[深夜重口味] 女神日記: 女神 Venus，女神日記大結局下
話說 Venus 同 Athena 迫我嚮佢地之間揀最愛邊個，我嘅選擇係...
返入屋，Athena 煮咗 3 個即食麵，佢食一細碗，我食一大湯碗。
呢碗麵好好食，我諗翻起 Athena 第一次煮麵畀我食，當時係 annual dinner 之後，我送佢返屋企，佢沖完涼煮咗個麵畀我食，果個麵係我有生以來食過最好食嘅麵，其實入面都係一般味精，不過佢為我所煮嘅麵充滿佢對我嘅愛意，我食得出，我 feel 得出。
但唔知幾時開始我食唔到呢種味道，呢種愛嘅味道我遺忘咗。
依家呢碗麵我又再次食得翻果種味道，我地相愛嘅味道。
雖然碗麵唔辣，不過眼淚由兩邊眼角慢慢流出嚟。
我耷低頭食，唔敢望佢，我唔係怕佢見到我喊，係冇面目見佢。
Athena 都冇出聲，我地冇開電視，成間屋好靜。
我好想開口講對唔住，不過總係冇辦法抬起頭。
終於...
「Andy，我好嬲...」
我更加唔敢抬起頭。
「我唔單只嬲你寫核突野，我更加嬲你收埋自己，點解唔畀我同你分擔? 你當我係陌生人。」
我剩係望住碗入面啲湯。
「你係咪好大壓力? 你寫呢個故仔係咪有野唔開心?」
「Athena...」
我終於抬起頭，佢見到我兩條淚痕，遞咗張 tissue 畀我。
「我尋晚由頭睇過個故仔幾次... 對翻啲時間，我發覺... 當你寫啲核突野，就係我地出現問題嘅時候。你有野唔開心，但唔講出嚟，係咪好辛苦?」
我啲眼淚又突然驃出嚟。
「對唔住。」
呢三個字我終於講出口，雖然好細聲。
「Athena，我係咪痴咗線? 你係咪覺得我心理變態?」
「唔係，Andy，我知道真正嘅你唔係咁，你只係冇辦法抒發壓力...」
Athena 收起個嬲樣...
「其實應該我對你講對唔住，我畀咗好多壓力你，自從我 hurt 過你，我地嘅問題已經存在，只不過我地都唔去面對...」
對唔住，Athena，我令你諗翻起果件事。
「我地都以為冇事，以為唔記得咗，其實唔係，條刺一直仲嚮度... 後來當我升咗職，條刺變成我地之間一幅牆，一幅透明嘅牆，我見到你，但已經接觸唔到你，冇辦法明白你...」
Athena，對唔住。
「不過，Andy，就算幅牆幾厚，就算幅牆幾硬，我一定可以打破佢...」
Athena 對我微笑...
「Andy，我唔會放棄你，請你記住，無論你係點，無論你做過咩，我永遠都嚮你身邊，一直都係，永遠都係，就好似當日你冇放棄我，你等我，你一直嚮我身邊支持我咁。」
「多謝你，Athena。」
我雙眼完全濕晒。
「但係，Andy，我地之間真係有第三者... 我地嘅第三者就係 Venus。不過如果計翻時間，你開始寫 Venus 嘅時候我仲未識你，即係其實我先係第三者!」
「我...」
「唉... 我唔知點講，雖然 Venus 唔係真人，不過我心入面接受唔到你成日諗住另一個女仔... Andy... 你可唔可以為咗我，唔再寫個故仔?」
你要我同 Venus 分手?
「我唔想迫你，上次我迫你 block Lucy 個 whatsapp，最後發生咗果件事，我唔會再犯... 我愛你，但要點做，要睇你內心點諗，你嘅真正諗法係咩。」
真正嘅諗法? 突然到好多人問我同一個問題...
Andy，最緊要你明白你內心點諗，你嘅真正諗法係咩...
巴打，最緊要係你內心點諗，你嘅真正諗法係咩?
我內心點諗? 我嘅真正諗法係咩?
我好攰，個頭有啲痛...
