那一天，我再遇上了妳: 大人的世界

我：「係呢Crystal，我頭先係你個位度等你個時，唔覺意張檯度見到你一家福窩....你同你屋企人都幾恩愛啊...」

不過我諗都無諗過講完呢句野之後....佢會有咁大反應

Crystal：「點解...王生你會睇到」

之後佢就開始眼濕濕

搞咩啊大佬？！我都係想搵個話題講下姐





洗唔洗無啦啦又眼濕濕啊？！

明明我就係話緊佢同屋企人點解可以咁恩愛

佢就無啦啦喊眼濕濕

唉...我都係唔大家食飯咁悶姐

等陣如果有其他董事入黎食飯見到呢個情境





你話點算？

我：「唔好意思啊Crystal...其實我唔係有心想睇你地副全家副...只係等緊係你個位等緊你個時無意中見到」

Crystal：「唔好意思王生...我頭先如果有小小失儀態」

下....咩料啊....佢明明仲係係度眼濕濕...轉個頭有同我講唔好意思

而家D人真係怪





我：「哦...哦...其實無啊」

Crystal：「其實我屋企人都好恩愛...係我爸爸係我好細個個時就已經離開左我同我媽媽...所以我..」

我：「Crystal 我明嘎...呢D係你私人事...我唔應該干擾...我都差唔多包啦...不如我地上去翻去做野」

其實我都係第一日識佢，我都唔想搞到大家咁尷尬

我亦唔想聽佢屋企ge事

你知啦..如果一個女仔講到自己好可憐

我呢D毒男又好想保護佢關心佢

不過我已經有女朋友啦所以都係算啦





就係咁，成日我就係我個辦公室到係咁我行行企企，等閒去下廁所

好快就到左六點幾

我就放工，翻屋企食飯

我：「媽...我翻黎啦」

之後我啊媽就係個廚房到出左黎

媽：「仔仔！今日翻工點啊？？有無人為難你啊」

我：「無啊.....第一日都算唔錯啦」





唔通我同佢講其實都幾悶下，又無野做

同埋個個都叫我做王生同埋我係公司非執行董事咩

等老豆翻到黎

我地就一家人坐低食晚飯

食完晚飯，老豆就又叫左我出露台到傾計

老豆：「仔，你今日翻工係唔係無野做啊？」

我：「老豆你點知嘎？」

老豆：「係人都知啦，非執行董事...姐係咩都唔係你做咯...你知唔知邊個係何超蓮？」





我：「何鴻燊三姨太陳婉珍個女？」

老豆：「係啊...佢未又係非執行董事...你見佢有無野幫佢老豆公司做過啊？」

我：「無」

老豆：「咁未係咯...不過...」

我：「不過咩啊老豆」

老豆：「我覺得老李咁做係有佢ge意思...」

我：「又咩意思啊老豆」





老豆：「唔話你知，都夜啦我去訓啦，你都去訓啦，聽日仲要翻工」

我：「懶神秘」

大人的世界我真係唔明

唔明Crystal，唔明我老豆，更加唔明李生想點

唉算...我都係入去沖涼

當我睇一睇電話...死啦今次

原來今日我答應做啊永一齊食飯

佢打左十幾次比我

不過我翻到屋企就擺低左我部電話

電話又交左靜音

我自己又唔記得左約左佢食飯

今次大禍....我而家應該點算呢？？

佢而家一定鬧死我....更加唔會想聽我電話同解釋

究竟我而家應該要點做？有無人可以教下我....