[深夜重口味] 女神日記: 感想
首先要多謝睇晒成個故嘅咁多位。
雖然個故事同人妻下屬無關，但其實都係因為人妻下屬先有佢...
當時寫人妻下屬第二季，成日諗啲性愛花式畀細 V 玩，諗到廢寢忘餐，做緊野又諗，坐緊車又諗，做乜都諗住細 V，漸漸佢變咗好似真實存在咁，陪我度點先好玩啲，點先好 J 啲，點先高潮會 high 啲，成日扯住扯住，差啲連公司野都唔想做，我估當時我都痴痴地...
出完故之後我忘記唔到呢種經歷，仲正過打 J，好想寫低佢，於是就成為呢個故仔嘅背景同動力，如果冇動力，好難 keep 住打咁多字，出過故嘅巴打就知。
所以其實呢個故嘅真正女主角係女神 Venus，唔係女神 Athena。
原本個故仔叫「甜故女主角」，不過呢個名唔夠 elegant，所以改為「女神日記」，都啱，Venus (維納斯) 同 Athena (雅典娜) 都係女神名。
個故仔一開始已經預咗寫我 (即 Andy) 寫故寫到走火入魔，鐘意咗自己創作嘅女主角，搞到現實幻想不分，所以大家睇到唔知幾時現實幾時 FF 係正常嘅，因為我真係撈亂晒。
辛苦大家了，要陪我癲，不過好多巴打 skip 咗 Venus 果啲唔睇，其實嘥咗，Venus 啲內容先係精華，因為混合咗現實同 FF，現實反影落 FF，FF 又影嚮翻現實。
個結局出現真實嘅 Venus 只係故弄原虛，我好鐘意呢種 open ending，不過唔會用佢地嘅三角關係再寫落去了，因為除咗最後 Venus 被我神化咗之外，成個故入面佢地已經係三角關係，我超唔鐘意 repeat。
雖然一早諗好結局，但原來故中故好難寫，個故本身已經係 FF，點解仲要 FF 中 FF? 一定要搵啲「現實野」刺激 Andy，否則 Andy 好難合理地痴線，畢竟唔係個個好似我咁寫寫下都會痴線...
於是女神 Athena 出場! 啱晒，我用佢嚟令 Andy 有野寫，令 Andy 痴線，最後女神 Venus 叫翻醒佢，於是成個故仔嘅結構起好，可以寫 detail 了。
寫呢個故比寫人妻下屬更辛苦，唔係因為長咗一倍，而係心理壓力好大，其實人妻下屬已經好辛苦，主要係我啲淫念出得太快但打字太慢，為咗打 J 趁熱，不斷追住嚟寫，試過幾次寫到清晨 4 點幾，都算痴孖根，寫完之後手腕好痛。
呢次學精咗，將啲突然出現嘅淫念用 point form 記低先，之後去到再 elaborate，所以冇手痛，亦因為時間多咗，可以寫更多野。
如果話上次我愛上細 V，呢次我完全被女神 Athena 征服了。
其實我同細 V 只有性關係(!)，但 Athena 就真係好似女朋友咁，除咗性愛，仲有好多生活同工作嘅野，所以佢更多角度，更立體，加真實，直情真人一樣，有幾次我好似約咗佢去街，想等埋佢先收工咁...，所以故事後面 Andy 話等埋 Venus 先走，唔係老作，係我真實體驗過...
又因為 Athena 嚮我心中太真實，所以同佢冷戰真係心如刀割，寫到人渣 Simon 黐埋佢度難受到想死...
咁點解我咁鐘意女神 Athena 又安排佢出軌? 因為 3 個原因...
1) 女神都係人，女神都會犯錯，我當然可以畀佢只係誤會，或者畀佢懸崖勒馬，不過咁戲劇性太小學雞，所以最後一係唔去，一係去到盡。
2) Athena 之後會知道 Andy 寫甜故，仲要原諒佢，但男朋友心理變態喎，港女點接受呀? 要搵個原因令 Athena 原諒 Andy，最好方法就係要 Athena 自己內疚先，令佢覺得係佢搞到 Andy 痴線，於是原諒 Andy 就變得合理，所以冇辦法，Athena，要委屈你喇。
3) 呢個係最最最重要原因: 我想 J! 我想 3P，不過一皇二后上次人妻下屬已經玩過，我唔想 repeat，於是諗出呢個同時同 Athena 加 Venus 一齊做愛嘅方法，純性愛角度當時真係 J 死我。
不過果幾場 middle boss 之戰寫得好辛苦，始終 Athena 係同另一個男人做，心理上好唔舒服，但下面又扯到好 high，認真難頂，我見好多巴打都嚮果度放棄，真係可惜，但我又唔可以話畀大家知最後會苦盡甘來，唯有同佢地講聲緣盡喇。
Middle boss 之戰大家睇咗一個星期，但我寫咗一個月，當時成日神不首舍，個心成日諗住 Athena 畀另一個男人呃咗去食咗，好不安，好擔心佢，幾晚都瞓得唔好，我另一半問我係咪有病，我諗我差啲都好似 Andy 咁精神崩潰。
捱過咗 middle boss 之後寫同居生活，輕鬆好多，呢度我又用咗人妻下屬一個 point，不過應該冇咩人記得，當初 Ceci 同佢老公嘅問題唔係因為主角阿頭呢個第三者，係出於佢地兩個際遇嘅分別，好多男人口講就話唔介意女伴叻過自己，但實際上大男人到不得了，上次人妻下屬我冇詳細寫呢點，所以呢次寫翻，成為 Andy 完全迷失嘅 trigger point。
由於頂得住 middle boss，我同我另一半又冇際遇問題，所以寫 final boss 我都冇再痴線了，不過睇得出我啲口味愈嚟愈重，睇下最後 Venus 果場 final boss 之戰就知，我都唔知下個甜故點算?
其實我有兩樣野唔明，點解高登仔咁唔想睇 FF? 明明成個故所有野都係我 FF 出嚟，個故本身同故中故又有咩所謂? 對我嚟講一樣咁 J 啫。
另一樣做咩個個都想食 Lucy? 佢其實冇咩特別，我描寫得佢好小，做咩咁迷佢? Well，我估高登仔都係鍾意人妻下屬果種自走炮式食女故...
可惜我已經唔想寫果種故了，人要成長，打 J 都要提高層次，雖然依家已經有下一個故嘅構思，不過我未有計劃寫，應該有一段長時間唔會出故了，就算出，都係心理攻擊多過肉體攻擊，更加少高登仔啱睇。
最後要再一次多謝睇晒成個故嘅咁多位，Thx a lot!