《廿一歲個年，我成為左隱世富豪》－大結局: 大結局
「誠翔，呢個係欣翹貼係黑衣人既追踪器，跟住紅點。」
「果然係烽火聯盟既人，幾時都識得用追踪器。」
「你快啲走啦。」
「嗯，再見。」
揸上地下一架電單車，個架私家車留比佢地去機場用，希望欣婷唔好有事。
「你地點解要捉我。」
「因為誠翔會黎救你。」
「點解會係你捉我。」
「因為我想佢親自睇住自己心愛既女人死係我手上。」貨車上，欣婷隔黎坐住既係欣翹，亦即係一直都暗戀誠翔既人。
「就算你殺左我，殺左誠翔，我地兩個既心，都係唔會變，只會一直愛大家，直到世界終結。」
「我唔聽！我只要佢心痛，我只要佢失去你！」
「我唔介意，只要誠翔個心如一，我個心依然愛誠翔，失去所有，生命，我都無所謂。」
「你收聲！」欣翹用手槍指住欣婷個頭。
「好，我收聲...」車一直去到葵涌貨櫃碼頭停低。
隨後既電單車亦飛快咁行駛，無視車速，紅綠燈，隔住頭盔，亦知道誠翔眼前只有欣婷。
隨後既電單車亦飛快咁行駛，無視車速，紅綠燈，隔住頭盔，亦知道誠翔眼前只有欣婷。
電單車去到碼頭，雙車相遇，可惜欣婷比誠翔快好多，誠翔係遠處已經見到有個人被綁係欄杆，一鬆綁，就會跌落海。
「停手！欣翹，點解你要咁做！」誠翔將電單車急剎，掉低頭盔，攞左把手槍出黎。
「你唔好過黎！點解，點解你鍾意既唔係我！」
「你...」
「係！我一直都鍾意你，暗戀你，但係，你對我一刻既心動都無，點解你要咁樣對我...」欣婷開始亂哭，手上更有把刀，隨時將繩索切斷。
「你冷靜啲先，我...」
「唔使再解釋啦！我要你親眼睇住自己既愛人死！！」
「唔好啊！」
我一槍打落欣翹隻腳到，佢把刀亦隨即跌左落地下，但係，係車上隨即又兩個黑衣人落左車，將欣婷，欣翹都帶左上車。
「停手啊！」
車並無開動，毫無動靜，唔知欣橋點樣。
黑衣人落車，拉底口罩。
「車上面有幾時炸彈，如果你願意入去拆彈既話，我地會鎖上車門，如果你唔願意拆彈既話，車唔會鎖，但係會炸死你女朋友。」
欣翹慢慢行返出黎，臉帶淚痕。
「你竟然開槍打我...我對你好失望...」
「而家我地比你揀，拆，定唔拆。」
拆彈...我真係完全唔識拆，但係，死，都要同欣婷一齊死！
「欣婷，我黎救你！」
「唔好啊！」
當我跳上後門既時候，黑衣人突然出聲，把聲就係欣婷。
「收聲！」
「點解...」唔通我中計？
「傻仔，你以為欣婷真係係入面？佢已經比我地掉左包啦，你死係車入面啦！」係我面前，就係一個五分鐘既計時炸彈，同埋鎖晒門既車。
把槍，應該可以射爆門鎖。
「嘭！嘭！」完全無反應，但係嘟嘟，嘟嘟既計時，卻無停低。
點解鎖都打唔爆...唯有射爆玻璃窗。
「嘭！」咩話...竟然係防彈玻璃...
