女神話我考試排名高過佢 就滿足我一個願望: 第十二章-----意外的同居生活？

去到M記果陣，曉琳已經坐佐喺到食野。

「曉琳，做乜無端端嗌我出嚟呀？」我問。

「我俾人趕佐出家門呀......」曉琳説。

「下？點解呀？」我問。

「我家教好嚴，我呀爸今日收到一封信，入面寫佐啲字同埋有幾張相，啲相全部係我同你一齊玩既相。」曉琳説。





「咁又關你俾人趕出家門咩事呀？」我問。

「呀爸認定佐我同你拍拖，佢仲話我拍拖事小，同個窮撚拍拖事大呀！我鬧佐呀爸幾句，佢就趕佐我出嚟啦。」曉琳説。

「咁你今晚喺邊到瞓呀？」我覺得自己已經變成問題少年。

「唔知呀......可能去瞓公園。」曉琳滿不在乎地説。

「下？咁點得嫁！」我説。





「咁你有咩提議？」曉琳問。

「嗯……我屋企？」我説。

林浩雪！你講緊啲乜野呀！

「你都傻既！」曉琳笑説。

好彩佢拒絕佐啫......





「不過......都得既......」曉琳説。

下？唔撚係呀？

「仲咩呆哂呀？快啲帶路啦！」曉琳説。

Shit，又衰多口！

「等我一陣！我打個電話先！」我説。

我行埋一邊，打佐個電話俾雪彤。

「喂，做乜呀浩雪？」雪彤問。

「雪彤呀，我有個朋友黎我地屋企瞓呀，你可唔可以呢......」我説。





「下？得啦得啦，我去同學屋企瞓啦，佢嚟住幾多日呀？」雪彤問。

「唔知呀......佢走果陣我再同你講啦！」我説。

「乜你咁嫁......好啦好啦！」雪彤説。

「唔該哂！」我講完呢句就收佐綫。

希望雪彤唔知嚟果個係曉琳啦，如果唔係有排煩呀！

「你打俾邊個呀？」曉琳問。

「冇，我住緊果間屋係同人合租既，咁啱佢去佐旅行，我咪問佢可唔可以俾你嚟囉！」我答。





「咁……得唔得呀？」曉琳緊張地問。

「得！你快啲食完之後走啦！」我説。

「係......」曉琳説。

結果佢足足用佐半粒鐘先食哂……

-屋企-

「哇！間屋有冇咁大呀！幾多錢一個月呀？」曉琳驚訝地説。

「3000蚊一個月呀！」我説。

「下？你啲錢邊到嚟嫁？」曉琳問。





「佢俾我欠住先，中四打工慢慢還。」我説。

「有冇咁好人呀？」曉琳問。

「一開始我都唔信嫁，但係佢居然話我個樣同佢呀哥似樣……」我説。

「攞佢呀哥張相嚟睇下？」曉琳問。

我攞佐我同雪彤最近既合照出嚟，佢睇到之後即刻呆哂。

「點呀？似唔似樣呀？」我問。

「似……但係同你合租果個……係女仔？仲要咁靚女？」曉琳説。





我真係唔知講咩好……

「陳曉琳小姐，聽講你已經係校花喎，仲妒忌啲樣衰過你既人？」我説。

「咩……咩喎，咁……咁……咁佢真係靚呀嘛！仲......仲有呀，我幾時做佐校花嫁？」曉琳紅住面咁問。

「乜你唔知咩？由你轉佐嚟我地學校開始，你就俾我地校長追封佐校花呢個稱號啦！」我吹到天花亂墜。

雖然我係吹啫，但係我相信全校同學都認同曉琳係校花既。

「哼！蝦我既！唔理你啦！」曉琳説。

喂喂喂，唔係認真掛？

跟住果幾個鐘，曉琳都冇同我講過一句野，搞到我好悶。

「喂......」我説。

「哼！」曉琳説。

就咁dead air佐幾個鐘......

去到佢沖涼之前，佢先同我講第一句野。

「衰人！」曉琳説。

「咩事呀？」我問。

「我冇帶衫褲過嚟呀......」曉琳細細聲咁講。

「咳咳......」我嚇親。

「咁點呀......」曉琳無奈地説。

「你用住同我合租果個女仔啲衫先囉！」我説。

「下？得咩？」曉琳疑惑地問。

「我唔話俾佢知咪得囉！」我説。

「好啦咁......」曉琳説。

沖完涼之後，曉琳都好似下佐啖氣，至少佢肯同翻我講野。

「嬲完未呀？」我問。

「唱歌俾我聽！」曉琳説。

「下？你想聽邊首呀？」我説。

「嗯......就Dear Jane首《不許你注定一人》啦！」曉琳説。

「不許你注定一人，永遠共你去抱緊......」我唱。

唱完之後，曉琳已經笑容滿面。

「算你啦！」曉琳説。

唉......幾時先可以解脱呀......