女神話我考試排名高過佢 就滿足我一個願望: 第九章-----同Miss.Pang駁嘴

其實張家樂佢地已經知道我同曉琳之間的比賽，亦都知道我想溝曉琳，但係佢地冇乜感覺。

我問過佢地，佢地答：「女神，可遠觀而不可襄玩。」

有冇咁正直呀？

而且佢地好似喺度串緊我......

然後個音樂考試，我同曉琳理所當然咁攞佐最高分，仲攞到一個獎盃。





我將個獎盃送佐俾曉琳，而曉琳都笑住咁收佐。

「好sweet呀~」張家樂喺我隔離説。

「算啦你！都未得米！sweet乜啫！」我説。

「果邊果兩位同學，小息落嚟教員室揾我！」Miss.Pang指着我和張家樂説。

「下？點解呀？」張家樂問。





「仲問我點解？你兩個傾得咁大聲，當我聽唔到嫁？」Miss.Pang説。

「下？乜我地有講過野咩？各位同學，如果啱啱聽到我同張家樂講野既就舉手啦！」我説。

全班冇人舉手。

「Miss.Pang，冇人舉手喎，得你一個人既片面之詞係唔足夠嫁！」張家樂配合地説。

「係囉！Miss.Pang，你係咪幻聽呀？我可以介紹醫生俾你嫁！」曉琳説。





全班即刻笑得勁大聲。

不過，有一樣野我係估唔到既，就係冇人舉手話我。

Miss.Pang即刻呆哂，好似未試過發生啲咁既事件咁。

唔係呀？佢話哂都教佐四十幾年書，居然未試過發生啲咁既情況？

Miss.Pang冇再講野，過佐幾分鐘之後，鐘聲響佐之後，佢聲線好平淡咁講：「好啦，今日係咁多，你地走啦，唔洗敬禮啦。」

頂，呢個語氣令我好心寒呀，佢應該唔會報復既。。。

返到班房之後，全班討論得勁大聲。

「yay！終於可以整返Miss.Pang一劑啦」





「我等呢個機會等佐好耐啦！」

「你見唔見到Miss.Pang個樣呀？我咁大個人未試過咁開心㗎！」

班上面幸災樂禍既對話愈嚟愈多，呢一刻我先知道，佢地唔舉報我係因為佢地憎Miss.Pang多過憎我......

「喂，你啱啱玩Miss.Pang玩得好開心喎！」曉琳説。

「超，你都有份玩嫁喎！」我説。

「幫你手炒熱氣氛咋！多謝我啦！」曉琳説。

「哇！多謝哂喎！洗唔洗頒個獎俾你呀？」我説。





「你頒我又冇所謂喎！」曉琳説。

我用紙畫佐個奬狀出嚟，然後問：「請問陳小姐有啲咩得獎感言？」

「多謝呀爸，多謝呀媽，多謝TVB，多謝你地既悉心栽培。」曉琳配合我説。

唉，曉琳居然會咁配合我，被人玩返轉頭......

「唉，唔玩啦唔玩啦......」我説。

曉琳笑而不語。

而我喺中二生涯入面，日日都係同曉琳傾計，同張家樂佢地傾計(我仲未聽過佢把聲，上次音樂考試佢淨係彈結他)，放學之後同曉琳温書，逢一，三，五夜晚同張家樂佢地温書。

但係我始終贏唔到曉琳，雖然而家已經逐漸拉近差距，但係仲差0.7,0.8分。





至於雪彤？佢好似已經拍緊拖，個對象好似係叫.....岳希晨？下年睇下佢咩料先！

我同雪彤既關係好似冷淡佐好多，可能係因為我而家冇乜時間同佢傾計。

不過話哂都係兩兄妹，關係唔會差得去邊既。

好啦，聽日就係中三開學日，快啲瞓教先。

--------------------
首先要同各位講聲對唔住先，
呢幾日我都病到死死下，
好辛苦先嘔到篇文出嚟，
長度唔好介意，
同曉琳拍拖應該會由中三開始嫁啦，




請各位期待下啦！