女神話我考試排名高過佢 就滿足我一個願望: 第四十三章

結果直到新年假前一日，岳希晨都冇返過學校。

我有問過佢啲死黨，但就連佢地都喺到搵緊岳希晨。

無論透過咩途徑都好，都冇人搵得到佢。

佢就好似人間蒸發咁，消失咗喺呢個世界上。

雪彤亦都好似真係放低咗佢，至少佢冇再一聽到岳希晨呢三個字就失哂魂。





而另一方面，方野吉同雪彤呢排行得好埋。

順帶一提，條粉皮仲未走。

認真講句我懷疑佢地拍緊拖。

有一日，雪彤突然間話想去旅行。

「呀哥！不如我地放假嗰陣去旅行囉？」雪彤說。





「下？認真呢？」我說。

「 係呀，我地去日本呀？」雪彤問。

「你話點就點啦……」我說。

「好野！咁我宜家上網訂機票啦！」雪彤說。

之後佢就跑返上房。





諗諗下其實去下旅行都唔錯，反正我未去過。

順便問下曉琳去唔去先，佢都去埋就好啦。

我攞起電話打俾曉琳。

「喂？曉琳呀，我地新年假去旅行好唔好呀？」我問。

「新年假嗰陣？唔得呀……屋企人都話去旅行呀……」曉琳說。

「下？咁算啦……到時玩得開心啲啦！」我說。

「嗯你都係呀~我有野做，收線先啦。」曉琳說。

「咁好啦，記住影多啲相呀~拜拜~」我說。





「拜拜~」曉琳收線。

唉真係可惜啦……

「呀哥！我訂好三張機票啦！」雪彤說。

「三張？除咗我地之外仲有人去咩？」我問。

「野吉都去呀~」雪彤說。

「雪彤你老實同我講，你係咪同方野吉拍緊拖？」我問。

「冇呀，做乜咁問呀？」雪彤說。





「見你地呢排行得咁埋，好奇問下啫~」我說。

「我地普通朋友嚟咋~」雪彤說。

「你話係咪係囉~」我說。