那一天，我再遇上了妳: 無助

去到間日本餐廳，間野叫做“Ami”

間餐廳裡面唔係好多人，裡面只有一對情侶食完野等緊埋單

係咁樣ge情況下顯得間餐廳特別寧靜，我開始有D緊張...如果等陣同Kristy 食飯個陣係呢個咁靜ge環境下有Dead Air

咁一定會好尷尬...唔得唔得...我一定唔可以比呢樣野發生...我決定今餐要嘗試了解下佢生活ge一點一滴..

侍應：「How many people?  」





我：「two please」

之後個侍應就帶左我地去餐廳最靚ge一張台...個張台隔離就係落地玻璃...因為呢間餐廳係位於Downtown ge山上面..所以一望出去個玻璃出面就可以見到成

個Downtown...哇...真係好靚啊....美國果然係唔同D...D風景真係比香港ge景色靚好多...

我：「呢度真係好靚啊...」

Kristy：「係啊...以前我都成日黎食野...係香港如果要搵有風景ge餐廳食野，通常都好貴...但係呢度就唔同...野食係呢度都唔算貴...」





我：「以前成日同邊個黎啊？」講完呢一句，我自己都知道我好似問錯野...

Kristy：「Patrick...」 我真係pk...又提起Kristy傷心事，王亦軒你可唔可以聰明D啊？！

我：「我地走...去第二間餐廳食...唔食日本野我都無所謂！」

我正想嘗試去兜翻頭先我講野個時...個對情侶無啦啦走埋黎我地張台度

男仔：「Kristy ...好耐無見啦窩...啊...唔記得介紹我隔離呢位...佢係Erica，係我女朋友...依...Kristy 你對面坐住個位係...？」





當呢個男仔講完呢句野之後,我只就見到Kristy開始沈默起黎...佢隻眼開始通紅，點解Kristy會特然會邊到咁ge？頭先佢明明仲好地地

唔通....我知啦...呢個一定係Kristy個Ex...亦都係拋棄Kristy同佢自己個BB ge Patrick....唔得...我唔可以比呢個世紀賤男再得寸進尺

我：「你好啊...我係啊軒...係Kristy男朋友....」之後我就坐左去Kristy隔離，  錫佢塊面一啖...pk軒你又係度做緊咩啊...

Patrick：「吓？？？！！！！！」

之後個個Patrick唔知點解就走左

當個個Patrick行左出門口個時...Kristy就係咁係度喊

無啦啦Kristy喊喊下就攬住我.........

Kristy：「啊軒阿.........阿軒阿....點解佢要咁對我...點解我咁蠢...同個咁ge人拍拖阿...點解阿....!!!!!!」





佢越喊越大聲...連個侍應都望左我地一眼...喂...唔好咁望住我窩侍應...唔係我整喊佢嘎窩

不過佢再咁樣喊落去個侍應會唔會覺得我強奸佢之後報警嘎...唔得...我一定要搵方法停止佢係度喊

我決定要抄個D 韓仔溝女ge對白....

我：「Kristy...望住我.....望住我！!....唔好再為呢D人喊，根本就唔值得...我唔想再見到你為呢個人而喊!...我會陪你度過呢段時刻...你唔需要覺得自己寂寞...有我係度....我唔唔會好似佢咁對你!」

到呢一刻我都唔知自己係度講緊D咩，不過隔左兩分鐘Kristy真係停左喊

Kristy：「....我想翻屋企...」

我：「咁你D補習學生呢？」





Kristy：「我會同佢地講我今日唔舒服...之前....我都無同佢地請過假...應該無問題...我想翻屋企！」

下...但係我地連野都無叫過就走人好似有D問題...不過天使話要翻屋企...我又點會唔比佢阿...

所以我就諗左個方法...就係係我銀包到拿左張五十蚊美金擺係張台度...之後就同個侍應講我地有緊要事要走...

同佢講檯上面D錢係你D小費....希望佢會理解我地...唔會下次擺我地係黑名單，搞到我地以後都唔可以黎食啦...因為聽Kristy講呢間野都幾好食..所以下次我都想再自己黎食下

之後我地就走左...Kristy 就開始開車...直到我地到屋企樓下個停車場ge一刻...Kristy 一句野都無講過..

見到佢咁...我真係好心痛....但係我又唔知可以做咩...呢一刻我真係覺得好無助...