那一天，我再遇上了妳: 開學日

我間學校原來係位於城市個中心...姐係佢地所為ge“Downtown"

所以係開往學校ge道路上，我好似翻左中環咁...一座一座ge商業大廈，人來人往ge街道

可惜ge係,街上ge人唔係講緊廣東話，可惜ge係，每座高樓大廈都唔係我認識ge國金，同埋中銀大廈，可惜ge係，呢度唔係我熟悉ge香港

睇黎我開始有"Homesick", 呢一刻我好掛住阿爸阿媽，好掛住青衣，好掛住香港

Kristy：「呢度係唔係有D似香港呢？我第一次黎到Downtown個時都有諗翻起香港，都有諗翻我D朋友，都有掛住我阿爸阿媽..... 」





我：「係....我有小小掛住香港ge...但係可能我無幾個可以交到心ge朋友..所以只係有小小掛住我阿爸阿媽...」

講到呢度，我都開始眼濕濕...

估吾到以前成日覺得阿媽好煩唔想理佢ge我，呢一刻我反而好掛住佢...

Kristy：「唔好咁啦...今日係你ge開學日....你應該好興奮先係嘎嘛....好啦我地到啦...呢度就係我地間學校啦...」

佢用佢隻手指指住左面..哇....學校唔係只係得一棟嘎咩？





我見到呢到間學校，係成條街咁長...就好似香港彌敦道由長沙灣到尖沙咀咁長...

入到學校門口，見到周圍都擺滿氣球，燈飾，同埋海報，全部都係寫住「Welcome to Seattle Central College」

當我想再入學校裡面睇下個時，就有幾個人走左埋黎，佢地全部都著左件黑色衫,上面寫住「Student Orientation leader 」個幾隻字

之後佢地就帶左我去一個Hall裡面，正當我想入去個Hall個門口個時

Kristy：「你入去Orientation 啦...佢地應該會講一個鐘野...我而家去上二樓上堂先...等陣我地係翻呢個門口等阿！記住唔好自己周圍去阿，呢到都幾大下...好易蕩失路嘎...」





之後我就入左去個Hall裡面...可能係因為春季入學ge人都比較小，所以裡面並無好多人...

我對呢D 新生Orientation 都唔係好咁興趣，所以我就坐得比較後，等我可以睇下手機

不過個Orientation成兩個幾鐘先完，當個個咩International Student Orientation Coordinator講完野之後

個班「Student Orientation leader 」就比左一大堆紙我，裡面有巴士路線，學校地圖，同埋個人獨有ge學生編號

個個都開始認識坐隔離個D朋友，有D仲已經拿埋Facebook同埋電話，不過一向我都唔鍾意社交，亦都唔想做個D咩Social king 得我

睇下個鐘，我覺得Kristy應該係出面已經等左成個鐘，因為佢原本以為我一個鐘就搞點

所以我無理到佢地，我就出左門口見到Kristy已經係度等緊

 Kristy：「點阿...聽完佢地講野之後有無清楚D我地呢間學校阿？有無認識到新朋友？」





其實認識到佢，我已經足夠...但係我又點可以甘同佢講阿

我：「無阿...我都唔鍾意Social....喂....唔好講甘多啦..我好肚餓阿...不如我地出去食野咯...好唔好阿?...」

 Kristy：「但係我之後要番黎學校圖書館幫幾個學生補習窩...」

我：「唔緊要,我可以陪你阿...反正我都鍾意睇書ge....同埋我又未去過學校圖書館」

其實我根本就唔鍾意睇書，只不過我今日特別想見多佢幾眼...因為佢今日真係好靚

 Kristy：「但係...我要幫人補到差唔到六點先可以走窩...你會唔會..」

我：「唔會唔會，就咁話啦...你快D帶我去食野啦..我好肚餓阿」





Kristy：「咁不如我地去食日本野啦，好唔好？」

我：「好阿！」

之後我就上翻去佢架車，我地就係咁揸車去間日本餐廳到