丫,
因為要就Daddy返工所以咪搬屋兼轉校囉,
入呢間中學係因為同區好多中學都唔收轉校生,
肯收轉校生嘅學校之中呢間係最好,咪揀呢間 」
我:「扮謙虛.」
佢:「唔係扮架 本身都係靠日日溫先識,
同埋以前間中學係英中,所以咪咁囉.,




不過數學真係好差,記唔入腦呀 」
我:「數學呢家野一里通百里明嘅姐.」
你:「你識梗係咁講架,
不如咁,
你以後教我數學得唔得 」
我睇佢個樣咁真誠,再望佢對識講野嘅眼
又點拒絕呢
所以我答:「得,但你教返我英文得唔得先?」
佢:「好呀.」
以前啲中學生就係咁架喇

可能同佢講多左野,近排同佢講野嗰陣冇初初咁緊張,
邊講邊貼之下差唔多搞掂
之後呀余返左嚟俾飯我,
趁呀雪行開左就陰陰嘴笑同我講:「你地近期好似幾好傾咁 」




我:「你同肥仔都好似幾好傾咁喎 」
佢:「頂你啦,係佢單方面同我講咋,我好少應佢 」
我:「識實啲,唔緊要喎,我唔會笑你 」
佢:「食屎啦,講返正題,我見呀雪同你特別多野講
佢就算同女仔傾都係一句起兩句止 」
我:「可能坐得近姐.」
佢:「你自己諗啦,不過我覺得你有啲機會,加油呀 」
我:「含啦.」
話就話叫人含,
不過自己真係諗過同呀雪有冇機會
但係,
自己係咩料自己唔知咩,又毒又冇錢,
再加上毒男最忌就係有自信
所以都係算數