女神話我考試排名高過佢 就滿足我一個願望: 第三十一章

當我諗住打開門出去嗰陣，發現到門完全打唔開。

「搞咩呀……」我不停地扭動門把。

「開唔到㗎啦……你望下出面……」方野吉説。

我望一望，今朝癲狂嘅人潮又再出現。

頂！邊條友反鎖咗班房道門呀？





我坐返埋位whatsapp曉琳。

我：班房俾人鎖咗呀~

我：救命呀~

曉琳：我地都鎖咗呀~

曉琳：不過我地係自己鎖嘅





我：我個妹係咪咁有魅力呀……

曉琳：係呀……

曉琳：有魅力到連班上面嘅男仔都圍住佢呀……

我：岳希晨呢？

曉琳：佢冇返呀~





唉……都唔知等陣放唔放到學……

班上面啲人坐哂喺到無所事事。

「四十一秒後，人潮會開始退。」之前估中訓導主任幾時嚟嘅同學説。

「係咪㗎……」有同學依舊質疑。


~四十一秒後~


「嘩！條友癡線㗎！快啲走呀！」

人潮真係開始散……





之前質疑佢嘅人都以一個不可置信嘅眼神望住佢。

「叫我程清晴得啦。」程清晴平淡地說。

程清晴？個名咁蹺口嘅？

呢個時候，岳希晨喺走廊行過。

呃……又話佢冇返嘅？

佢解鎖咗我地道門。

「岳希晨，你今日唔係冇返咩？」我問。





「去咗做少少野啫~搞掂咪返嚟囉。」岳希晨說。

「好彩你返咗嚟啫，如果唔係我個妹都唔知點算……」我說。

「雪彤？做咩呀？」岳希晨問。

「呃……我諗佢而家應該俾成班狗公圍緊……」我說。

「咁我返去先啦。」岳希晨輕皺眉頭。

點解今日發生啲事咁怪……

雪彤點會有咁大魅力呀？

明明曉琳靚過佢幾萬倍！





天外之音：所以咪話你仆街囉！你好想呢啲事發生咩？

呃……我唔夠你講……

瘋狂嘅人潮因為岳希晨返嚟而退散。

「呼……班狗公終於都走啦。」方野吉說。

「呃……你好似都係其中一個……」我說。

「咳……冇啲咁嘅事。」方野吉說。
--------------------
加速加速！