【英雄系列2】無敵光晨: 16
「光晨先生，岩岩我hack左入去警隊個網度，搵到呢個人既cv啦」素素遞上一份cv樣既紙
「幾快手喎死o靚妹，今晚整煎雞翼過你食！」
素素笑得活潑:「嗯，多謝光晨先生」
「陳理美，24歲，UCL法學系學士、碩士畢業，曾任職中情局..」我口upup
阿咲亦偷睇:「原來，你地果個1號咁犀利架...」
「屌，老作架咋！呢個1號最叻就係偽造假身份，陳理美分分鐘唔係真名黎tim呀」
「阿咲，如果佢就係殺死你叔叔既兇手，你...夠唔夠膽落手？」
「我....」
阿咲答唔出野
「咁冇決心點得呀..睇黎，都係要我落手架啦...」
「咔..」
「光晨，幫幫手丫！好重呀！」
阿南捧住棵膠聖誕樹入黎
我走過去幫佢扶幾下
「嘩，搞邊科呀！」
阿咲:「過幾日就聖誕節啦，我咪話過搞party既...有棵聖誕樹好氣氛d呀」
「屌！咁撚阻訂！」
「你都唔識野既，有聖誕樹開心好多架」阿咲跟我鬥氣:「都唔知點解你女朋友果陣會鐘意你！咁鬼死悶！」
「丫...你..」
「唔好嘈交啦..係我..話想要有聖誕樹架..」素素道:「因為我以前...屋企聖誕節都冇聖誕節，所以想試下過一次有聖誕樹既聖誕節.」
「聽到未呀！素素都話要呀！」阿咲竟然拎個死o靚妹撻我
我嘆個氣:「唉好啦好啦！怕鳩左你地！擺啦擺啦！」
「好野！！」阿咲同阿南歡呼:「素素，睇下光晨幾錫你！」
「你都痴撚線！」
「I push my fingers into my eyes！！！
It's the only thing that slowly stops the ache！！！」
我拎起手機
「喂，發叔？」
「係呀，有d野想同你講」
「做咩呀？」
「我收到風，合興d人好似已經運哂d毒品上去大陸啦」
「咁快...」
「即係話，依家Cobra既人，分分鐘將會全力對付你」
「正合我意啦，就算佢地唔對付我，我都會主動去殺鳩哂佢地啦」
「哈，光晨你都仲係咁串...不過，小心d你身邊既人啦，拜拜」
發叔講得冇錯，Cobra的確係傷唔到我分毫
但阿咲佢地三個，如果比Cobra睇中既話，就好難甩到手
兩日後
「光晨先生，我返學先啦」身穿便服既素素道
今日好似係佢地既聖誕聯歡日，所以素素都著左出街衫
雖然佢著左我最愛既黑絲，但呢個死o靚妹根本都唔襯
「嗯，得啦」
響素素走左之後
「阿咲，做乜要我地三個響學校門口等呀..」
阿咲笑道:「咁又係你話我地三個隨時有危險既，咁叫你保護素素都好正常姐！」
「唉真係麻煩...好眼訓呀！」
等到10點幾，我同阿南都差d訓著咁濟既時候
「轟轟轟轟轟轟轟轟轟轟轟轟轟轟轟轟！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！！」
學校既禮堂忽然傳黎一下爆炸式巨響
阿南:「做..做咩呀！？」
阿咲擔憂道:「聽素素講，依家...應該係響禮堂搞緊sing con...」
「咁..素素同阿紫咪..」阿南滿頭大汗
「仆街！！！」
我地三人馬上直奔進學校
上到一樓禮堂門前，現場已經煙霧彌漫
似乎果下真係爆炸黎
「丫！！！！救命呀！！！！！！」
一眾學生都只顧住逃路，包括之前教過既5E班
而美寧、小緣、嘉嘉等同我相熟既女仔都只顧逃生，睇唔到我
我馬上捉住嘉嘉
嘉嘉見到我地呆哂「慕...慕容sir？點解你響度架！？」
「唔得閒解釋啦！嘉嘉，見唔見阿紫呀？」我問
「唔...唔知呀，頭先天花板上面突然之間好似爆炸咁..好多煙...」
我二話不說就衝入禮堂
「光晨！小心呀！！」阿咲同阿南緊隨其後
入到禮堂，四周一片凌亂
但除左天花板之外，完全冇爆炸過既痕跡
「咁..阿紫同素素去左邊呀？」阿南緊張問
「I push my fingers into my eyes！！！
It's the only thing that slowly stops the ache！！！」
「哈哈哈哈，好耐冇見呀8號！認唔認得我先！！！一落機就聽到你既消息，真係開心既姐！」
如此仆街既笑聲，一聽就知道係
5號！！
「哼！今次既爆炸..果然係你搞出黎，炸彈狂人5號..」
「你都幾醒架喎..哈哈...唔知道你有冇唔見到野呢？」
我緊握住手機:「你捉左死o靚妹同阿紫去邊！？」
「嘻嘻唔好咁嬲，今晚夜晚10點，鴨脷洲船廠，不見不散啦」
呢個5號係Cobra最奸險既人，係個可以為求目的不擇手段既人，所以我都唔覺得意外
不過佢捉左死o靚妹同阿紫，我就要佢付出代價！！！！
「光晨...咁一陣..點呀？」阿南問
「我會引開果個5號既注意，你同阿咲就去救o靚妹同阿紫」
阿咲:「咁光晨你...得唔得架..」
「有『呢樣野』既話，Cobra所有人都唔係我既對手」
我從衣櫃拎出一把牛肉刀
「吓，呢把牛肉刀黎咋喎...」阿咲不惑
「呢把..就係我老豆當年做秘密警察所用既武器」
「冇人，可以響呢把刀下走得甩！」