那一天，我再遇上了妳: 平民

你有找幸福的自由 我未夠他得天獨厚 我也想對我這塊鏡擲石頭....

我：「喂...邊位啊？」

Kristy：「早晨啊軒軒！」

我：「早晨啊永....而家幾點啊？」

Kristy：「十一點幾啊....咩你日日都咁遲起身嘎？」

我：「咁平時係美國要翻學要早起身，咁而家放假未想訓多陣咯」

Kristy：「哦..對唔住啊軒軒...我好似嘈醒左你咁...」

我：「無啊...都係差唔多啦...係呢你咁早打黎做咩啊？」

Kristy：「無啊...Emily 話佢今日唔得閒出黎，所以未睇下軒軒你會唔會出黎陪我行街咯」

我：「我今日都無野做啊...我可以陪你去行街啊！你想去邊度行啊永Bb？」

Kristy：「其實邊度都可以啊....」

我：「咁通常你同Emily去邊度行多啊？」

Kristy：「皇后大道？海港城？The One？ 圓方？」

哇..洗唔洗去親都係D名店啊...唔得...我要帶佢體驗下平民ge生活

我：「不如我帶你去下D無咁貴ge地方行街啊」

Kristy：「好啊好啊....不過係邊度啊？」

我：「旺角！」

Kristy：「邊度呢嘎？我從來都未去過啊....」

咩哇？？！！旺角窩...咁出名ge地方居然未去過

我：「咁我搭Uber 過黎你屋企再一齊去啦！」

Kristy：「好啊好啊！好野...可以同軒軒去新地方...等我著得好D先」

我：「都唔洗特別著得好D啊Kristy...平常咁就可以」

Kristy：「真係？」

我：「嗯嗯」

Kristy：「咁好啦我而家去換衫先啦」

講完我就收左線...好快咁沖左個涼就出左門口

過左幾分鐘我架Uber 就到左...之後我就接埋Kristy 一齊出去旺角

第一次去旺角要去咩地方？

首先一定要帶佢去波鞋街女人街同埋花墟

Kristy：「點解可以有咁多鞋款係同一條街到嘎？點解呢度D鞋平過我以前買geD咁多嘎？」

Kristy：「點解有咁平ge手工藝攤檔嘎？真係好多好靚啊」

Kristy：「D 花好靚好大朵啊！」

去完呢幾條街...Kristy 就買左幾對波鞋，我就係花墟買左D花送比佢

之後我就帶左佢去掃街

又腸粉，又有魚蛋，又有燒賣，仲有串八爪魚

最後，仲去埋旺中行下D潮貨

但係佢係旺中行左一陣都買唔到野

我見都差唔多十點，佢又住得遠

所以我就決定送佢翻屋企

送完佢翻屋企，我就自己翻自己屋企

原本想翻到屋企就入去沖個涼訓覺

因為我翻到屋企已經差唔多十一點幾，今日又早起

又去行左成日街...真係好攰

不過一入到門口，我就見到老豆坐左係沙發

爸：「軒...你翻黎啦？」

我：「係啊」

爸：「同女朋友出街?」

我：「嗯嗯」

爸：「得唔得閒坐低同啊爸傾幾句？」

通常啊爸咁講得都唔方好野

究竟佢想同我講咩呢？千萬...千萬...唔好再比D「驚喜」我啦老豆