[旅行鬼故事系列] [陳生返黎啦] 澳門旅遊之陰魂不散的傳教士: 彩蛋一：天命叔與拉斐爾（下）
那邊廂，剛剛在草原上突然冒出來的非人生物，正在跟立仁師兄友好地聊天！
「各位，唔好意思，今次麻煩晒！下個月我拎D靚酒入嚟考敬大家！」立仁師兄對著眾多非人生物說。
「客咩氣呀，當年全靠你師傅，幫我地將呢度劃分為唔同區域！我地果陣打起上嚟嘅話，邊有今日咁繁榮先得架！」老人說。
「係囉，同埋我地由細睇到你大，今日可以幫你師傅帶D師兄弟嚟修練，我地都開心架！俾少少教訓果個細路係啱嘅！」狼人豪邁地說。
「呢個細路其實天份幾高架，衰在係唔聽教，今次多得各位前輩出手，我諗佢之後會收斂D架啦！係呢，狼兄，你手臂無事呀嘛？」立仁師兄恭敬地問。
「手臂？無事！不過估唔到，果個細路嘅力量真係唔弱，我已經有特別注意佢出手架啦，估唔到都俾佢傷到！」狼人點了點頭，看來對我頗為讚賞！
「係啦，個細路真係有D料到！頭先佢嘅縛神咒，竟然可以困住我三秒鐘，想當日你師傅都係咁上下Ja！」老人看來也頗欣賞我！
「多謝各位前輩咁欣賞佢！我都係時候返去照顧其他師弟啦，再見！」立仁師兄跟他們道別後，便回去繼續指導其他師弟！
「不過，個細路走咗入樹林，應該唔會有事卦？」狼人說。
「樹林入面無其他人會入去架啦，唔駛擔心，有咩事立仁會去搵佢架啦！我返去休息啦，你地都早D休息啦！」老人打了聲招呼後，便回到自己的領土去了，其他人也各自回到自己的領土了！
「哇！屌！好痛呀！我喺邊呀？」大約數分鐘後，我從洞穴中清醒過來。
「唉，今次仆街啦！個窿咁撚深，點爬都爬唔到上去架喎！」我抬頭看著上方，搖頭並歎了口氣！
正在苦惱之際，我隱約聽到洞穴某處，好像傳來說話的聲音！
我沿著聲音的方向，緩慢的移動著！
聲音慢慢變得清晰，總算能聽到對話的內容！
「點算呀，明明感覺到佢落咗嚟架喎！」是一把男聲。
「冷靜D，佢應該隱藏咗自己嘅力量，但好在我地整嘅陷阱夠深，佢唔用力量嘅話應該離開唔到呢度！」另一把男聲說。
「吓？陷阱？跌落嚟？佢地唔係講緊我呀？」我小心地隱藏自己的氣息，避免他們發現！
「咁我地依家點算好呀？繼續守住呢度定走去搵佢？」
「你留喺度守住，我試下去感應佢喺邊！佢應該走唔甩，夠膽嚟招惹我地，我唔會輕易放過佢！」
「唔撚係咁小氣呀？我都係唔小心用五雷咒傷到佢地者，唔駛咁惡呀？」我愈聽愈感到不妙，便打算悄悄離去。
怎料到離開時，卻不小心踢到一顆小石頭！
「咩聲？米迦勒，你留喺度，我去追！」我感到一股強大的力量向我方向走來，我轉身拔腿就跑！
可惜這洞穴好像只有一條路，我被逼回到掉落陷阱的位置！
「仆街！橫又死，掂又死！我就同你鬥過！」
我二路不說，向著那股逐漸逼向我的力量，以我目前偷學回來的最強咒法 ── 雷動九天，狠狠向他施放出來！
「小小雷電想傷我！咦？雷電？」那男的面前出現一道光牆，把我的攻擊擋下了！
「可惡！再嚟！定身咒加五雷咒！」剛剛為了逃出那群非人生物的圍攻，現在又碰上這傢伙，靈力已差不多見底了！
「奇怪？你唔係別西卜手下！你係邊個！」這男人一下子破掉了我的定身咒，亦擋下了我的五雷咒！
「我係邊個？唔好扮嘢啦，頭先我打傷你地D同伴係我唔啱，但都唔駛攞我命架！」面對攻擊被這神秘人抵擋掉，我只好爭取時間來凝聚靈力，希望最強一擊能把他打走吧！
「打傷我D同伴？你講咩呀？咦，點解有個窿喺上面嘅？哦，原來你中咗陷阱！唔好出手，我唔會傷害你！」這男人突然使出懷柔政策，我才不會上當！
「唔駛呃我啦！頭先先講要我留低四肢，咁想要嘅話我將所有力量俾晒你！雷動煉獄天火破（原創By：張天命！即雷動九天加上煉獄真火！）！」我把這一擊放出來後，我感到身體的力氣像被抽乾了，只好無力的坐在地上！
我感到咒術成功擊中了那傢伙，只是不知道效果如何！
