【英雄系列2】無敵光晨: 9

「Mr Mo Yung,unfortunately，your application is...」

「fuck！今次已經係第二十份工，又唔請我」





「我可以坐呢個位嗎？.....慕容光晨先生..」





「你...係？」

「我叫李先生，我係隸屬海豹突擊隊..」

「我諗你搵錯人啦」


「我冇搵錯人，我知道你老豆以前係香港既superhero，而你本身既身手亦無容置疑，更重要既係，你擁有港英政府批出既殺人執照」

「放心，薪金方面，會比起你依家搵緊既教師工作高三倍，咁樣你就唔駛驚高攀唔起你女朋友啦」





「我想邀請你加入，我地呢個暗殺部門Cobra」












「咁...我返去改簿先啦，一陣週會再見啦，bye」

我望住李sir既背影，心裡不停暗算

「光晨，做乜一見到李sir你成個人就古古怪怪咁既？」阿南問

「冇..冇野..」我裝作無事發生

「實係光晨佢唔抵得李sir靚仔過佢，葡萄佢啦！」阿咲暗笑道

我大感不悅:「你都on9！我已經最撚靚仔，駛葡萄？！」明明我先係最靚仔果個！



週會期間





「今日大家咁興奮，不如就一齊下詩歌啦！」台上一個打扮新潮既牧師興奮大叫

「煮撚夠~煮撚狗~鵝字他撚狗~~~」
「鵝豉豬的羊~~~~~~」

到底係邊條撚樣寫得到咁樣既詞,我真係好想拜會好佢真人



然後成班柴娃娃坐哂響度聽果個乜春野牧師鳩up
阿南就不停拎住部單反影相，應該係幫學校影既

而我，就不斷諗緊





到底咩事令到7號黎左呢間學校呢？

純粹只係為左毒品生意？




「慕容sir！慕容sir！！！」阿咲拍醒我:「起身啦，週會就完啦」
我慢慢張開眼，阿咲同隔黎d學生都望住我
「丫sorry！眼訓得濟tim...哈哈！」我尷尬笑道
仆街，早知尋晚早d訓啦，柒哂tim



第一日返學冇乜功課要改，五點幾就可以走得人





「呼...放工！走人！」我伸住懶腰:「miss lee我走啦，你自己返去啦，拜！」
「喂！你..」阿咲知自己太大聲，馬上控制返音量:「咁衰架你，唔送埋我」

「一陣比人見到你上我架車咪會比人講三講四囉，你包容下啦，咁你自己坐地鐵啦，我走啦」
「哼！賤精！」阿咲擰歪面道


食飯果陣

「阿南，今日見到你影左好多相喎！」阿咲求其打開話題
「唉，都係宗教組d人叫我影架，我咪求其影d囉..」阿南答

「等我睇下你d作品先！」我一手搶左阿南問學校借返黎既單反相機
阿咲亦拉住素素過黎襯墟:「我又睇我又睇！」





「喂屌！唔好呀！」阿南馬上放低飯碗，衝過黎

「車！有咩相唔見得光呀？有J圖咩！」

我打開相機個文件夾，入面全部都係影撓住腳坐既阿紫！
有d直頭係focus阿紫對腳，睇到我都扯扯地

「嘩！睇唔出南哥你原來係龍友黎喎」我好似森美咁恥笑佢:「你鐘意阿紫姐，唔駛咁樣影佢下話！」
「咦...原來阿南你咁變態架.....」阿咲同素素均對阿南露出厭惡既表情

