[旅行鬼故事系列] [陳生返黎啦] 澳門旅遊之陰魂不散的傳教士: 彩蛋二：天賜與阿詩 - 分手物語（下）
到了約會當天，我拿著鎖頭和鑰匙來到回歸塔，我看見了阿詩，她仍是那身淡黃色長裙！
「咦？天賜？點解......」阿詩看見了我，露出驚訝的神情，我真好奇子鋒是怎樣約她出來的。
「阿詩！係我要子鋒約你出嚟！」我看著阿詩，感覺被她再次感引了！
「哦......咁樣！嗯，咁你搵我咩事？」阿詩低下了頭，深吸了一口氣後，便回到平時的樣子了！
「阿詩！我愛你！無論你點諗，無論你講咗D咩，我都會繼續愛你！所以......」我又被阿詩打斷了說話！
「天賜，我......我明白！我地只係分開咗一日，你仲會有呢種感覺唔出奇！但我已經講得好清楚，我好想支持你，所以......我地唔好再糾纏落去啦！」阿詩說罷便打算離開，我捉著她的手腕，不讓她離去！
「阿詩！『無論將來發生咩事，我都會喺你身邊守護你、愛護你！就好似呢個鎖匙扣咁，會將我地緊緊鎖埋一齊，維繫住我地嘅感情！』」這正是當日，我在這裏對阿詩說的話！
「天賜......你......」看來她想不到我會記起當時的說話！
「『就算鎖匙扣壞咗又好，唔見咗又好，我都會記住今日同你講嘅說話！我應承你，我唔會離開你！我最愛嘅人，只有你！』」我把當日的話全都再說一遍。
「估唔到......你仲記得......不過，都無關係啦！當日講嘅時候，我地都仲細！無謂俾當日嘅孩童戲語，而阻礙到你！不過，我都好開心你可以記得返當日嘅說話，天賜，你要......」阿詩說話，我再也忍不住要打斷她了。
「唔好講！我叫你唔好講呀！」我大聲地說，看來阿詩也被我嚇到！
「無你喺身邊，無論我做咩都唔會有樂趣！無你嘅人生，我嘅世界只會係灰暗，毫無色彩！無你嘅張天賜，只會係一個無靈魂嘅廢物！你明唔明呀鄭美詩！你喺我心目中嘅地位係幾咁重要呀！」
「吓？我......」阿詩像是又驚又喜，但看來還有些許疑惑！
「你唔好再呃自己啦！你根本唔想同我分手！」我一下子把繫在她手袋上那個鑰匙扣搶了過來，然後狠狠的扔去塔外！
「呀！你做咩呀！果個係我地第一次一齊擁有嘅禮物嚟架！我諗住分手之後留低俾自己回憶架！」阿詩想離開回歸塔，去拾回那個鑰匙扣，卻被我緊緊的從後抱著！
「唔駛執啦！鎖匙扣無咗就由佢啦！你根本唔需要留住個鎖匙扣嚟回憶，因為......我就喺你身邊！你可以多D對我撒嬌，對我發脾氣，你唔需要事事做到完美！你只需要將你嘅感情表露出嚟！你只需要繼續愛我！鄭美詩！我唔會俾你走！」
「天賜......天賜......點解......點解你要喺我下定決心之後先講D咁嘅說話！我本來已經決定咗要離開你，我只想作為一個朋友全力支持你！即使我依家有返信心，我......我可能某一日又會因為各種情緒而變得無信心！咁對你都唔係一件好事嚟！」阿詩的淚，慢慢的滴在我手上！
我拿出刻上了我和阿詩名字的鎖頭和鑰匙！
「阿詩，無論你嘅心情係點都好，你聽我講完呢番說話先！前日你同我講分手果陣，我腦入面一片空白，我從未試過咁失落！我一直以嚟，都自以為對你已經好好，又以為自己好了解你！但唔係……原來唔係……我一直都唔知，原來付出嘅都係你，我只係不斷消費緊你對我嘅愛！直到你真係決定分手，真係離開我果一刻，我先明白，原來……你喺我心目中係咁重要！」
「天賜……我明……我真係明！我都無怪過你，呢段關係係點我好明白，所以我先會……」
「唔係！你唔明！你唔明我其實係無辨法失去你！你話你唔係我諗得咁完美，其實我同你一樣，都係唔完美！我都會驚，我都會怕，我都會有嘢諗唔通！而最重要，我會怕失去你……所以……唔好離開我！」我用力的緊抱著她。
「天賜……多謝你！我好開心……好開心你終於肯將心底嘅說話講出嚟！好開心你真係咁鍾意我……不過，我已經講過，我怕……我怕自己嘅感情會變，我無信心可以無私咁等到你返嚟！我……怕大家都受到傷害！我想將最完美嘅自己，留係你心入面……天賜，放手，對我對你，可能先係最好嘅選擇！」