「Athena，我想瞓一陣。」
「我陪你。」
返上床瞓低，軟腍腍真係好舒服，尋晚張櫈好硬，坐咗成晚又被風吹住，由頭痛到籮柚。
Athena 幫我冚咗張被，坐嚮側邊。
「Andy... 我同 Venus 你鐘意邊個多啲?」
佢望住我，好似等待我嘅答案。
我... 我鐘意...
但我未講出口，佢突然除咗件衫，解開個 bra，露出雪白嘅乳房，上面兩粒淺啡色口嘅乳頭令我有即刻想啜嘅衝動，我有幾耐冇品嚐過佢地?
佢趴咗過嚟，輕輕錫咗我個額頭一下，然後將我塊面埋入乳溝之中...
好柔軟，好有彈力，好香，呢種感覺似曾相識，我曾經...
我曾經嚮 Venus 身上感受過呢種感覺，當時 Athena 同我嗌交，我好失落，Venus 就用佢雙乳嚟慰藉我。
但從 Athena 身上我聞到一陣好熟識嘅氣味，一陣我忘記咗好耐嘅味道，唔係香水咪，係 Athena 本身嘅體味，我之前每晚聞住呢陣味瞓...
Athena 嘅溫柔令我好舒服，頭痛嘅感覺減輕咗。
「Andy，我愛你，不過我嘅對手係你個心，Venus 嚮你心入面，我點先可以贏到佢?」
我伸手去佢條腰度，輕輕攬住佢，塊面更加深入佢對波中間，迷迷糊糊瞓著咗。
Venus?
Venus?
Venus，你嚮邊?
Andy，我嚮度。
Venus，見到你就好，我好驚見唔到你。
Andy，我一直嚮度。
Venus，我... 我知道咗...
嗯?
我已經知道我嘅內心真正係點諗...
當我我見到你被 Jerry 同紅鴻老闆折磨緊，同時 Athena 又被人渣 Simon 糟質緊，我唔知點算，我唔知應該救邊個，我只係識頭痛，只係識逃避，我乜都做唔到...
對唔住...當時我諗唔到野，我好混亂，我咩都諗唔到...
最後我唔諗，我交畀個心決定，我個心選擇係...
我內心最愛果個係...
係 Athena，係女神 Athena!
對唔住，Venus，你係咪好失望?
唔係，Andy，我愛你，最緊要你對你內心坦白就得。
你一早知我個心揀邊個? 不過 Venus，雖然我選擇咗 Athena，我唔會放棄你，我一定會救你，我唔會畀 Jerry 同紅鴻老闆再折磨你，你等我。
Andy，我等你，我對你有信心。
我醒咗，Athena 唔嚮身邊，不過枕頭仲有佢陣香味，佢應該起咗身冇幾耐。
我行出廳，都唔見佢，檯面有張字條...
『給我的 Andy，
我去買餸，今晚煮餐好野畀你食，我會用你個胃對付你個心。
你的 Athena 上』
呢個傻豬!
我坐低，打開部 notebook，上去香港高登 forum，搵翻我個 post...
『返到屋企我見到 Venus，原來佢改咗班機，佢冇講原因，不過我相信佢想聽埋我嘅心聲先走。
我把握呢個最後機會，雙腳跪嚮佢面前同佢講，我唔想佢上去，我可以放棄職位，我可以放棄份工，我可以放棄 dream house，我可以放棄依家嘅生活，我可以放棄晒所有野，但我唔可以放棄佢，我愛佢，我深愛佢，我想同佢一齊辭職，一齊離開公司，一齊從新生活，一齊過只屬於我地兩個嘅生活。
佢聽咗之後，微笑話一切聽晒我講，以後所有野由我決定，佢會聽晒我主意，全心全意做我嘅女人。
於是我地一齊向 CEO 遞信，補埋 short notice 即時生效，CEO 本來因為 Venus 冇去大陸客度已經好 surprise，點知我地仲一齊唔做，佢個無助樣我都係第一次見，當我地離開佢間房，佢仲苦惱點向大陸客交代，我地一齊答佢: 叫你老婆去服侍佢囉!
