【小喬初嫁了】初戀女友結婚前的一場鴻門宴: 第三十七章

「對唔住......乖仔件事，我應該處理得好啲。」溫暖的陽光穿透玻璃窗，照落在病房裡，為沉悶的病房增添幾分生氣。


「係我錯，我無聽妳解釋，我太幼稚。」  我恨那個年紀的我，不夠成熟，不夠成熟去處理問題，結果讓大家都受傷。


「唔好覺得我奇怪，我想問......點解你會知？」  


「程詩柔講嘅。」  她一臉茫然的表情，我不禁好奇問：「做咩？」  






「咁就好奇怪。」


  「奇怪咩？」  


「我同佢見面只有短短幾分鐘，當我知道只有我地兩個出街時，我已經即刻返咗屋企。」 






「你係想講......？」  


「其實詩柔唔係第一次同我講，乖仔有幾好。」她苦笑道。 

 我心裡打了一個冷顫。  

「妳嘅意思係？」  





「我嘅意思係，你太多狂蜂浪蝶跟住你。」她笑說。  


到這一刻，我心裡真的覺得無地自容，竟然聽從其他人的話，傷害到自己的女朋友。  


心裡有一點憤怒。  


大概之前的事.....  


算了，我都不敢去想太多。  






「妳病......會唔會同等咗我一晚有關？」  她還是微微笑，不發一言。  


「對唔住！我搞到妳咁！」我抱著張彩悠，緊緊地抱著她。  


「我都無怪你。」  「但我自己過唔到自己。」


  講著講著，我竟然哭了出來。 


 在女朋友面前哭，糗大了。  






「唔好喊啦。」她摸著我的後腦，安撫道。 


 天，我究竟做了什麼，要她受苦。  

算什麼男朋友。  


「喂。」她拉開我，按著我的雙臂，正視我說：「你唔準難為人。」  


「妳仲咁為人，而家妳受傷，妳畀人搶男朋友。」  


「佢都只係鍾意一個人，不過用錯方法啫。何況......」她雙手撓在我的頸上，水潤的亮眼望著我說：「我知我男朋友唔會離開我，係咪？」  






「係。」我用力地點頭，然後親她的嘴唇。  


「妳知唔知，妳係咩味？」  


「咩味？」  「水蜜桃。」我笑說。  


「咦……你真係好衰。」她打了我胸口一拳。  


「咁你會唔會等我？」張彩悠在病床說。  






「當然會，我一定會等妳。永遠都會等妳，妳一出手術室，第一個就會見到我。」  


「唔係應該醫生護士咩？」  


「我撞開哂佢地！」  


「低B！」  


「我認真。」  她靠在我的肩上，說：「我有啲驚。」  


「唔洗驚，我會係度陪妳，唔會走。」我捉緊她的手。  


「真係？」  


「真係。」 


 「真係真係？」  


「真係。」  


「勾手指尾。」她伸出手指，我勾上。  


「妳知唔知點解人會勾手指尾？」  她搖搖頭，我說：「從前， 有一個公主要嫁人。


因為公主好靚，所以有好多唔同國家嘅王子嚟求婚。 她出咗一條題目，將手放係背後，叫王子估佢舉邊隻手指，估中就可以娶她。


 第一位王子揀咗拇指， 第二位王子揀咗食指， 第三位王子揀咗中指， 公主摑咗佢一巴。」 聽到這裡，她笑了。  


我繼續說：「第四位王子舉咗無名指， 但都係錯。 最後， 第五位王子舉起咗尾指， 公主將自己嘅手伸出嚟， 同王子嘅尾指緊緊勾住。  


結婚後， 王子要出征， 就同公主勾手指尾， 承諾佢一定會返嚟。 但係好耐王子一直杳無音訊。


唔少人勸她改嫁， 公主每次見求婚嘅人，都會舉起尾指。 但無人明白。直到有一日， 一個乞丐嚟到， 公主一視同仁畀佢機會。


乞丐將尾指伸出嚟， 同公主尾指緊勾住， 原來他就係失蹤多年嘅王子。 他們終於相逢， 但第二日王子消失咗。 原來王子已經死咗， 他係為咗實踐勾手指尾嘅承諾， 所以化為鬼魂返嚟。 公主最後搵到王子屍骨， 係佢旁邊自殺殉情。」  


「好慘嘅故事。」 


 「唔緊要，我哋嘅結局會好就得。」  


「咁你要等我。」  



  你要相信 幸福和快樂是結局