咒術引起的煙霧散去後，只見剛剛的男人，被兩隻白色羽翼保護著！
想不到我全力一擊，只能令他其中一隻羽翼燒掉一半！
「估唔到……你會有咁大嘅力量！」這男人口角流血，看來成功傷到他了！
可惜，我已經沒有多餘的靈力和體力對付他了！
就在我準備放棄之際，這個男人身後，突然出現了一大群蒼蠅，那些討厭的聲音使我感到非常厭惡！
那些蒼蠅，牠們合起來飛行的形態，竟像一把大劍，狠狠的衝向這個男人！
他像完全沒有發現似的，大劍離他只有一米左右，卻突然停了下來！
不對，正確來說是被阻止了，因為在那些蒼蠅的四周，像有一個盒子困著他們，阻擋了他們的去勢！
那些蒼蠅被困著後，盒內突然出現了無數黑氣，把箱子都撞破了！
就在撞破箱子之後，那些蒼蠅聚集在一起，變成一個又像蝙蝠，又像其他生物的東西！
而這個形像，我再熟悉不過，就是立仁師兄經常提起，魔鬼的身姿了！
「原本爭少少可以殺咗拉斐爾！可惡嘅米迦勒！」那頭魔鬼大喊著！
「殺我？你以為你做到咩？你嘅力量比呢位後生仔更差！就算我受咗傷，只有單翼完好無缺，一樣可以贏你！淨化並回歸神嘅懷抱啦，神聖之光！」拉斐爾帥氣地回答！
「二對一太唔公平啦，我唔玩啦！」正當這魔鬼打算逃走時，卻發現米迦勒竟在他背後抓著他，讓他不能動彈！
「可惡！米迦勒你想食？呢道光嘅力量，就算係你都唔可以安然無恙！」魔鬼嘗試最後的掙扎，卻換來米迦勒的冷笑！
「哼！你都傻傻地，我生活嘅地方本來就充滿神聖之光，又點會傷到我！不過你放心，你都唔會死，你只係會被淨化之後，俾我地帶到上帝面前承認自己嘅罪名！」
「我……我唔要見佢！我唔要！」魔鬼像下定了決心一樣，他的身體快速膨脹！
「自爆？可惡！」米迦勒用雙翼包裹著魔鬼，吸收了自爆的能量！
「都唔明點解，明明唔打算殺佢地，只係帶佢地去見神者，咁就要自殺！」拉斐爾搖頭說。
「哇，拉斐爾你搞咩呀？點解會受傷架？」米迦勒這才發現拉斐爾的羽翼被破壞了！
「哦，係呢個小朋友！佢能力好強，如果係佢，相信同魔鬼對抗絕對無問題！」拉斐爾指著我說。
「咪住咪住咪住！我依家好混亂！又神又魔鬼又天使……你地真係天使？」我合不攏嘴地問。
「你見到我地嘅白色翅膀都唔明？我地真係天使嚟！」米迦勒回答我的同時，他用羽翼覆蓋了拉斐爾受傷的地方，然後像甚麼也沒有發生似的，所有傷口完好無缺！
「哇屌！咁堅？」我真心佩服這種治療能力！
「少年你都唔差架，有無興趣跟我地返教堂侍奉神！你嘅力量充滿住正氣，我相信你一定會成為出色嘅傳教士！」拉斐爾用他的翅膀覆蓋了我的身體，我感到自己的靈力和體力都回來了！
我猶豫了一會：「都……都係唔駛啦！我有個好好嘅師傅，我地做人唔可以咁無口齒，走去跟第二個！」
「無所謂啦！我都覺得依家你學緊嘅嘢比較適合你！好啦，我趕時間，拉斐爾，你負責送佢走！我要去追另一隻魔鬼！」話音剛落，米迦勒就離開了！
「好啦，等我帶出返去啦，阿……咦，你叫咩名呀？」阿爾尷尬地說。
「我？我叫張天命！」
「張天命！張天命！好名！我叫拉斐爾，叫我阿爾得啦！等我送你出去！」
他用羽翼把我包裹起來，一下子回到我修練的地方！
「好啦，天命小子，送你到呢度，我都係時候去追其他魔鬼啦！仲有，你要努力修練，我期望將來會喺某處再同你見面！」阿爾揮手跟找道別！
「多謝你！但我唔係好想再見到你！希望唔好再見啦！」那時的我，已是這麼直腸直肚！
「哈哈！有意思！不過，命運嘅嘢，你唔會抗拒到！我地遲D再見啦！」然後他便飛走了！
之後的日子，的確跟阿爾碰了數次面！
而每次碰面，都是一些可怕的除靈事件！
在2006年，我竟收到阿爾的電話：「你徒弟體內，有一隻怪物！」
「我都感覺到架啦，究竟係咩事，點解你會知架？究竟佢體內嘅係咩？」每次跟阿爾接觸，都總是碰上壞事的！
「陣間老地方見面詳談！不過，我可以先話你知，你徒弟體內嘅，其實係……」
完