那一天，我再遇上了妳: 回港

Kristy ：「Passport？」

Emily，我 ：「有！」

Kristy ：「學生簽證？」

Emily，我 ：「有！」

Kristy ：「電話，銀包，鎖匙？」





Emily，我 ：「有！」

Kristy ：「咁我地拿齊行李出發翻香港啦！」

我 ：「等陣先....你好似未叫Uber窩....我地點去機場啊？」

Kristy ：「係窩，hehe....差D唔記得左添...等等下.....開電話...開左個手機元件....去 Sea-Tac Airport....Request....搞掂 ！」

Emily ：「要等幾多分鐘啊？」





Kristy ：「六分鐘！」

我 ：「咁我地落去等啦...我地落去都要時間」

Kristy ：「好喇....」

咁我地就落左去，無幾耐架車就到左

個司機好好，幫左我地三個搬行李去佢架車ge車尾箱





之後仲要幫我地開門入去佢架車到

司機 ：「Sea-Tac Airport right ?」

Emily ：「Yep!」

之後我地坐左差唔多十幾二十分鐘車就到左機場

我 ：「點解我地唔去櫃台一次過check-in 加寄行李呢？」

Kristy ：「軒軒，呢邊係咁嘎....一定要自己係呢D機度自己Check-in，印埋個行李牌先可以拿過去櫃台寄行李」

我 ：「哦....」

Emily ：「Your Passport？」





我 ：「呢度呢度」

「喥喥喥喥喥喥」

Kristy ：「搞掂...我地check-in 好晒喇....那...Emily 你ge登機證，軒軒呢個你ge...仲有行李牌..搞掂....」

Emily ：「Lets go to the 櫃台 then」

「搞掂！」

之後我地就過左安檢，上左飛機

Emily 就同Kristy 一齊坐，因為佢地一齊買機票





而我就坐佢地隔幾行

一飛就飛十幾個鐘其實都幾難頂，原本坐坐下想上前同佢地傾下計無咁悶

但係佢地一路都訓得好熟睡，所以我都唔夠膽嘈醒佢地

終於過左十幾個鐘頭，我地翻到香港，等左一陣，我地就拿埋自己行李出閘

我 ：「我見到我啊爸啊媽啦...」

Kristy ，Emily ：「我都見到我啊爸啊媽啦...」

Emily ：「Woooo....Kristy 要見家長窩....Wooooo 啊軒又要見家長窩....咁....你地慢慢傾啦，我地再電聯啦！See you guys later!」

之後Emily同佢屋企人走左





Kristy ：「我個頭有無好亂啊？我件衫點啊？」

我 ：「無啊無啊，咁我呢？」

Kristy ：「無啊無啊...」

我就先同Kristy行左去佢啊爸啊媽度好簡單咁打聲招呼同埋自己我介紹，再帶Kristy同我啊爸啊媽打聲招呼

我 ：「好啦...我翻到屋企再打比你啊!」

Kristy ：「嗯嗯，好啊！」

就係咁，我就同左我屋企人走，行去機場停車場，Kristy 原來屋企人都有渣車,所以我地就一齊咁行去停車場





佢地架車排得比較近，所以佢地開車走左先

佢地一開車，我望一望尾燈，我就知道，佢地屋企係渣緊架Mercedes Benz S500 AMG 四門

呢架野閒閒地都要過二百萬先買到....

唉...都係唔好理咁多....不過....行行下....點解都仲見唔到我啊爸架車ge呢？

我 ：「爸媽，我地架Toyota 呢？點解見唔到ge？」

媽 ：「到啦...上車啦」

咩哇？？！！我地而家企左起架四門Bentley 隔離？？！！

Bentley 窩？！仲貴過Kristy架S500....要幾百萬先買到一部...點解？點解我地屋企可以買到ge？？！！

冷靜D....應該係我啊媽認錯車姐...

我 ：「啊媽，呢架唔係我地屋企架Toyota 啊...雖然都係一樣都係藍色...」

之後我啊媽仲幫我打開左對門

媽 ：「上車啦...」

我地屋企幾時可以由Toyota 變左Bentley？？！！點解我一D野都唔知嘎？？！！

到呢刻...我已經連反應都反應唔切....就咁聽佢講就上左車

媽 ：「係窩...我地屋企搬左屋...離機場無以前咁近...你都應該眼訓嘎啦...香港而家都差唔多凌晨十二點幾...你訓陣先啦」

我 ：「點解點解點解........」

終於我啊爸都出聲啦

爸：「仔......我知道你可能而家有好多唔明ge地方....不過等你翻到屋企...我再坐低同你講我地屋企有咩好ge改變啦....」