《廿一歲個年，我成為左隱世富豪》－大結局: 結局篇（五）
「你個卑鄙既人，竟然繼續屠城？」
「哈，你覺得我會咁順攤咩。」
「香港係我地出世，生活既地方，你捨得親手毀滅？」
「唔捨得，但係唔係我親手，而係我班士兵。」
「你咁都講得出口，唔死都無用。」
「你講咩話！」白陸一刀插落我答髀到，再慢慢攞返出黎。
「我要你返到香港，親眼睇住你愛既香港被我毀滅。」
「忍住，你有刀傷，返到香港先算。」
「好。」
飛機上，Dennis阿哥一直望住我，好親切既眼神，但係，佢始終都係失去記憶。
「落去！」返到香港，到處依然係戰爭既痕跡，黑煙到處飄散，即使係日頭，但係一片黑影已經遮蓋住整個香港。
被推落去既我地，腳傷已經麻到唔痛，但係我地依然被綁住，反而Dennis阿哥就無。
「直升機停晒係到，先分頭屠城，派多啲人去新界，將有生存價值既人帶返黎，無既就殺，最後一步就派兩架戰鬥機炸香港。」
「好。」係白陸身邊聽到佢同士兵官長既對話，生存價值...係香港，好似無論戰爭前定戰爭後，都只係著重人既價值。
「你真係要咁做？」
「你已經阻止唔到我。」
「我鍾意點就點。」
「你都只係烽火聯盟既棋子。」
「你收聲！」
「你永遠都無辦法統治世界。」
「我得！我可以統治世界！」
「你地同我加快速度，我要六個鐘之內將香港毀滅！」
「誠翔...」阿天係我隔黎，想阻止我同白陸既對話。
「唔會有事，放心。」
「佢地到左。」欣婷同陳希講，亦即係誠翔母親。
「嗯，倒數半個鐘。」
「希望預測航道器用到。」
「即使用到都會有偏差，點都好，雨彈係係海底發射，所以，大家都做好心理準備。」
「我好掛住誠翔...」秋婷喊住咁講。
「我都係...」欣婷忍住眼淚，過去攬住秋婷。
「我地會唔會見唔到佢...」
「唔會，相信誠翔，佢可以拯救我地。」
「嗯。」
機場上，士兵陸續離開，最後既坦克亦從軍機上走到地面，進行炸毀。
係機場綁住既我同阿天，相信每聽到一下槍聲，炮聲，個心就會痛一痛。
「哈，你睇，香港就係我第一個擁有既城市，將來，會愈來愈多！」
「你夠啦，係你未屠完城，雨彈就會發射，大家只會同歸於盡。」
「咩話！」
「你講咩話！」白陸拉住我件衫問我。
「你唔信又好，雨彈，已經進入倒數程序。」
「你...」
「豈有此理！」
「上車，同我去揾陳希！」
「拉佢地上車。」
「係！」
再次被士兵拉入車，而Dennis阿哥都一直隨行。
「全部唔準郁！」
「放低手上所有野！」有五個黑衣人持槍進入空化集團，更將欣婷帶走。
「放開佢！」
「你收聲！」黑衣人一槍打落秋婷到。
「啊！」
「秋婷！唔好啊！」
秋婷腳上中左槍，血亦一直流到地下。
陳希捉住秋婷，扶佢坐低療傷。
「你地全部坐係到！唔好跟黎，唔係既話，我殺晒你地！」
一片靜寂後，黑衣人帶住欣婷離開，隨後，亦只有哭聲。
「我警告你，唔好搞陳希。」
「你憑咩吩咐我做野，而家係你比我綁住，唔係我比你綁住。」
窗外一架貨車快速經過，誠翔亦注視到。
「點解仲有人揸車。」Dennis阿哥問到。
「放心，佢地遲早都係死於我地手上。」
「佢地好似去機場。」我同阿天講。
「機場有咁多士兵，想走都走唔到啦。」
「嗯。」
上到高速，坐係前面既Dennis望住倒後鏡，眼神凌厲，好似想表示啲咩咁。
「望咩啫，有咩好望。」白陸問佢。
「無，睇下佢地死得未。」
「我一定會親手殺王誠翔！」
「專心揸車啦，怕你未殺到我就撞車死。」
「我就比你繼續講多幾句，睇下你臨死仲係咪咁口硬。」
Dennis阿哥開始有啲郁動，騷擾到白陸。
「喂，你坐好啦！」
「係既...」唔知點解，佢好似係褲帶攞左啲野咁。
「係呢，前面隧道停一停得唔得，我上去方個便。」
「唔得！我時間唔係好多。」
「唔得？」Dennis阿哥手上攞住把十字軍刀，對住白陸喉嚨。
「得... 你放低把刀先。」白陸慢慢將車停泊係隧道門口。
「落車。」
「係...」
「放低把手槍。」
白陸好乖咁將手槍放係地下。
「誠翔，過去執左佢。」
「咩話！」
「收聲！」軍刀更靠近喉嚨，更劃出一條血痕。
「比我。」
我都比左佢，何況我被綁住，有槍都無用。
「自己解開啲繩。」將軍刀拋比我，好彩敏捷既我接到。
「你...」
「你真係覺得我唔記得中學啲野？」
「從我第一眼見到你就覺得你好面熟。」
「你仲講埋發生過既事，我就記得更加清楚。」
「多謝你。」
「同埋，我叫輕流。」
「輕流...多謝你。」
「快啲返去救你屋企人，我會處置呢個人，將我權勢奪回，取消屠城。」
「嗯，多謝你，輕流！」我同阿天馬上上車，全速開往空化集團。
「嘭！」我冲上去佢地之前離別既位置，再撞入大門。
「呼...我返黎啦。」
「誠翔！」
「你終於返黎啦！」
「媽，妹，點解...欣翹同欣婷唔見左...」
「欣婷比人捉左，欣翹去左揾佢...」
「咩話...妹，你隻腳做咩受傷？」
「就係頭先班人射阿妹，不過包紮完無咩事，好彩只係子彈擦過。」
「嗯，我去揾佢地，你地落去上車去機場，阿天，，佢地就交比你。」
「放心。」
「誠翔，得返十五分鐘，雨彈就會發射，將所有化為烏有。」
「你要小心。」
「嗯。」
「如果十分鐘之後你都係見唔到我，阿天，離開香港，有幾遠飛幾遠。」
「但係...」
「多謝你，幫左我咁多，天下無不散之宴席，有緣，總會相見。」我搭住阿天既膊頭。
「誠翔...」阿媽同阿妹都過黎攬住我，眼淚，都留係我身上，相信，係比我既最後一份禮物。
「阿妹，揾個好男仔，照顧阿媽。」
「媽...」
「唔使講啦，你去啦，時間無多。」
「嗯，多謝你。」
雖然同阿媽破鏡重圓，但係相見無耐，就要再次去嘗離別之苦。
欣婷，等我！