[旅行鬼故事系列] [陳生返黎啦] 澳門旅遊之陰魂不散的傳教士: （二十）

離開了大宅，也差不多到中午了。
在徒步到街市時，我偷偷的跟天賜交待了在媽閣廟發生的事！
 
不到五分鐘，我們便來到下環街市熟食中心！
來到這裏時，我真的誠心祈禱著，不要又給我遇上甚麼怪事啊！
要是再來一次，我不排除會立即回到香港，執拾好所有符咒道具，來澳門好好的廝殺一番！
 
「好啦！香蕉仔喺邊呀？」冰冰高興的問。
 
「唔知呀，我地上去熟食中心望下先啦！」阿詩回答。




 
進到熟食中心內部時，跟香港的其實沒有兩樣！
賣的東西則跟香港稍有不同，但逛了一圈後，卻沒有發現期待中的香蕉仔！
 
「咦？奇怪啦，點解會無嘅？」阿詩說。
 
「會唔會今日無開Ja？」天賜說。
 
「應該唔係啦，我都唔見有香蕉仔個攤檔！不如問下人啦！」我提議。
 




我們隨便詢問了當地的人，原來香蕉仔的檔主還在街頭擺賣，遲些才會搬進來熟食中心！
經過那人的指點，我們了解大約的位置了。
 
然後我們在熟食中心吃了東西後，便出發找尋那傳說中的香蕉仔了。
 
我們搜尋了附近的街道，不一會兒，便嗅到一陣香噴噴的味道！
 
「好香呀！應該係香蕉仔嘅味啦！我地快D過去啦！」阿奶興奮地拉著我往前走。
 
「係呢度啦！」冰冰看到這個檔攤，也興奮地說。




 
只見這個木頭車造成的攤檔，在香港已經買少見少了！
想不到在澳門仍然找得到！
 
這攤檔跟香港的雞蛋仔檔沒有甚麼分別！
最大的不同，只是它多了一個香蕉的倒模模形，大慨就是用來製作那個香蕉仔的吧！
 
「老闆，三份香蕉仔！要多一份雞蛋仔！」阿奶大喊，剛剛明明才說吃不下東西了，現在竟一下子點了四份東西！
 
雖說我們會分來吃，但這樣也未免太多了吧！
算了，她開心就好！
 
由於所有東西都是即時製作的，所以頗費時間！
在等候期間，女生們到了附近的便利店買東西，我看是看中了店內的冷氣才去吧！
 




我們三人只好受命等候檔主！
在等候期間，我們也襯機跟檔主聊天，才知道他之後會將檔子搬進熟食中心經營！
然後，他也告訴了我們一些地道澳門人也會去吃的美食！
我們聊得十分愉快！
 
「係喎，明叔呀，你喺澳門都幾十年啦，有無咩嘢好玩架？」我問明叔。
 
「澳門？呢度無咩好玩架，咪又係賭下錢食下嘢咁囉！不過，好玩嘅嘢雖然唔多，但恐怖故仔呀、怪異傳聞就好多！」明叔邊看著爐火，邊回答我的疑問。
 
「怪異傳聞？」我好奇地問，雖然我自己的怪異事件已經夠多的了，但還是想多多的了解一下！
 
「係呀，其他地方唔講啦，就講你地啱啱去果個媽閣廟啦！我細個果陣成日都喺果邊玩架！我仲記得十歲果年，我偷偷地同D朋友去咗果頭玩捉迷藏！咁我負責做鬼啦，點知數完十秒之後，我搵嚟搵去都搵唔到我D朋友！果陣仲要再少D人喺呢邊住，附近真係一個人都無！咁我就驚到喊咗出嚟，喊下喊下，我突然間好似俾D嘢推咗一下，搞到我跌咗嚟地下，喊得愈嚟愈勁！之後有個著得好靚好靚嘅女人扶起咗我，佢拖住我慢慢帶我返屋企！好，香蕉仔一份，你地食住先啦！」
 
「吓，咁你D朋友呢？」我接過香蕉仔，還真的頗香啊！
 




「之後就神奇啦！返到屋企之後，第二日我問返我D朋友啦，佢地話佢地無出過去，一直都喺屋企！我果下又嚇到喊咗出嚟，不過好彩之後都無事！大過少少之後，聽返其他大人講，原來媽祖真係住咗喺廟入面保佑我地，之後我有個朋友，仲話受到媽祖感召，之後佢就一直喺廟果邊做清潔啦！好，仲爭一份！」
 
