女神話我考試排名高過佢 就滿足我一個願望: 第八章-----羅生門

去到M記果陣，佢地三個已經到佐，而且已經温緊書。

「喂，你地食佐野啦？」我問。

「咦？你嚟佐啦？未呀，唸住8點先食呀！」張家樂説。

「OK！你地温到邊呀？」我問。

「温緊數學呀！啲SAS都唔知咩嚟既！」王銘然説。





「好易啫！只要blablabla，就blablabla.....」我解釋佐一陣。

「哦！原来係咁！」王銘然説。

教佐一陣之後，我就係到自己做自己野。

點解？因為佢地已經識.哂.喇！

佢地悟性並唔低，應該只係同我一樣冇温書，所以入佐嚟D班。





一個月後

我望住手上果兩份成績表，失落感全部浮現哂喺塊面到。

始終都係超越唔到佢。

左手邊果份，係我份成績表：

班名次：2/36





級名次：3/180

平均分：95.8

右手邊果份，係曉琳份成績表：

班名次：1/36

級名次：2/180

平均分：97.3

曉琳實在係太高分喇！

但係，即使有97.3分，都係全級第二？





第一名究竟有幾變態呀？

「睇完未呀？睇完好俾返我喇喎！」曉琳説。

「得啦！點解你可以咁高分㗎？」我説。

「因為我勁囉！」曉琳得戚地説。

切.....等我高分過你之後即刻叫你做我條女先！

「話説今日音樂考試喎！你準備好未呀？」曉琳問。

「下？今日咩？歌詞我一早就背熟佐，但係冇詞，冇純音樂，冇譜，點算呀？我唔想冇佐五成分呀！」我問。





「一早估到你啦，我帶齊哂啦！不過冇同你夾過喎。」曉琳説。

「唔緊要啦！我地咁合拍！」我説。

音樂堂

「如果，命運能選擇......」

「度日月，穿山水，尚在恨，那誰......」

「不許你註定一人.....」

一组又一組咁過佐，下組終於到我地喇！

「下一組，由陳曉琳同學同埋林浩雪同學唱出「羅生門」！」





音樂開始播出，我順利咁唱出第一句：「若果你，未覺荒謬，被傳聞談論的，瘋子挽着手。」
.
.
.
.
.
.
「别瘋狂，」「下個一月，」

「願如期團聚於，冰島某地方。」
「讓前麈沉澱於，福島某地方。」

我同曉琳唱出最後一句。





全班一齊拍掌，可能係因為曉琳，亦都可能係因為我地真係唱得好聽。

小息

「真係唔咁相信，明明我同你冇事先夾過，但都可以唱得咁好！」曉琳以不敢相信的語氣説。

「都講佐㗎啦，你又唔信。」我説。

「喂，浩雪，曉琳，你地啱啱首「羅生門」唱得好好聽呀！你地練佐幾耐呀？」張家樂神不知鬼不覺咁行佐嚟我身邊問。

嚇佐我一跳。

「冇呀，我都冇同佢練過，條友仔都係啱啱先知今日考試咋！」曉琳説。

「係咪真嫁？好假喎！」王銘然亦都靜雞雞咁行嚟我身邊説。

頂，佢地行路冇聲嫁？

「信不信由你~」曉琳居然冇嚇親，悠然自得地説。
-------------------------
Sorry ar,今章比較短，
其實我係咪作得好差，
感覺少佐人睇，
希望係我錯覺啦...