我同 Venus 一齊大笑一齊展開我地嘅新生活。<全文完>』
鬆咗一口氣，我終於履行諾言救翻 Venus，不過高登仔就...
『吓? 完咗?』
『你講笑定講真? 咁樣完?』
『Hi 你爛尾! 一早睇死你爛尾，但估唔到你爛尾得咁爛!』
『唔係真嘅，我追咗咁耐，你突然完咗佢?』
『Venus BB! Venus BB! Venus BB! 我以後咪 J 唔到 Venus BB?』
『巴打，完得咁突然嘅? 不過咁都好，你地拖拖拉拉咗咁耐，點都應該有個了結，雖然我都好唔捨得 Venus BB，不過見到你終於肯面對佢，終於肯帶佢離開果間鬼公司，我都替佢同替你開心。希望你地以後無風無浪，永結同心，最後增你一句: 十世修來同舟渡，百世修得共枕眠，珍惜眼前人呀巴打!』
『說好的雜交大亂鬥呢?』
雖然故事嚮高登完咗，我有野必須面對面同 Venus 講。
冚埋部 notebook 之後我反轉 Athena 張字條，嚮上面寫...
『給我的 Athena，
我個心等唔切個胃嘅呼喚，佢已經做咗決定，真心嘅決定。
你的 Andy 上』
Venus，我地要分開喇...
你不斷問我最重要，最重視係邊個，我一直以為係你，原來唔係，我最重要，最重視嘅其實係 Athena，為咗佢，我甚至願意離開你...
對唔住，我 hurt 咗你。
唔會，Andy，我愛你，我重視你所重視嘅所有野，就算你最後冇揀我，我都一樣支持你嘅決定。
Venus 你好偉大，如果唔係有你，我都唔知我會點，當日 Athena 要離開我，如果唔係你支持我，鼓勵我，我可能已經自殺死咗，多謝你。
Andy，可能你唔發覺，你係一個好溫柔，好善良嘅人，你唔會害人，你對愛情全情投入，你唔會見異思遷，一腳搭兩船。
不過我背住 Athena 同你...
Andy，你冇背叛 Athena，佢一直都係你心中最愛，只係你不知不覺將佢投影落我度，其實你一直都係咁愛佢，從來都冇變過。
咁咪對你好唔公平? 原來我一直當 Venus 你係佢嘅替身，我唔知點解我會咁。
唔緊要，Andy，你雖然深愛 Athena，不過你一直冇表達出嚟，當 Athena 出咗事，你不斷自責，於是連你嘅真心都掩蓋埋，所以當你見到 Jerry 升 Athena，你就以為佢地有特殊關係，其實呢啲都係出於你嘅自責。
Venus，所以你話係我要你同 Jerry 做愛...
對唔住，Venus，我要你受到咁多不必要嘅傷害，我冇用，當我見到你受苦，我只係識得諗點算，完全救唔到你。
Andy，其實你唔使諗太多，面對愛，只要憑心嘅感覺就夠，呢個永遠係最真嘅選擇。你仲記唔記我當日問你點解叫佢女神? 你仲未答我，依家你答唔答到? 因為佢靚? 因為佢身材好? 因為佢性格吸引? 因為佢愛你?
我... 我... 我...
我唔知... 我唔知點解愛佢，只係知我好愛佢，我搵唔到原因...
開頭的確因為佢靚，因為佢性感，因為佢同我好啱傾，所以我畀佢吸引住，不過依家呢啲已經唔係原因，我唔係因為呢啲原因愛佢...
責任? 因為佢愛我所以我愛佢?
唔係，都唔係，我只知無論佢點對我，無論佢要我做咩，我都一定會做，唔係因為我欠佢，只係無論如何我一定會...
就算佢要離開我，我都會繼續愛佢，永遠愛佢，由心愛佢...
可能因為咁我先叫佢女神。
Andy，咁就啱喇，愛唔使問原因，愛唔需要比較，愛唔要求回報，愛係冇原因嘅，只要你坦承面對內心就夠。
咁你呢? Venus，你為咗我付出好多，你為咗我做咗好多野，你為咗我犧牲自己，點解你對我咁好?