「唔係咁架！你都知道唔係咁架！我地可以有更好嘅選擇，就係一齊走落去！你無信心嘅，我俾信心你！你擔心D咩，我同你一齊擔心！你驚影響到我，我就係相俾你影響到！咩最完美嘅你，其實一早已經喺我心入面，每一刻嘅你喺我心目中都係咁好咁完美！我鍾意你笑，鍾意你喊，鍾意你嬲，鍾意你發呆！我鍾意你嘅一切！」
「我……我唔值得你對我咁架……」我感到阿詩哭泣著，除了悲傷，還帶有一點愧疚！我輕輕把她轉過來，面向著我，我用手輕輕擦掉她臉上的眼淚！
「值得！你值得我為你做任何嘢！無論你想離開我幾多次，無論你嘅心情有幾不安！我都一定會追住你唔放，令到你心情變好，令到你同我一齊！」我輕輕的親上她的額頭，希望能把自己的心情傳達給她！
「天賜……我……我真係好鍾意你！對唔住！對唔住呀！我唔想同你分開……我想同你一齊……我……我……」阿詩伏在我懷內痛哭著，不知道是過了十分鐘還是二十分鐘，甚至可能更長，終於，阿詩的眼淚慢慢的止住了。
「應承我，做返我女朋友，唔好同我分手！我一個人，無咗你係咩都做唔到架！」我輕撫著她的頭。
「我……我真係配做你女朋友？同埋，我之後可能又會有疑惑，又會無信心！咁……」我右手食指輕輕放在她的唇上。
「我講過，我一定會俾信心你！」我把預先準備好的鎖頭拿了出來，把刻有我的名字的鎖頭，鎖在阿詩的手挽袋上！然後又把刻有她的名字的鎖頭，鎖在我的鑰匙圈上！
「雖然已經無咗個鎖匙扣，但舊嘅無咗，就代表我地之間嘅問題已經解決咗啦！至於呢個新嘅，有我地個名嘅！今次扣咗上去就無得拎返落嚟架啦！」
「吓？咁條匙呢？」
「條匙係度！睇住啦，1，2，3！」我狠狠的把鑰匙掉到遠方！
「條匙無咗啦，我地只可以一世掛住喺對方身上！阿詩，重新再做一次我嘅女朋友啦，好無？」我緊緊的看著她的雙眼，眼中反映出來的我，竟是如此不安！
「我……我……我……」阿詩淚流滿臉，導致完全說不出話來！
但我看見她微微的點頭，我馬上緊緊的貼上她的嘴唇。
這個吻不知道維持了多久，當我們的唇分開後，兩人皆顯得臉紅耳赤的！
夕陽映照在阿詩的身上，那嬌羞的表情，我想我真的再次愛上她了！
「你諗緊咩呀天賜！」她右手輕撫我的臉頰！
「我諗緊……我應該重新愛上你啦！」我把心底話說出來。
「嘻，傻瓜！你幾時學咗子鋒咁講嘢架？」阿詩微微一笑，一舉一動皆令我感到心動！
「我先無學佢！不過，我都要多謝佢！」
我們相擁了一會，欣賞了美麗的日落！
「阿詩呀！我諗……我都係唔去外國讀書啦！我想一真陪住你！」我認真的看著她！
「天賜……唔得！我唔準你咁做，你一定要去！」
「但係……」
「唔駛但係啦！你就當係我地復合之後，我一個任性嘅要求啦！」
「你唔係驚我地會……」
「驚架！不過你頭先都講咗，你會諗辨法令我唔驚架嘛！依家距離你去外國仲有一段時間，你要好好諗下，點樣可以令我安心啦！」阿詩咧嘴一笑，差點把我的靈魄都奪走了！
「好！我應承你！」我們在夕陽下深深一吻，總算，我們又再次在一起了！
之後，我便下定決心，安排了一次澳門之旅！
既可以還一個人情給子鋒，又可以令阿詩更加安心！
我不會再犯錯的了！
我蓋上了結婚時影的照片簿，從回憶模式中回到現實！
「爸爸！爸爸！」一把充滿稚氣和活力的聲音傳到我取邊來！
「天仁你返嚟啦，同媽媽玩得開唔開心呀？」我抱起了這小傢伙！
「開心呀！爸爸你睇緊咩呀？」天仁天真地問。
「我睇緊同媽媽嘅相簿囉！」我溫柔地說。
「我又睇！我又睇！」天仁高興地打算拿起照片來看。
「天仁！返嚟屋企第一件事要做咩呀？」一把溫柔而又動聽的聲音，從玄關處傳來！
「係！媽咪！第一件事要去洗手同漱口！」天仁向玄關方向立正的說。
「咁仲唔去？」隨著媽媽的命令，天仁一下子跑到洗手間去。
「咦？老公，你睇緊咩呀？」眼前的漂亮女性對我說。
「無呀，睇緊我地D結婚相囉！老婆呀……」我深情的看著她。
「嘻，做咩呀？古古怪怪咁嘅？」這笑聲，就是這笑聲令我心動不已！
「無呀，老婆！阿詩！我愛你！」我輕輕的親了她的額頭，仿佛又回到那少年時代！
我會遵守諾言，一生都愛護你、守護你！
完