女神話我考試排名高過佢 就滿足我一個願望: 第二十章-----異像
返到屋企，雪彤已經瞓咗，飯枱上面擺住一碟肉醬意粉。
「衰妹......」
我攞咗碟肉醬意粉去微波爐叮熱，食完就返咗房瞓教。
一起身，雪彤一如既往一早出咗門口，飯枱上面擺住碟腸仔蛋。
我到而家都唔知雪彤啲食物喺邊到嚟......
食完野之後就出門口，但係我見到一個令我意外嘅人。
「呀雪，乜你咁遲㗎！」曉琳説。
我呆呆地看着曉琳。
「點解你喺到嘅？」我問。
「咩呀？我琴日咪whatsapp咗你話今日一齊返學囉......」曉琳皱着眉説。
係咩......
我攞出手機，曉琳琴晚的確有whatsapp我。
「我錯。」我道歉。
「行啦！再唔行就遲到啦！」曉琳説。
我拖起曉琳嘅手，行返學校。
行到一半，曉琳好似唸到啲野，叫停咗我。
「呀雪，學校唔俾帶飾物返學㗎，點算呀？」曉琳指住我地手上嘅戒指問。
係喎......點算呢......
我靈機一動，係衫袋攞出兩條冇裝野嘅頸鍊。
「將戒指放入頸鍊，然後帶上頸咪得囉！我地條呔咁深色。」我説。
「係喎！」曉琳和應。
喺條呔嘅顏色完美遮住咗發緊光嘅「雪」之戒同埋「月」之戒。
返到學校三分鐘後，全校都開始轟動，流言滿天飛。
「喂喂喂，林浩雪同曉琳bb拖住手返學呀！」
「下？唔撚係掛？」
「真㗎！我親眼見到㗎！」
我同曉琳坐喺個位到傾計。
「呀雪，你得米啦？」張家樂的聲音在我身後響起。
我望一望後面，張家樂佢地三個企咗喺到。
「yup！」我説。
「你出一出嚟！我地今鋪仲唔打柒你？」王銘然説。
「喂！」曉琳生氣地説。
「講笑啫......」王銘然説。
我感動地望住曉琳。
「記住打得大力啲呀！」曉琳笑説。
下？等等先！
我望向張家樂果邊，見到佢地三個喺到奸笑。
「林浩雪，你今鋪仲唔死？」張家樂説。
跟住佢地就拖咗我入廁所。
「呀雪，解釋下好嗎？」張家樂説。
「解釋啲咩呀......」我説。
「仲係到咋傻扮懞？你點溝到曉琳㗎？」王浩然説。
「琴日同佢去海洋公園玩，之後咪去咗摩天輪到表白囉。」我不好意思地説。
「wow, so sweet！」張家樂笑説。
「咪笑我啦你地！」我説。
「無論如何，恭喜哂！」張家樂説。
我會心一笑，同佢擊掌。
「嘻嘻嘻......」王浩然無端端喺到奸笑。
「你......你笑咩呀？」我不由自主地後退。
「我地本身就冇唸住打你嘅，不過你女朋友叫到，我地就勉為其難打你一餐啦！」王浩然説。
「打還打，唔好打J同打面！」我説。
「有得你揀咩？」張家樂説。
跟住佢地就撲理嚟我身上。
「呀！」我惨叫。
我嘗試反抗，可惜雙拳難敵四手......
最後，我地滿身傷痕行返班房。
「林浩雪，張家樂，陳浩南，王浩然，做乜你地傷哂呀？」Miss.Wong問。
「冇，啱啱行樓梯跌親啫。」我説。
「四個一齊跌親，咁啱？」Miss.Wong説。
「係呀，我跌親果陣唔小心推倒咗王浩然，然後佢又推倒咗陳浩南，然後佢又推倒咗林浩雪，就係咁啱。」張家樂説。
我滴咗幾滴冷汗出嚟，呢個大話實在係太過牽強啦......
「哦......咁呀，咁使唔使去醫療室呀？」Miss.Wong説。
Miss.Wong信咗？ What the fuck......
