《廿一歲個年，我成為左隱世富豪》－大結局: 序：轉變
「喂，睇下個賊仔返黎啦喎。」同學指住既就係我，無錯，我窮到要偷呃拐騙先能夠生存到。
我無視佢地既指罵，已經習慣左每一日返學都比佢地笑，欺凌。
「Dennis哥同你講野啊，有無禮貌啊你！」罵我個位同學亦順手將粉刷掉到我個頭到。
「哈哈..！哈哈！」我將頭上既粉抹走，放低書包就趴左係張枱到。
「算啦，老師就到啦，大家坐低啦。」Dennis出聲吩咐各位同學返埋位。
雖然我係男仔，但係每日受盡欺凌，今日我都忍唔住喊左出黎。
「哇，你睇下，個賊仔係到喊喎，笑死人咩，幾多歲啊。」
哭泣聲好快就遍布班房，我王誠翔既尊嚴就咁被糟蹋。
「嗱，唔好喊啦，咁大個人仲喊。」我聽見一把女仔聲，我望上去，原來就係坐係我隔黎既Joyce。
「唔該。」我接上紙巾，再次趴係枱上。
一日被受欺壓既時間過得好漫長，但係最終有完結既時候。
「各位同學放學啦。」
「陳老師再見。」
「誠翔，振作，抬起頭做人，唔好再偷野啦。」
「嗯。」
好多謝Joyce佢咁樣對我，即使全班都視我為敵人，佢都依然安慰我，雖然樣貌普普通通，但係個份既善良已經融化左我個心。
「老豆，返黎啦。」
「咪嘈啦，睇緊波啊。」
「哦。」唉，老豆佢根本就唔鍾意睇波，只係賭左錢先會咁在意場波。
「廚房有飯，自己整熱啦。」
雖然爛賭，仲趕走埋自己老婆，但係對我仍然唔錯。
「又食杯麵...」
「有野食就食啦，仲有啊，你記住同我聽日偷五百蚊返黎啊，老豆要賭馬啊。」
「誠翔，振作，抬起頭做人，唔好再偷野啦...」Joyce今日係學校同我講既呢句說話係我腦海不斷衝擊我。
但係我唔偷野就會餓死架喎...點算好呢...
「早晨喎賊仔。」佢地知道我偷野為生，係因為我曾經偷過老師銀包，但係被人發現，告知全校，都係因為老豆求情先無報警同被人踢出校，不過最後都被人記左兩個大過。
我依舊無視佢地，返埋位趴係張枱到。
「你琴日有無去偷野啊？」Joyce拍拍我膊頭問我。
我令頭回答。
「咁乖，等我今日請你食lunch啦。」
「真既？」
「你個傻仔，呃你做咩，只要你唔好再偷人野，我日日請你食lunch都得啊。」
我猶豫左幾秒，諗起琴晚老豆同我講既野
「你記住今日偷五百蚊返黎啊...」
究竟偷唔偷好呢...
思考被老師把聲打斷，唉，遲啲再諗。
「咁多位同學，大家都中五啦，應該對自己未來都有啲既憧憬，今日想大家作一篇「我的未來」，無論係作出黎定係真都好，大家都認真諗下自己既未來。」
認真諗下自己既未來...究竟我係咪要每日都以偷野維生呢？終有一日我會比人捉到...
我攞起筆，開始將我天馬行空既思想寫落張白紙到。
「我想成為一個隱世富豪，因為好似李嘉誠先生咁樣好煩，成日要出黎開記者會，又要面對好多人；我只係想係一間公司到，同其他大公司合作，不斷不斷賺錢，成為世界富豪...」雖然好白痴，但係將自己夢想寫出黎，又好似近左一大步。
好快就放學，第二個小息亦就黎完結，但係偷五百蚊呢個任務仍然未完成。
眼見班房少少人，係動手既最佳時機。
「誠翔！你做咩啊！」大獲，比Joyce見到添，今次玩完了...
「我...我無啊。」
「我對你好失望，你始終都係冥頑不靈，我地以後再唔係朋友！」
我地以後再唔係朋友...Joyce既聲音不斷係我腦海徘徊，好痛...
「Chole，幫我攞支８２年既紅酒黎。」Chole係我請返黎既助手。
坐係ICC既第九十九層，燈光昏暗既辦公室，隱約見到一個人影坐係到透過落地玻璃欣賞維多利亞港，璀璨既夜景；係５年前無人會估到我會坐係到。眼前既咁多棟摩天大廈，都係已經係我旗下既物業，雖然我只係公司既副總裁，但係總裁呢個位遲早都歸我。
「誠翔，仲未走既？」入黎既唔係Chole，而係我老豆，佢就係公司既總裁。
「你可唔可以入黎之前敲門呢？」
「對唔住囉，係呢，都十一點啦，做咩仲唔走？」
「我唔似你咁得閒，麻煩你離開，我仲有好多文件要處理。」
「好好好...咁老豆走先啦。」
呢個名存實亡既總裁，毫無用處，我一早就想奪去佢總裁一位。
「誠翔，你要既８２年紅酒。」唉，點解個個都唔鍾意敲門。
「唔該，放低啦，都夜啦，你走啦。」
「做咩？做咩仲企係到？」
「跟左你幾個月，我...我鍾意左誠翔你...」我唔鍾意人哋叫我副總，好老土。而且秘書作為同上司最親密既關係，叫我誠翔都無咩所謂。
雖然Chole智慧與美貌並重，甚至有時頭腦仲醒目過我，但係佢配唔起做我女朋友。
「過黎。」
今日Chole著得好優雅，一條黑色既連身短裙，設計到好似晚禮服咁，而且係黑暗既環境中，仍然睇到佢今晚化左一個淡妝。
我企起身，錫左Chole塊面一下，從佢身邊散發出少女既香氣，再將佢長長既秀髮往後撥，再將耳珠輕輕親吻，示意Chole坐係枱上。