「你想走？唔好妄想啦，架車係完全密封，唯有車匙先能夠將所有門鎖打開。」
「好，你既然咁想我死，我就一槍打爆個炸彈！」
「咩話！」欣翹腳受傷，唔能夠跑太快，希望欣婷可以趁機攞到佢條鎖匙。
「走！」
「欣婷！係機會！」我係車到大叫，希望佢能夠攞到條鎖匙。
既然唔係真係射落個炸彈到，唯有射幾下槍，嚇下佢地。
誠翔，我知道啦，我會攞到鎖匙！
頭先個幾槍我一直打係前方玻璃同一個位置，玻璃亦碎得七七八八，希望，希望能夠順利。
「係機會，行黎前面！」我對住欣婷講。
我藉住頭先射爆個個玻璃窿，瞄準欣婷對手上既手扣。
欣婷再跑過去後門開鎖，望住炸彈，只係剩低一分半鐘。
「踫！」欣婷打開車門，我亦隨即跳落車。
「哈！王誠翔，你唔好再行過黎！」欣翹指住欣婷個頭，我卻一卻步。
「你放低槍，唔好亂黎。」
「你覺得我會聽你講咩！」欣婷一面痛苦。
「你要殺既話，殺我啦。」
「殺你？我一定會，不過未係時候！」
「點解誠翔佢地仲未上黎？」陳希，誠翔細妹等人已經上左直升機。
「得返兩分鐘，雨彈就會發射，再唔黎既話，佢地就會死。」
「唔記得同你講，雨彈好快就會發射，我同你都會一齊死。」
「我知，但係我要你睇住佢死！」欣翹正想開槍既時候，我用閃電般既速度，射向欣翹隻腳到。
「啊！」
「你...」
黑衣人係後面過黎既時候，我亦開槍擊斃佢地兩個。
「欣婷我地走。」
「嗯。」
我拖住欣婷隻手，一直跑，一直跑，我知道，兩分鐘係去唔到機場，但係至少，我地可以死係同一個地方，死係一個安靜既地方，死係一個我地愛既地方。
我停低腳步，望住欣婷。
「對唔住，要你受苦。」
「唔緊要，只要同到你一齊，就已經心滿意足。」
「如果我地死左之後，見唔到大家，你會點。」我問欣婷。
「唔會，即使我地見唔到大家，我地個心，依然都係扣住。」
「唔好喊，至少我地死左，可以離開呢個荒謬既世界。」我同欣婷企係欄杆後，諗起一個想法。
「嗯。」
「不如，我地試下跳落海，避開雨彈。」
「傻佬，乜你唔記得左，雨彈係液體，可以侵蝕所有野咩。」
「係喎。」
我地寂寞左幾秒，我，亦不禁流下男兒淚，知道不久將來，我同欣婷都要離開呢個世界，分離一啲都唔浪漫，只係剩低悲慘。
「唔準喊，既然，我地死都可以一齊死，呢個唔係我地一生中最好既福氣咩？」
「哈，傻女，死到臨頭都可以咁樂觀。」
我用力咁攬住欣婷，不發一言，所有野已經係心裡面，大家知道對方想講啲咩，唯有擁抱，能夠釋懷。
「三十秒，飛機即將起飛。」
「咩事！」
「點解會自動起飛既？」
「係誠翔，佢張字條。」
「大家，我要同欣婷離開呢個世界，唔洗想念我，我地走左，依然會好幸福咁過日子，陳希，唔係，媽，對唔住，相認不久，我地又要再次分離，未嘗母愛既我，只求下世能夠有你咁好既母親，多謝你。阿妹，成日煮飯比我食，對我最好都係你，但係阿哥要走啦，你要自己好好照顧自己，記住，記住，識人要擘打對眼識，我地既兄妹緣，但求亦能延續。」
「時間所限，我唔能夠講太多，不過，一家人就係咁，說話唔需要多，一切都能夠從心而發，心靈相通，咁先係一家人。」
「誠翔，字。」
「飛機起飛，請扣好安全帶。」
「唔好啊！點解！誠翔返黎啊...」陳希同秋婷都係到痛泣。
「誠翔！！！」陳希向住天大喊，但係直升機亦越黎越遠，甚至已經離開左香港。
「咦，阿媽好似係到叫我...」我同欣婷講。
「係咩？你係咪太掛住佢地啊。」
「哈，可能係啦。」我地一直相擁，望住香港一片頹垣敗瓦，都係時候做大清洗。
「欣婷，對唔住，照顧唔到你一生一世。」
「唔緊要啦，緣分要我地一齊，亦有權叫我地分離。」
「只要滿懷希望，我地終有一日會相見。」
「嗯。」
「雨彈於五秒內發射...」
「五...」
「四...」
「三...」
「二...」
「一...」
「指定範圍，香港。」
「發射。」
一支又一支既雨彈，係天空飛散，彈管裡面既散發器，就將雨彈，一滴一滴咁好似雨水咁散落。
「係雨彈...」陳希同秋婷隔住玻璃窗望向香港。
「誠翔...」
「誠翔。」
「我愛你。」
「我都愛你。」
一支完整既雨彈，落係誠翔同欣婷身邊，雨彈爆開，唔係毒針，唔係腐蝕性液體，而係，炸彈。
一片既火光，將二人既身體炸開，但係，佢地兩個既心，並無因此分離。
香港，亦正式宣布淪陷。
（外傳將會兩日內發布，多謝各位讀者不離不棄咁完成呢個故事，多謝！）
（有咩想對我講都可以留言架）