「唔..唔係呀...咁岩咋！」阿南不停搖手辯護


阿咲神情忽然一變:「話事話，今日光晨你...見完果個李sir之後就好怪..」
「係...係咩，冇呀..」

「你唔駛呃我啦，我睇得出架...果個李sir，係咪Ouroboros既人黎？你....係咪識得佢？」



「你..你up乜呀？都唔知你up乜鳩！唔識呀！」

阿咲質疑我:「你仲唔認？！我平時根本就未見過你果一刻既表情，根本你就係識得佢！」

素素道:「吓..李sir雖然係岩岩入黎學校，但佢出左名好幫學生架！我覺得...佢唔會係果個販毒集團既人..」


「嗱死o靚妹，今次我就撐你啦！」我笑道

「素素呀..」阿咲扁起嘴:「我覺得..光晨你一定知道d野囉」

我發脾氣:「講完你又唔信，不如你自己查算啦」

「哼！」

我當然唔諗住同阿咲佢地講住先啦
因為我驚阿咲會以為我有份殺佢個叔叔，到時仲麻煩







「Good afternoon class！各位早晨！」

「Good afternoon Mr Mo Yung！」



「慕容sir！我尋晚做左d exercise，但係有d都仲係唔明呀..點解個sign會由larger than變左smaller than既？」

「慕容sir呀..到底點計sequence先最好呀？我成日都記唔到條formula呀...」


美寧、小緣同一班女仔都同尋日一樣圍住我黎問野

而班男仔就自己低頭做數，好似好唔鐘意我咁
不過關我撚事咩，我又唔係gay



「登~登登~登~登登」
https://www.youtube.com/watch?v=yDETNSA-u6M




「好！今日就講到呢度，放學！祝各位周末開開心心！」





此時，阿咲走入班房

「咁多位同學，呢間班房一陣四點會有日文班，如果大家想留響學校既話，可以去圖書館」阿咲禮貌道


但除左男同學之外，根本冇女同學聽阿咲講野，繼續圍住我

「好啦好啦！miss lee話一陣呢度有日文班呀...」


d女同學好依依不捨咁:「慕容sir呀，我地仲有好多野唔明呀」

我響黑板寫上一個email:「嗱，如果呢個周末各位有咩唔明可以email比我，我email係[email protected]！想whatsapp我都得，618 5個0！call我丫！！」

「慕容sir呀，係咪咩問題都即刻答我地架？哈哈」美寧同小緣繼續拉住我

真係冇諗到成班女同學都咁熱情






「呼，教左成個下晝書，攰死人啦！」我一邊行去lift口，一邊伸起懶腰

「點..點解..d同學唔聽我講架..」阿咲有點意志消沉

我笑道:「你唔好成日擺起個老師款，你要學下我咁，同學生打成一片先得佢地鐘意架」

阿咲捉住我，緊張問:「乜我..個樣真係好唔nice咩？」


我同阿咲入到lift

「問心果句丫...係架，你一唔笑就西口西面咁，係人都怕左你啦，哈哈」

阿咲扁起哂嘴:「唔通..我真係唔岩做老師？」

「唔係既...你以後多d同學生講下笑，咁就得架啦」我繼續鼓勵阿咲:「不過講起上黎，其實阿咲你根本就唔應該報仇，你咁有熱誠，都係做返老師算啦」

一講到報仇，阿咲又低著頭，大概仲猶疑緊係咪真係要咁做



此時，我先發現自己本數學書唔響手上

「唉！仆街，我本數學書呢！」

阿咲:「會唔會留左響樓上班房呀？」

「丫可能係喎，上返去先」





行近5E班房時

「こんにちは！大家好！又係我rina呀...今日我地會教大家同人對答既時候，用咩字先係最岩場合既」一把甜美既聲音正在講課
似乎就係果個教日文既miss，希望係靚女啦
不過rina呢個名唔知響邊度聽過....

「咯咯」
「我黎拎返本數...」

「你個變態佬！！！！！點解你會響度架！！！！！」



我望一望

仆街，就係上次響地鐵屈我係痴漢，再打柒阿南果個八婆rina

「fuck！你就係日文班果個老師呀！？」

在場既同學都不知所謂何事
「唔得呀！？你個變態佬夠做到老師啦！」身穿長裙既八婆rina道
「根本就係你屈鳩我，屌...我黎拎返本數學書就走架啦，廢事理你」好男不與女鬥，算！

我走近老師枱拎返我本數學書
竟然比我見到呢個八婆rina用黎出入學校果張證



「你叫..陳..小妹....你叫陳小妹！！！嘩哈哈哈哈咯咯咯，陳小妹呀哈哈哈哈，屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹」
我笑到好似機關槍咁，差d斷氣
痴撚線架，邊有人改個咁既名架...

八婆rina被我激到花容失色
「死..死變態佬！係咪想打過呀！！」
「好呀，駛驚你呀陳小妹，屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹屹」



阿咲猛咁拉我返出去

「對唔住呀，慕容sir今日唔係好舒服呀！唔好意思唔好意思！」

「喂你做乜鳩呀！」我指住個八婆:「唔好再比我見到你呀！」

八婆:「我都唔想見到你呀！死痴漢！！」

屌，咁都比我見返個八婆，真係黑仔

不過如果可以見返佢另外果個有S級腳既fd，好似叫airi既女仔就好囉