【英雄系列2】無敵光晨: 5
「老豆...點解...我地要去美國呀？」
「光晨，等到你大個左，你就會明白」
「但係，我唔想走喎...間中學讀得好地地」
「有時，人係冇得揀架...要怪，就怪你阿爺啦」
「咩...咩話...」倉內既古惑仔都比我嚇質哂
「嘿」
我響佢地未回神之前，已經閃到最近我既古惑仔之前
醒佢一個兜錘鍋面
雖然我最近少左打交，但5成既拳力都足以打暈呢d廢柴
「哈，仲有邊個想黎呀？」我冷笑
「圍鳩佢！睇下佢係咪仲咁口響！！」一個貌似較高級既金毛指揮手下，從四周衝向我，就咁睇應該都有8個
我伸出右手捉住最前既mk，膝頭頂住佢既肋骨，再用力一扯，就將佢既手骹拉甩
接著一掌將佢打昏
呢招係我睇ipman學到既，實戰非常有用
再來就有四人想四方夾擊我
我先掃低一件，再抓住佢既右腳，將佢當成風車一樣，揮向另外三人
襯住三人擋格之際，我就使出三下手刀，劈暈佢地，緊接以一腳踩向「風車」收尾
剩低既三人見到我如此勇猛擊倒佢地既手足，都開始猶疑
「做咩呀，唔敢再上前啦？」我冷笑道
接住再以兩三下詠春功夫將佢打暈哂
果個金毛嚇到不停退後:「唔好殺我呀..唔..唔好呀..」
「哼，你收皮啦」
我一個迴旋腿，將佢踢飛到幾米外既石屎牆
我轉頭大喝:「喂阿咲，清哂場啦！！」
阿咲呢個時候先從門後探頭出黎
「嘩，乜你打到d人咁傷架，比人知道咪死？仲有呀...點解你會有塊咁核突既面具既？」
我除低塊面具
「你識乜丫！我最愛既slipknot主音corey taylor都係戴呢副面具咋！」
呢塊面具當中既秘密，我當然唔會同阿咲講啦...
我望一望旁邊既電腦:「唉，做返正經野先啦」
我開著電腦，卻出現另一個問題
「仆街丫，要user name同password咁on9？」
阿咲道:「咁緊係啦，驚你呢d人黎偷佢地d機密嘛！咁依家點呀」
我熄掉電腦，再將各條機後既線拔出:「咁呀...拎埋部機返去先啦，話唔定陳sir有辦法呢」
電腦野始終唔係我專長，都係留返比d專業人士算
安美大廈3樓
「叮」lift門打開
阿南捧住部電腦主機:「喂，光晨，部野咁鬼重既，係咪有咩重要野架？」
我拎定偵緝社既鎖匙:「鬼知咩，我知就一早打左password睇啦南哥」
「係喎！」阿咲忽然大叫:「我地走果陣都冇寫紙條，素素咪唔知我地出左去做野囉」
「挑，仲以為你做乜..」我不屑道:「驚乜鳩姐，個皇帝女肚餓就自然會落街食架啦，駛驚佢餓親？」
打開家門，只見素素攬住肥仔坐響梳化度
素素把聲有點虛弱:「你..你地返黎啦..」
阿咲率先道歉:「唔好意思呀素素，我地頭先出左去做野..」
「咕~~~~~~~~~~~~~~~~~」
素素既肚發出呢一下聲音，我就知道，佢未食野
阿南問:「素素，你肚餓呀？」
「嗯.....」素素點了頭
「肚餓就自己落街食啦，十幾歲人都冇d智慧！」
「光晨呀，唔好咁衰啦！」阿咲替素素講好說話
「哼..」我攤著爐:「點呀！想食咩呀o靚妹？」
素素有點愕然:「吓..」
「唉問你都哂氣..」我響雪櫃拎出d未煮既餸出黎:「o靚妹你唔好誤會呀，我地未食飯先煮咋..」
素素既眼神既開心又帶點感謝:「唔..唔該光晨先生」
阿咲托住我既膊頭，笑道:「嘻嘻，其實光晨你內心根本就對素素好既..係你把口唔認姐！」
「你on9！依家條o靚妹白食白住呀，冇productivity呀，冇contribution呀，得鬼閒對佢好咩！」我洗住米道
