《廿一歲個年，我成為左隱世富豪》－大結局: 第四十一章：爆破
「其實，我點都對你唔住，要你親眼睇住屋企人受苦。」
「算啦，過左去，唔好再提。」
「係呢，你話會同我解釋，就而家？」
「我...」我將車停埋一邊，咁啱隔黎就係海旁。
「落車。」
「去海旁傾。」
即使世界點變，藍天同白雲都係會出黎，但人睇，個天好似灰左。
「無錯，我就係烽火聯盟既人。」我望住個海講，其實，我係無面目望住欣婷。
欣婷望住我，一聲不發。
「點解要咁做。」
「係好耐之前，我係一個好窮好窮既人，一直都係以偷野為生，直到偷左一個黑社會既銀包，比人打死之後，我就成為左天聲集團，烽火聯盟既人。」
「你個故仔都幾假。」平常人應該都唔會信，包括我自己一開始既時候。
「係，我無咩證據，即使有證人，你都唔會相信。」
「但係，我咁做，就係為左世界，將世界無用，妨礙世界進步既人除掉。」
「哈，世界上既人比你咁樣殺法，我諗唔會得返幾多個。」
「所以，我地最後既計劃，就係造人。」
「造人？」
「嗯，我地既工廠已經預備好，製造每一個智商達120以上，富豪既背景，無論人際，性格，運動，都會係完美。」
「無錯，係會完美，因為佢地唔係人。」
「我係一個醫生，每一個人都有自己既獨特之處，亦都無人係完美，你咁做，只會令世界受唔住，然後爆開。」
「何出此言。」
「既然個個都一樣，呢個世界，仲有咩意義？不如造機械人出黎？唔使晒心機去設計每個人既樣。」
「我地設計既每一個既性格都唔同，唔係凈係樣貌。」
「乜你覺得咁既世界好咩？」
「到頭來，你係呢個世界，會成為啲咩？」
「你覺得你仲會統治到每一個都係高智商既人？」
「你認為佢地仍然會順服於你，而唔係好似你咁，設法將統治者趕落黎？」
「我要講既係咁多，我諗如果我地無必要，都唔好再見。」
「係咁。」
「欣婷！」
欣婷無回頭，直接離開左我，我亦只能再次望住佢個背影。
「叮叮叮。」係藍心打比我。
「你係邊啊？做咩又入左醫院？」
「無，皮外傷啫。」
「你係咪去左九龍啊，快啲返黎啦，毒氣好快散到全港都係架啦。」
「嗯。」
上到車，終於追到欣婷既背影，我打開車窗同佢講野。
「你唔上車？」
「唔啦，我想自己行返去。」
「你住邊？」
「砲台山。」
「你地會唔會攻去港島？」
我只係點頭示意。
「唉，好啦，車我去砲台山，我想攞返啲野。」
成個車程，欣婷都只係望住窗外既風景，睇黎，佢已經唔想再面對我。
「有咩好睇？睇左好耐喎你。」一講完，欣婷就望返去前面。
「無，只係想將風景留係腦海，因為唔知呢啲風景，會唔會再次出現。」
我吞左啖口水，其實我地無人會知道計劃既結果有幾大。
「點解唔影低佢？」
「唔啦，有啲野，記係心入面就得，成日有得睇，個樣野就變得唔珍貴。」
「嗯。」
「到啦，前面轉右就係。」原來，欣婷都住係啲比較高格調既屋苑。
我地一齊落車，望住佢，好怕以後都唔會再見到佢。
「你走啦，多謝你。」
「你跟住去邊？」
「返醫院。」
「仲有好多病人。」再次回想起欣婷著上白色長袍清純既樣。
「我送你去醫院。」
「送佛送到西阿嘛。」
「哈。」欣婷強顏一笑。
「誠翔咁樣，我地好難做。」Dennis係會議室同其他三個講。
「我地其實可以根據條例踢走佢...」
「但係佢入侵，科技既能力比我地任何都高。」
「你地錯啦。」
「你係...」
「我係李奇月，銀河集團副總裁。」
「哦，幸會，幸會。」Dennis起身同奇月握手。
「邊個比你入黎架？」欣翹問道。
「無，係佢帶我入黎既。」
「秋婷？你係到做咩，快啲返屋企。」企埋一邊既藍心見到秋婷即刻過去。
「頭先你講咩話？」
「我話，有人比王誠翔更厲害。」
「哈，個個係邊個，願聞其詳。」
「就企左係你面前。」
「哈，你？」阿天不屑咁笑左一聲。
「有咩問題？」
「其實，我地上次投票，佢都有份被提名。」尹樂講到。
「既然係咁，即係大家都想投票？」
「根據烽火聯盟第二百六十一條，如果有成員因為要保護家人，親人，朋友，做出干擾，侵犯烽火聯盟計劃既行為，導致計劃受阻，受破壞，甚至無受到破壞，亦有權被投票後踢除。」
「而家進行投票。」
「投票結果已經有，係兩票對兩票。」邊個投咩票，其實好清楚分明。唯獨阿天同欣翹一直都幫緊誠翔。
「咁...」
「我代佢投票。」
「你...？」
「我係佢秘書，亦係佢女朋友。」
「既然大家都無結果，就等我黎投。」
「唔得，你係佢女朋友，一定會投同意。」
