【英雄系列2】無敵光晨: 10

「歡迎加入我地海豹突擊隊暗殺部門Cobra，從今日起，你就係8號」

「我地平時除左收到上面既order殺人之外，基本上冇乜野做」

「而我地殺既，全部都係恐怖份子，例如出哂名既恐怖機構Sombras，嘿嘿」

「我地Cobra一共有8個殺手，每個人都有唔同既殺人方法」







「咪住先7號，咁果個李先生呢？」



「李先生？佢....就係0號」













丫屌，以前返學覺得d老師日日淨係教書改功課好輕鬆
原來改功課真係好！撚！煩！！
有時班友仔仲要做到成題錯鳩哂，又寫到1999
搞搞下，兩個鐘先改到成班5E既數學功課






「屌老味！終於改好！返歸先！！」我興奮地拎起袋



行出教員室，剛剛好撞到張嘉嘉


「張嘉嘉同學，咁晏先走既？」我好奇問
「嗯..我響圖書館溫書..」今日睇返紀錄，嘉嘉年年都係全級頭五
「哦...真係幾勤力喎你」
嘉嘉:「我響單親家庭生活，我咁比心機讀書，都係唔想媽媽再咁辛苦」

「你真係幾孝順喎，如果有d咩唔明既話，可以隨時問我架」
雖然嘉嘉對腳冇小緣同美寧咁正，但都可以溝佢姐
「嗯，知啦慕容sir..咁林sir同miss張佢地無...」





忽然，嘉嘉成個人好似定哂格咁




踏，踏，踏

「咦，係慕容sir你呀？」
化名為李小康既7號慢慢咁步向我倆



「嗯..改簿改夜左」





「嘿嘿，原來係咁....咁張嘉嘉你今日又係溫書溫到咁夜呀？」7號眼尾望一望嘉嘉
嘉嘉成個人驚到震哂咁，緊緊捉實我
「....嗯」

「咁唔阻你地啦，我返去改埋test卷先，拜拜」7號再次露出奸猾既笑容
佢...已經知道我就係當年響Cobra既8號？

不過，更重要既係，點解嘉嘉咁驚佢？
「張嘉嘉！張嘉嘉！做咩呀？」
我叫左幾聲，嘉嘉先回過神來:「呃...無..無野...」

出到校門後
「你唔駛呃我啦」我細細聲響嘉嘉耳邊講:「你係咪見到，李sir追殺林sir同miss張？」

「慕容sir...點解你」嘉嘉有點驚訝




「嘉嘉你唔好理住先，你係咪真係見到先？」

嘉嘉點一點頭
「果日我溫書溫到7點，放學走果陣，就見到李sir拎住刀仔，追斬林sir同miss張」嘉嘉開始流眼水:「我好驚，我好驚李sir會發現我睇到成個過程..」

我拍拍嘉嘉既膊頭
「唔駛擔心，呢件事，慕容sir會幫你查清楚架啦！」

「真...真係既？」
「嗯，當然啦」









「鈴鈴！」電話既訊息聲響起

「慕容sir，我係美寧呀，m2功課有好多題都唔識呀，不如聽日我黎搵你丫<3」



「嘿嘿，居然送上門」我笑道，繼而回覆美寧:「ok呀，下晝2點響又一城starbucks等？」




「你唔係...睇中邊個學生下話」阿南問

我指住阿南:「嗱嗱嗱嗱嗱，說話就唔可以咁講啦阿南，呢個世界係講自由戀愛既，何況我又唔係真係老師！」



素素問:「其實...點解光晨先生你..可以入到黎教書既？」

「咁多事架o靚妹...因為有個朋友幫我，咪入到去囉」


「哼，我覺得你有好多野都瞞住我地囉！點解唔講得先！」阿咲對住我西起面

我冷冷道:「講比你地知既話...太危險啦」






翌日

「嗱，呢題就咁sub個interval入去，咁咪計到個area囉！」我飲住latte道

「嘩原來咁簡單架咋，慕容sir好叻呀」美寧興奮叫道

美寧今日明顯打扮過先出黎，下身仲著埋黑絲，睇黎對我有好感啦！


美寧忽然問:「慕容sir呀，你平時鐘意做咩架？」


「唔...我鐘意睇下書咁啦、得閒就會去游下水咁」

「好健康呀，咁慕容sir有冇女朋友架？」美寧繼續好奇追問

「冇呀」

「嘻嘻..」美寧害羞笑道:「其實我最鐘意d...好似慕容sir你咁man既男仔架啦」
哈哈，今次得米啦！





「咦，係慕容sir你呀？」

我轉頭一望，係阿紫

仲有，7號


點解7號會同阿紫一齊既...？





「嗯，蔡美寧佢話有幾題數唔識，咪出黎教下佢囉，咁你地呢？」我嘗試探下7號既口風

「今日我同李sir都要返學校出卷，依家咪順便一齊黎又一城睇下有咩英文參考書姐」
7號笑道:「嘿，慕容sir你應該..唔係介意下話？」

「緊係唔係啦..」
一齊，即係話阿紫都幾信任7號，對佢冇戒心
咁既話，如果去到d關鍵時刻，佢用阿紫做人質，我就真係仆得街



呢個時候，7號望一望佢部手機
「呃，唔好意思呀miss wong，我屋企忽然有d事，我要走啦」7號臨尾都要望我一眼
到底佢，打咩如意算盤呢..







「I push my fingers into my eyes！！！
It's the only thing that slowly stops the ache！！！」


我拎起手機

「光晨，係我呀」

「喂..陳sir？做咩事呀？」

「果兩個老師...醒左啦」

「咩話！！！」我過大既聲音嚇倒美寧同阿紫
「佢地...醒左啦？」

「嗯...不過都仲未落到床，依家有幾個差佬響深切治療部病房門口保護緊佢地兩個，你放心啦」



唔通...





「阿紫，美寧，我走先啦！！！！」我隨即拎起手袋
「光..慕容sir！你去邊呀！！！」阿紫叫住我

但係我冇時間答你啦阿紫

因為



頭先7號睇完手機就話走...

就係要去暗殺岩岩醒返既果兩個老師！！！



「光晨，做咩呀？！」陳sir慌張問
「有人...要黎殺果兩個老師！！陳sir你地小心，我依家趕緊過黎！」



依家，一切都解釋到啦
7號混入學校假扮老師，暗中同合興合作
但比果兩個老師發覺，所以7號就對佢地下毒手

記憶中，7號係一個擅長用軍火既癲佬，佢既身體亦唔係十分健碩，甚至可以稱得上為「潺仔」，所以近身戰只係平平

咁亦都解釋到點解佢唔可以將果兩個老師一擊致命



我馬上坐上自己既坐駕，飛奔到伊利沙伯醫院