女神話我考試排名高過佢 就滿足我一個願望: 第十一章-----夢

「哈哈哈哈！林浩雪做捉！」一些小朋友説。

「下？點解喎......」我不解地問。

「下？乜野點解呀？因為你窮囉！窮就要做捉嫁啦！」其中一個小朋友説。

點解呀爸唔俾我透露財力喎，搞到我俾人欺凌。

「唔好咁啦！」我説。





「唔想做捉呀？唔好玩囉！」另一個小朋友説。

「好啦好啦！我做捉啦......」我説。

我真係好想同佢地玩，好想同佢地做朋友呀......

五分鐘後

「我捉到你啦！你要做捉啦！」我對一位小朋友説。





我見到個小朋友好不甘心咁dup低頭，然後我彷佛見到佢頭上有個電燈擔亮佐。

「好啦！贊成林浩雪再做捉既就舉手啦！」佢説。

佢地大部分人都舉哂手。

點解呀......點解你地要咁蝦我呀......

我真係問佐佢地。





「點解？因為你係我地最窮果個囉！窮就要俾人蝦嫁啦！快啲做啦！係咪想我打你呀？」一個比較大隻既小朋友説。

點解窮就要俾人蝦？

點解窮就會冇朋友？

「喂！成班男仔蝦一個人，有冇羞恥心㗎？」有一個女仔大嗌。

「嘩！走呀！陳家大小姐嚟啦！」佢地全部邊跑邊嗌。

「多……多謝你呀。」我説。

「好小事啫！」她笑説。

「我咁窮，冇好處俾你嫁喎，你點解要幫我呀？」我問。





我認為佢知道我窮之後，會即刻跑開，但結果出乎意料之外。

「乜幫人要睇佢窮唔窮嫁咩？」佢問。

再傾多一陣，佢後面有個着住西裝，而且帶住墨鏡既男人同佢講佐少少野。

佢面色一變，就跑走佐。

「喂！你叫咩名呀？」我問。

「如果之後仲有機會見面既話，就叫我琳琳啦！」琳琳説。

「我叫林浩雪呀！」我説。





佢對住我笑佐一下，就真係走佐啦。

------------------------
「喂……醒啦！唔好再瞓啦！」曉琳喺我耳邊説。

「下？而家咩堂呀？」我問曉琳。

「仲問咩堂？放學啦！」曉琳沒好氣地説。

原來啱啱發夢夢到琳琳，果次之後佢就好似人間蒸發咁消失佐，我揾極都揾唔到佢。

「喂，做乜呆哂呀？我走先啦，拜拜！」曉琳説。

「拜拜......」我説。





我起身伸下懶腰，先發現仲有大半班人未走。

我再望一望個鐘，原来而家已經4點半，班友仔仲係留喺到温書。

啲人成日話精英班學習風氣好好，原来係咁解。

一開屋門，雪彤就兜口兜面咁撞埋嚟我到。

「呀！」我地同時慘叫。

「你做乜野撞埋嚟呀？好痛呀！」雪彤惡人先告狀。

「喂喂喂，明明就係你撞理嚟先既，想屈我？」我反駁。

「下？係咩？」雪彤反問。





呢條友……

「話説你今日瞓足三堂，爽哂啦！」雪彤説。

「咩啫？上堂瞓教好平常啫！」我説。

「唔係囉！我地班未試過有人上堂瞓教嫁！仲有呀！點解你上堂瞓教都咁高分嫁！」雪彤咆哮。

「冇辦法啦！我勁丫嘛！」我得戚地説。

「超！」雪彤不屑地説。

「話説你同曉琳發展成點呀？」雪彤問。

「err......咩點呀？」我説。

「我聽到哂啦！你同曉琳比賽，贏佐做乜都得呀嘛！」雪彤説。

「你……你點知嫁？」我心虛地説。

「張家樂同我講既！」雪彤説。

張家樂！你背叛我！

等等先！

「你識張家樂嫁咩？」我問。

「佢係我小學同學嚟嫁。」雪彤説。

「哦~原来係咁！」我説。

等等先！

小學同學？

我同雪彤同一間小學我會唔識佢？

呢個時候，雪彤偷偷地轉身唸住走人。

我拍佐一拍佢搏頭，佢即刻震佐一震。

「雪彤呀，聽講我同你係讀同一間小學嫁可？」我問。

「係……係呀，做......做乜？」雪彤戰戰兢兢地説。

「仲問我做乜？我同你讀同一間小學我會唔識佢？同我從實招來！」我説。

「我講啦我講啦......上年我有個friend讀D班，佢咁啱坐喺你同曉琳後面，聽到哂你同曉琳既對話，所以……」雪彤説。

「咁咋？使唔使講大話屈張家樂呀......」我無奈地說。

「我怕你會鬧我有個D班既朋友丫嘛！」雪彤説。

「傻既！我自己都係D班出身既，點會鬧你呀......」我説。

「好似係喎，哈哈……」雪彤傻笑。

雪彤一定有啲古怪，但係無謂問到盡啦！

「那動人時光，不用常回看......」手機響了。

邊個打嚟嫁？

「喂？」我說。

「浩雪，我係曉琳呀！而家落一落嚟M記得唔得呀？」曉琳説。

「得，而家落嚟。」我説。
------------
儘量出快啲啦，
不過暫時都係幾日一更