「你果個朋友，唔通就係君姐？」我驚訝的問。
 
「係呀！小朋友你又識佢嘅？聽講佢呢幾十年，一直喺果邊掃地都幫D有緣人！聽其他人講，阿君佢真係幫到唔少人架！」
 
原來如此，所以君姐是受到媽祖指示，才來幫我的嗎？
 
「咁我想問，澳門大三巴果邊有無D咩奇怪呀？」我問明叔，卻見他臉上突然露出一絲不安的神色。
 
「小朋友，大三巴果邊......你地如果真係要去，就日光日白去好啦！過咗夜晚九點真係唔好埋去！弊，燶咗添，阻多你地少少時間，我再整過份俾你地。」提到大三巴後，明叔明顯有點慌亂。
 
「點解唔好去呀？之前有個老闆娘都講過俾我地知，大三巴果邊以前發生咗啲恐怖嘅嘢，同D傳教士有關嘅！但唔係已經做咗一次驅魔儀式咩？仲會有咩危險呀？」我追問明叔。
 
「後生仔，有時有D嘢，唔係話你想驅就驅得走架！唉，大三巴其實都係老一輩唔願意提起嘅秘密嚟！正如果位老闆娘所講，驅魔儀式係有做到，但係，去驅魔嘅果班人，其實無再返過嚟！」明叔低頭看著爐火。




 
「咩話？唔係賣晒報紙話完成咗咩？」我驚訝的道。
 
「當時嚟講，不論係宗教本身，定係政府都好，佢地根本都唔想搞大件事！所以當再次驅魔失敗之後，佢地就放咗一D假資料俾報館，等其他人以為成功咗！當時報館嘅人，都因為呢件事而俾政府嚴密監視住，所以一直以嚟，個事實都無傳到出去！但沒有人知道事實，不代表事情已經解決，在大三巴那邊，經常出現人口失踪嘅神秘事件，有時又會有人話，見到一D傳教士喺大三巴徘徊！但人民反抗唔到政府，唯有勸阻自己嘅親人唔好接近大三巴！而且，近呢幾個月，仲愈嚟愈嚴重！」明叔額頭上那豆大的汗水，仿佛告訴我們，他有多緊張。
 
「呢幾個月？發生咩事呀？」
 
「三個月前，澳門發生咗一單黑幫械鬥嘅事件！雖然報紙無賣出嚟，但大三巴附近嘅居民應該都會知道！果晚，兩幫人馬大約三十人，喺大三巴講數！話就話講數，但佢地已經拎好晒武器，可以預計果晚會有一番血鬥！澳門警察亦都收到風，所以亦都安排好時間去大三巴拉晒佢地！當佢地去到嘅時候，現場只係淨返D武器，但一個人都搵唔到！自從果次之後，果邊成日會傳出一D類似祈禱嘅聲音......」明叔欲言又止的，像在思考著如何解釋給我聽。
 
「果D祈禱聲......好奇怪！有一種特別嘅吸引力，聽講一有祈禱聲果晚，某D人就會不自覺咁走去大三巴，之後就失埋踪！就我自己所知，最少都有十幾人因為咁而失踪啦！所以，你地最好唔好夜晚去大三巴啦！好香蕉仔同雞蛋仔都得啦！多謝晒你地！」
 
我接過剛弄好的香蕉仔和雞蛋仔，明顯感受到紙袋裏傳來的熱氣，但身上的寒意卻未有因此而減退！
看來大三巴的事件，比我想像中還要嚴重！
 
「明叔，我想問，點解你會知咁多嘅？」我必需知道他如何得知這些事情。




 
「我姨甥係做傳媒嘅，雖然頭先講果D報紙出唔到街，但佢都會同我地講返，等我地盡量小心D！至於佢點解搵到咁多料，聽講有一個人係聽到D祈禱聲之後，成功走返出嚟同佢講嘅！不過果個人係咩人我就唔知啦！」
 
「明白，唔該晒你呀明叔！」我由衷地向他道謝，但明叔看來有點不明白，我會向他道謝的原因！
 
和阿奶她們會合後，我們便邊吃著剛出爐的香蕉仔，邊繼續我們的旅程。
經過明叔和老闆娘的說法，再加上夢境裏的那一幕，我已大致上了解整個事件的全貌！
 
但我比較在意的是，明叔口中，那位成功逃離的人！
究竟是甚麼方法，令他能逃離那些魔鬼！
如果我能知道方法的話，相信應能在日後派上用場吧！
 
但，我又如何能找出一個毫不相識的人呢？