「車，做老細好巴閉咩！」阿咲道:「素素，唔好理佢姐！」
靠住我既兩三下手勢，一餐四餸飯話咁易就搞掂
阿南爬住飯:「係喎光晨，咁部電腦你諗住點搞呀？」
「唔知呀..交比陳sir囉，佢自己差館都有人識搞呢d啦下話」
「我..」
阿咲:「咁渣架你！少少野都唔識，仲話響美國讀書！」
屌d女人真係痴線
「你on9！讀番鬼書就一定識架咩？家陣佢要user name同password呀，你知鬼知馬呀？」
「我..」
我地三個人同時望住素素
「點呀，你又有咩高見呀o靚妹？」
「我...我可能破解到...」
我眉頭一皺:「你？得唔得呀o靚妹？」
「你唔記得阿紫話過素素好聰明既咩，話唔定真係得呢..」阿南道:「不過，你冇問題丫嘛，素素？」
素素低住頭食飯，點頭:「我唔想再白食白住，我想幫到光晨先生手...」
我飲左啖黑啤:「係至好講呀，一陣搞唔掂出左事既話我打死你架o靚妹」
「噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠噠
噠噠噠噠噠噠噠噠噠噠噠噠噠噠噠噠噠噠噠噠」
素素既手指在鍵盤上美妙地飛舞
「素素，點呀？」阿南問
佢冇理阿南既on9問題，只係一味對住熒幕不停打code
睇黎，素素只要係做緊自己最鐘意既事，就唔會理其他野
呢個就係佢既世界
「登登登~~登登~」熟悉既windows XP音效響起
真係估唔到素素原來堅係識
阿咲不禁讚嘆:「素素你好犀利呀，點解你會識呢d既？」
素素似乎有返d自信:「我自己鐘意IT，所以有時都會掂到呢d可能會犯法既野..」
「哼，你個o靚妹總算有d用，以後你就負責幫我搞IT、電腦果d野啦，就當係響度住既條件」
素素笑一笑:「嗯，多..多謝光晨先生」
我坐埋去電腦面前:「講野就比返d自信啦，下下講到口吃咁..」
「我的電腦...D drive無野...C drive...」我不停搜查住電腦，但呢部電腦好似岩岩洗過咁，乜撚都冇
終於
響program files中，搵到一個「新資料夾」
入面就只有一個pdf
「呢一份...係pdf...」
我開啟佢，不過又係要密碼
「比我..試下....」素素一手頂開我，再瘋狂咁打code
屌，駛唔駛咁惡呀...
不過又真係吹素素唔脹，佢又真係解開左個file
「估唔到o靚妹你都有d料架喎，最多以後唔話你冇用」我都忍唔住讚下素素
「光...光晨....你..你睇下」
阿咲忽然講到口震震咁，好似見到連環殺手響面前出現咁
「乜料呀？睇過」
pdf上既
係一個圓圈，圓圈外有十條蛇圍住
哈，得來全不費工夫
估唔到果個算命佬都幾準，要報仇，就要返黎香港
呢一份pdf既內容大概就係關於今次訂既毒品數量、金額等等
簡單d講，只係一張訂單
但就暗示左，今次呢單毒品買賣，同果個「組織」有關！
「哦...就係阿咲你一直搵果一個組織..」我摸住下巴道
阿咲一言不發，似乎冇預計到會響呢度得到「組織」既線索
咁既話，Ouroboros同呢個「組織」肯定有關係
「咩組織呀？」阿南問
我將阿咲果個叔叔被殺既事和盤托出
「即係話...你叔叔就係被呢個組織既人殺左」
「嗯，所以我先黎搵光晨，希望可以同佢一齊查下呢個組織既事」阿咲臉龐憂愁，大概係未知點做好
我吸一口煙:「咁你想點丫？想隊冚人地成個組織呀？」
「...我都唔知..」
阿咲，你唔知唔緊要
因為...我點都會將呢個組織既人，殺得一乾二淨
你地準備定棺材啦，Cobra...