那一天，我再遇上了妳: 交談
Kristy 爸爸：「阿軒..坐啊 」
我：「好啊唔該Uncle」
之後我就坐左係張櫈到，隻眼一望出面就見到連佢書房都係對住無敵大海景
不過我而家已經無咩心情欣賞呢個風景
因為坐係我對面ge正正係Kristy 老豆
其實我而家好緊張，手汗都出晒
都唔知Uncle 會問我咩...
通常男方應該同女方ge經濟狀況差唔多或則好小小先係
如果佢知道我屋企無佢咁有錢，我諗Uncle 都應該唔多Likee
至於Uncle 個人係點？
Uncle 個人應該都係得四十幾歲
因為佢D頭髮都仲係黑色，唔係好似我老豆咁已經變晒白色
同埋就咁睇落去佢個上半身，我覺得佢係有健身ge習慣
Kristy 爸爸：「哈哈...啊軒你唔洗咁緊張窩...唔洗一入到黎就抓緊條褲」
第一次見大富豪，仲要係我女朋友個啊爸，點會唔緊張啊，未玩我啦
我：「哦哦...唔好意思...」
Kristy 爸爸：「你放心啦...我唔係個D怪獸家長...我唔會問你而家係大學讀緊咩系...又或者你屋企人做咩職業...Uncle 份人都好開放...大學拍拖其實都好正常！」
我：「嗯嗯...咁我都明白其實Uncle 都係擔心自己個女唔知交左個咩男朋友姐」
Kristy 爸爸：「你係一個聰明仔...咁我就開門見山啦...無謂兜兜轉轉....我諗你多多小小都知道Kristy 同佢以前男朋友ge往事」
我：「嗯嗯」
Kristy 爸爸：「我唔想我個女再比人傷害」
我：「我明白...我可以向Uncle 保證我唔會傷害到Kristy..我會好好咁對佢」
Kristy 爸爸：「好！如果我而家比三千萬你，你可唔可以同我個女結婚？？」
咩話....三千萬？？？！！不過唔係我ge錢...我又點可以要啊
我：「對唔住Uncle 我係唔可以要你D錢....雖然我自問無Kristy 屋企，Uncle你咁有錢...但係因為我愛佢...我真係好愛佢...所以我會努力讀書...以後搵多D錢....等佢有幸福ge生活」
講完之後我自己都比自己嚇親....三千萬窩...比在我以前...一定要左...
Kristy 爸爸：「哈哈哈哈哈哈哈」
我：「..................」
Kristy 爸爸：「果然我個女無講錯」
我：「Uncle...唔好意思....我...唔係好明你講緊D咩....」
Kristy 爸爸：「我個女話你同其他男仔唔同...果然真係...積極向上...唔係貪得無厭，唔對銀子低頭....而家呢D人...真係越黎越小...後生仔...加油！聽完你咁講我都放心D...不過我就係得佢一個女...你試下對佢唔好...我一定唔會放過你」
咁姐係恐嚇？？！！
我：「Uncle 我明白你ge意思」
Kristy 爸爸：「就咁啦...係窩...第日如果你畢業搵唔到野做...你就搵我啦....Uncle最鐘意捧D 有Potential ge 新人...我信你得嘎...唔好放棄！」
我：「多謝Uncle 」
Kristy 爸爸：「好啦...你而家落去搵翻佢地啦...Uncle仲有小小公司野要處理，第日再傾啦」
我：「好...咁我唔左Uncle 啦」
呼...仲算係過到第一關
落到去，就見到Kristy 同Emily 都坐左係個泳池傍邊傾計
我：「點啊...你地傾緊咩啊？」
Kristy ：「無啊都係女人野咋嘛...係啊軒軒....應該係我問你同我Daddy傾緊咩啊？？」
Emily ：「Let me Guess...佢Daddy問你係大學讀緊咩？」
我：「無窩」
Emily ：「你屋企做咩？？」
我：「無窩」
Emily ：「你住邊有啦掛？」
我：「都無窩」
Emily ：「Then what did he asked you???」
我：「唔話你知...hehe」
Kristy ：「算啦軒軒唔想講就算啦...係窩係窩...我都唔知軒軒住邊...你係香港住邊區嘎軒軒？」
我：「九龍塘咯...唔好講我啦...而家我地搵D野做啦..」
Emily ：「不如我地玩大富翁咯？」
Kristy，我：「Okay 啊...」
之後我地就入番廳坐係個地下開始玩大富翁
但係我同佢地玩左十幾二十分鐘我已經破產比佢地收晒地
所以我就坐左係度等佢地...不知不覺咁我又訓著左
Kristy ：「軒軒....起身啦！我同Emily玩完啦！」
我：「哦...係咩...而家幾多點啊？」
Emily ：「而家六點幾啦...我要翻屋企食飯啦...」
咁未姐係又係得番我同Kristy 同埋佢屋企人
唉...今日而家有D攰，而家都係走為上帳
我：「我都要翻屋企食飯啦」
Kristy ：「咁好啦...我地Whatapp 再講幾時出黎啦」
之後我就叫左架Uber翻屋企
翻到屋企，果然一個人都無...我諗啊爸啊媽以為我唔翻黎食飯...所以佢地都出左去食
換件衫...原本想叫外賣...但係間間都有最低消費...我一個人又食唔晒
算....都係沖個涼....早D訓算....