Andy，我愛你，我為你嘅所有付出都係心甘情願，只要係你，無論係咩我都願意做，無論係咩我都願意承受，我唔會離開你，我會永遠嚮你身邊保護你，支持你，只要你需要我，我隨時都可以為你作出奉獻。
Venus，我... 我唔值得你對我咁好，我搵唔到原因點解你要對我咁好...
Andy，愛唔係講值唔值得，但如果你一定要原因，原因永遠只有一個...
因為...
Andy...
我係你嘅女神。
「女神?」
「女神!」
女神 Venus!
「嗯? Andy?」
「女神!」
「Andy，你點呀?」
「女神...」
Venus 個樣慢慢變得模糊，跟住又清晰翻，變成 Athena...
「A... Athena...」
Athena 坐咗起身...
「你點呀? 冇野嘛?」
我都坐埋起身...
「Athena，我頭先係咪又發開口夢?」
「嗯，你好似嗌女神... 邊個係女神?」
「我嘅女神? 我嘅女神...」
我伸手去摸佢塊面，好暖好滑。
「我嘅女神一直嚮我身邊，保護我，支持我。」
我推佢瞓低, 跟住瞌埋眼錫向佢嘴唇度，佢嘴唇馬上吸住我，同我嘴對嘴 kiss。
我雙手爬去佢胸口，隔住衫按乳房，佢錫得我更緊，雙手繞向我背脊攬實我。
我支肉棒好快作出反應，壓向佢大髀。
Athena 唔用手摸都 feel 到我已經好似鐵柱咁硬，佢雙腳自然地分開。
我伸手落去佢褲頭，手指夾住底褲一齊慢慢向下推。
望一望鬧鐘，依家只係清晨四點，我地有大把時間，我要用身體証明畀女神知我最愛係佢，我要重新將我嘅愛注入佢身體之內，不斷注入，留嚮入面被佢身體吸收，永遠變成佢身體一部份...
「Andy，我愛你。」
「Athena，我愛你。」
之後過咗兩個月，廢人 Grace 終於宣佈辭職。
其實佢都幾慘，acting 咗兩年都冇得坐正，Jerry 可能同我睇法一樣，佢唔夠班做管理。
「Athena，Grace 走得太早，如果佢等多一年先走就好喇。」
「嗯? 點解? 你唔係不嬲都唔鐘意佢咩?」
「如果佢出年先走，到時你夠資格坐佢個位。」
「嘻嘻! 咁到時我咪係你波士? 你唔介意咩?」
「唔介意，Athena，你的確有管理嘅天份，我就好叻執行，所以你永遠係我嘅女神 Athena，我永遠係你嘅忠心戰士 Andy，為你赴湯渡火，保護你，服侍你，同埋... 愛你。」
Athena 笑得好甜，我知道如果唔係嚮 office，佢一定撲埋嚟攬住我錫。
等咗冇幾耐新阿頭終於返工，原來又係女人嚟，身材仲正到冇人有，好 slim 但上圍好勁，對波頂起咗件外套，嚮入面浪下浪下...
Suite 入面唔係恤衫，係一件淺灰色，好薄嘅綿質背心，正面見到胸圍邊做成的 V 字，至於直身半戳裙好貼身好窄，窄到箍實個籮柚，行路時籮柚扭下扭下，但又見唔到底褲邊，佢著咗 T-back? 定冇著底褲返工?
雙腿冇絲襪，只有一對好高的斗令踭高踭鞋，對腳又滑又靚...
佢嘅形象好似...
「大家好，我叫 Venus，希望以後同大家好好合作。」
Venus?
佢叫 Venus?
無論佢個名，佢個樣，佢嘅身材，佢對腳，佢嘅衣著，佢陣香水味... 佢所有野都同女神 Venus 一模一樣!
點會咁架? 我係咪發緊夢? 究竟呢度係咪現實? Athena 同我 O 晒嘴...
Venus 見到我，望住我，向我微笑...
[深夜重口味] 女神日記 <全文完>