「咁你投埋。」藍心同緊李奇月講。
「我？」
「係。」
「好，即管再投多次。」
「投票結果已有...」阿天神情凝重，結果會係咩呢？
「四比二，我宣布，王誠翔被烽火聯盟踢除，以後不得干預烽火聯盟任何事務。」
「咁換言之，李奇月，恭喜你。」
「歡迎加入烽火聯盟。」Dennis個樣歡顏到...反而阿天同欣翹一臉不解。
「麻煩去個邊影相。」同樣，係戴住小丑面具影網站背景。
「藍心，你點解投同意。」
「我覺得誠翔已經變左，一開始，我並無諗過佢會變成咁。」
「我同你講，身為烽火聯盟，就要有烽火聯盟成員既樣，而唔係懦夫，唔係顧念親情，友情既人，而係顧及整個地球。」欣翹同藍心係耳邊咬耳仔。
「算啦，少左個強敵，但係對我地無咩好處。」
「我諗，你都無身份可言，麻煩你離開。」
「嗯，我會。」
「我亦代天聲集團副總裁宣布，呢到既會議室將唔會供比大家使用，麻煩大家今日就撤離。」
「去銀河集團啦，我地集團好多位置。」
「就咁話。」
「好。」都係只有Dennis同尹樂附和奇月講既野。
「行啦。」欣婷係大堂走返出黎。
「攞完啦？」
「嗯。」只見欣婷攞左一個相架出黎。
「上車。」
「你都幾顧念親情。」相信相架，就係佢同屋企人既合照。
「嗯，點講都好，個個係媽媽，而且佢對我真係好好。」係呢，唔知我老豆而家點呢。
「係呢，你屋企人呢？」
「我...我無屋企人。」
「噢...唔好意思。」
「哈，唔緊要，我由係都自己一個長大，所以，我好珍惜我每一樣得到既野。」
「恕我大膽，你屋企人...」
「其實，我老豆仲再生，從前係我上司，但係明雲集團已經解散，而家只係有天聲集團同埋烽火聯盟。」
「我阿媽，就係比佢趕走，無論係未轉生成為有錢人前，定係做緊窮人既時候。」
「你...都幾犀利...一個人，堅持廿幾年，拋開道德觀念，成為世界既統治者，你都算有才能。」
「哈，多謝。」
「係呢，其實你男朋友...」
「我同佢分左手。」聽到呢句，點解我個心好似有少少喜悅感？
「點解既？」
「佢越黎越黑人憎，好似你咁。」
「下，咁多可以關我事？」
「哈，唔係，講笑啫，其實我覺得，你都幾好人。」
「佢好煩，一日都黑都要係醫院纏住我，返到屋企就發脾氣話無時間陪佢，但係我咁辛苦做野，都係為左賺錢，為更好既生活，要怪，就怪佢自己，一啲都唔爭氣，做埋啲無前途既工作。」
「敢問，佢係做...？」
「做創作。」
「哦...」
「我到啦，我諗，我亦無謂對你有偏見，之前既野，我地咩事都無發生過，無講過，就當我今日係第一日識你啦。」有趣，有趣，我鍾意。
「哈，好，等我介紹自己，我叫王誠翔，你呢？」
「我叫李欣婷，我地有緣再見。」
「嗯，再見。」好彩，我地離別既時候，係笑住分開，而唔係黑口黑面，一個人既性格，真係好重要。
「王誠翔先生，你已被烽火聯盟踢除，請你離開。」
「點解！點解無端端會比人踢除，無理由架！」
「走開！」我推開士兵，衝入會議室。
「哈，走左既人，好似唔應該返黎喎。」
「點解！係邊個，邊個踢我出黎？！」
「係我地一人一票，公平咁踢走你，嗱，你後人。」我望住奇月，點解，點解會係佢...
「李奇月...點解...」
「因為我比你更有才能，更有統治能力，同埋，更無情。」無情...？
「唔好意思，請你離開，我地開緊會，如果唔係既話，唔好怪我地唔客氣。」
「啊！！點解啊！我一手創立既野，竟然衰係自己到？！」
「人黎，拉走佢！」
「係！」
我將屋企既啤酒攞左出黎，然後揸車去海旁。
「啊！個天係咪玩我啊！」我將飲完既玻璃樽大力咁掉落海。
「比左個有錢人身份我，有權有勢，有錢，偏偏係最後既時候，將我係遊戲踢左出黎，公平咩！」
「喂，做咩啊你。」
「係你？」竟然會係中環海旁見到欣婷。
「點解...」
「佢地話唔使我返工喎，知道我媽媽啱啱過左身。」
「哦，都幾有人情味啊。」
「你呢？你又唔使做野架咩，做咩係到發脾氣？」
「我已經唔係烽火聯盟既人。」
「下...點解啊。」
「因為，我太注重情義...」我不禁將眼淚落下。
「就係因為咁？」
「嗯...」
「係既，做得獨裁統治者，無情，都係必需品。」
「唔好喊啦，有情有義咪幾好，起碼，會有人鍾意。」
「鍾意？」
「嗯，至少我會鍾意。」
「真係既？」
「哈。」
「你咪問過我，如果你有一日再唔係烽火聯盟既人，我會唔會考慮你既？」
「我而家就答你。」
「我會。」
（聽日中午十二點會有第四十二章，敬請留意。）