「唔洗......休息下就冇事㗎啦。」王銘然説。
「咁好啦，你地返位啦！」Miss.Wong説。
返到位望向曉琳，佢憂心忡忡咁望住我。
「點呀痛唔痛呀？」曉琳問。
「痛呀......」我説。
「對唔住囉......原諒我啦......」曉琳説。
「做乜講對唔住呀，我都冇嬲你。」我説。
「真嘅？」曉琳説。
「真㗎。」我説。
我覺得同我拍咗拖之後嘅曉琳，好似有啲奇怪。
定係係我錯覺呢？
「呀雪，做乜呆哂呀？」曉琳問。
「冇呀，唸緊啲野啫。」我説。
「放學去唔去食野呀？附近開咗間小食店喎。」曉琳説。
「嗯......」我遲疑地説。
「我請你？」曉琳説。
「好啦咁。」我説。
睇嚟我都要快啲揾返份工啦，唔可以俾曉琳負擔哂所有嘅使費。
嘻嘻哈哈咁又放學，只不過今次唔使再一個人行。
「快啲啦！」曉琳催促。
「行啦！」我説。
拖住手咁行出校門，全校又再一次轟動。
「乜林浩雪真係溝到曉琳bb㗎？」
「話咗㗎啦，你又唔信......」
「呀呀呀！我失戀啦！」
.
.
.
「嗯~啲咖喱魚蛋好好食呀！」曉琳説。
「啲墨魚咀都好正！」我説。
「下次再嚟食？」曉琳問。
「下次先算啦......」我説。
呢到啲野食雖然好正，但係咖喱魚蛋賣二十七蚊十粒，墨魚咀一串三十。
但係見曉琳食得咁開心，我都唔想叫佢下次唔好再嚟。
天外之聲：收皮啦你，又唔係你請！
咳咳咳......
「不如我地以後輪流送對方返屋企呀？咁你咪唔洗咁辛苦囉！」曉琳提議。
「唔使啦，我都唔辛苦。」我説。
如果俾佢見到雪彤我咪仆街？
「唔好啦......」曉琳哀求。
ok you win.
「好啦，咁今日你送我返屋企啦。」我説。
曉琳突然奸笑了一下。
「你......笑咩？」我有種不祥嘅預感。
「不如我地今晚去你屋企食飯呢，叫埋你房主一齊食，當係答謝佢呢。」曉琳説。
唔係掛......
曉琳認真成個人變哂。
「我打個電話問下佢先。」我説。
「嘟......嘟......」
「喂？」雪彤接聽了。
「雪彤呀，等間曉琳上嚟食飯呀。」我説。
「咁呀，我出去食啦。」雪彤説。
「唔係呀，佢想叫埋你一齊食。」我説。
「下？點解呀？」雪彤問。
「説來話長，遲啲再同你解釋。記住，曉琳認為你係我房主，間房係你租俾我嘅。我之前有問過你借$13000。至於你個名......就叫程慕雪啦。」我説。
「哦。咁我而家開始整餸啦！」雪彤説。
跟住佢就收咗線。
等等先......
點解我唔直接同曉琳講話房主唔俾佢嚟？
點解我咁on9㗎？
「點呀，得唔得呀？」曉琳問。
「得呀！佢而家整緊餸。」我説。
「咁我地快啲快啦！」曉琳説。
返到屋企，雪彤就喺到歡迎我地。
「咦？你地嚟咗啦？快啲去洗手啦，我啱啱好整完。」雪彤説。
「佢好靚呀......」我聽到曉琳小聲説。
奇怪，佢之前唔係喺相入面已經見過雪彤咩？
當曉琳見到今日嘅晚餐之後，雖然只係一瞬間，但係我的而且確見到曉琳流露出厭惡嘅神色。
啲飯餸唔係啲咩垃圾，而係曉琳之前嚟我地屋企果陣，我地食嘅晚餐。
而成餐飯，曉琳都冇出過一句聲，亦都食得好慢好慢。
究竟發生咩事......
明明之前曉琳見到呢啲餸果陣，仲覺得好好餸。
而且成餐飯都喺都大吵大鬧，好似暴風雨咁食哂眼前嘅餸。
雪彤都好似發現咗啲異像，偷偷地對我打咗個眼色。
「曉琳，都食得七七八八啦，我送你返屋企。」我説。
「好呀！」曉琳即刻企咗起身。
----以下將變成曉琳視角----
「返嚟啦？」呀爸問。
「係呀。」我説。
「林浩雪有冇發現呀？」呀爸非常關心呢件事。
「冇，至少而家冇。」我説。
「咁就好，你就繼續我地嘅計劃啦。」呀爸説。
「但係......佢始終都會發現，話哂佢都係......」我擔憂地説。
「到時先算啦！」呀爸説。
我返上房，入房前，我望住隔離用鐵鍊鎖住嘅房。
「對唔住。」我低聲説。
-----曉琳視角完------
--------------------
無盡拜年中~