那一天，我再遇上了妳: 董事室

到左十二點我就出左去我辦公室門口搵 Crystal 食飯

一出到去就見到Crytal 唔係佢張辦公檯到

可能去左廁所掛，之後我再望一望D員工

奇怪，點解出面ge人到左十二都仲係度做緊野ge

明明係放飯時間黎，唔通佢地係一點鐘先係放飯時間？





算，都係唔好左住佢地做野

等我坐係Crystal 個位到等佢先

一坐低，望一望張檯

我就見到Crystal 擺左佢同埋佢屋企人全家副係度

呢個應該係佢媽媽，之後呢兩個應該係佢公公同埋婆婆





咁佢爸爸呢？唔同係英年早逝？？

應該唔會ge...可能係佢爸爸渣機姐

正當我再想周圍佢張檯放左D咩個時

Crystal：「王生，頭先要你等咁耐，真係唔好意思...我地而家可以落去食飯啦」

我：「無問題，我都唔係等左好耐姐，咁我地而家落去啦」





之後我就同Crystal 一齊落左去個飯堂到食野

我：「Crystal 不如我地入董事室食野咯？」

Crystal：「咁好似唔係....」

我：「咩唔係咁好啊...我地走」

之後我就好自然咁拉住佢隻手，等佢唔可以反抗

一直拉到我同佢入左董事室就黎坐低個時

Crystal：「你隻手.....好暖」

我：「？？！！！」





咩料？呢個Crystal 點解無啦啦講D咁ge野...

佢應該係想我唔好繼續拉住佢ge姐

王亦軒你唔好自己諗多左啦

你已經有女朋友嘎啦，佢仲要係你ge女神

我：「哦...對唔住.....」

Crystal：「其實我....」

佢唔係想同我講佢唔介意啊哇？佢到傻傻地ge





頭先先叫左同佢傾過兩句計

轉頭就話唔介意我拖佢？

而家D女仔呢...真係一D矜持都無

不過其實可能都係我自己係度ff 嘎姐

算....望一望我地張檯隔離

原來董事ge飯堂日日都係食自助餐

有無咁誇張啊？？！！

呢度而家除左我地之外一個人都無





但係我周圍望下D野食

又有壽司，又有生蠔，又有揚州炒飯，仲有各種各式ge甜品

我而家終於知道點解我地樓價會咁貴

係因為長實要養呢班董事們真係一D都無平

不過我下午真係食唔到咁多

所以我隨便咁拿左幾件壽司，同埋小小飯

我就翻翻埋位





之後見到Crystal 都只係拿左小小野食翻黎

我地兩個係咁係度食，佢一句野都無講過

咁樣真係有D 尷尬，所以我就嘗試打開話題

我：「係呢Crystal，我頭先係你個位個度等你個時，唔覺意張檯度見到你一家福窩....你同你屋企人都幾恩愛啊」

不過我諗都無諗過講完呢句野之後....佢會有咁大反應....