那一天，我再遇上了妳: 階級

到左聽朝早，大概十一點我就自然起左身

刷個牙，出廳已經見到Kristy同Emily係個香港地圖度圈左幾個地方，計劃緊翻香港要去邊度邊度

我：「早晨啊阿永同埋Emily」

Kristy：「早晨啊軒軒.....你快D過黎啦...我同Emily 而家係度計劃緊我地翻到香港要一起去邊度食阿！」

Emily：「Yea...you woke up so late!....take a look at oour plan lah!」





之後我就拿左張佢地今朝開始計劃ge地圖，睇一睇

「半島酒店High tea」，「文華東方酒店法式晚餐」同埋「太平山山頂自助餐」

仆街....全部都係港島區...呢個就係我最驚會同Kristy有ge階級問題

有錢人真係唔同D

間間野佢想去ge，一坐低都已經要過千港紙....​





間間野我平時會去食ge...都係茶記，好小小都係去又一城食

一個人最多都唔洗二百蚊

不過如果我話好貴，我同佢地講我去唔到，比唔起，好似好無面咁

呢D無型金錢上ge壓力，大家又明唔明？

如果要同佢地一起去，咁姐係禮貌上都係我要請





食又係，唔食又唔係....天啊...我可以點啊

睇黎，今次翻香港，就係我破產ge時候

Kristy：「軒軒做咩呆左起度啊？」

我：「無啊...無呆啊」

唔通同佢講我比佢地睇ge呢幾間高級餐廳嚇親咩

Kristy：「hehe....我地至係暫時寫左呢幾間咋....因為呢幾間都係我同Emily每次翻香港都一定要食ge地方...軒軒你會陪我地去嘎何？？」

我：「會....一定會....係呢係呢...其實你地實際上諗住邊一日翻去啊？」

Kristy：「我琴日打左比我啊爸啊媽....佢地話無所謂啊！所以軒軒你幾時翻我就買幾時機票」





Emily：「Me too....as soon as you tell me the date we can buy the ticket right away!」

我：「咁好啦...咁等夜晚我打比我媽咪，同佢Confirm 完之後就Whatsapp 你地啦!」

Kristy，Emily：「Okay!!」

之後佢地就煮左意粉做午餐，食完午餐就訓左一陣

訓醒我就打比我啊媽

我：「媽...有機票未啊？」

媽：「點啊仔仔？」





我：「我話你有無幫我問我D機票啊？」

媽：「有啊有啊...你老豆話五月十七號，下就五點四十九分坐Delta飛翻黎得唔得？」

五月十七號未姐係過兩日？不過Emily同Kristy都應該得啦...佢地話幾時買機票都得...

我：「得啊...好啦咁遲兩日見啦！」

媽：「好啦...你check下你Email 啦咁...老豆話聽日會send機票資料比你啦！」

收左線之後我就係Whatsapps 同佢地講...

「五月十七號，下就五點四十九分坐Delta，大家得唔得？」

Kristy 就已經秒睇左，之後過左十幾分鐘





佢就打：「我同Emily已買機票！同你同一班機飛！好野！咁大家早頭啦...聽日見啦...」

咁快？？？！！究竟佢銀行有幾多錢？？？！！點解可以話買就買？？！！

一張機票都唔平，仲要係兩日後就飛翻香港？？！！點解佢可以話買就買到？！

究竟佢屋企有幾有錢？？？佢屋企人究竟係做咩野？？

唔通佢老豆係....算...都係唔好再諗..聽日仲要收拾行李....

而家...都係訓覺先....