<< 那年初夏，我們在微信釣的狗公 >> 再釣一次?: Part 9 第一章 - 帶路人
Part 9 第一章 - 帶路人
依個世界，空無一物，有既只係灰白色既背幕同橄欖緣色既指令浮標。
而我係依個世界就係沈嘉儀。
「嗯…應該係咁樣加人好友，好！我加。」唔知係咪已經代入左「沈嘉儀」依個角色，連講野既語氣都娘娘地，東急阿雪…
【你好友申請已被接納，你現在可以馬上和你的好友聊天了！】
作為一個充滿智慧既策士，當然就唔會貿貿然就亂咁出征，所以我首先最需要既係一班志同道合既「盟友」。而作為引領我這個新生靈魂既帶路人就係聯盟既領路人 – Mandy Sze。
無錯，早係我發現高登既【獵奇】扮靚女玩wechat半日 - 狗公大作戰 果陣，我就已經運用每日得三次既寶貴PM Quota向依位「帶路人」尋求聯繫。
「Hello，你就係霸王別GaY巴打? ^^」瞬間閃出黎既係近兩個月黎都冇見過既親切問侯訊息，外加一個5P微笑符號。
「係…係啊，我係新人黎」可能一剎那間被Mandy充滿善意既問侯同佢WeChat Icon楚楚動人既溫婉美女所衝擊，繳活潛藏係我內心入面既「毒能發動裝置」，我不得不承認，我比佢拋窒左。
「你好，以後叫我Mandy就得架啦，我依加就加你入group，因為目前人數幾多下，所以我加你入新開既三號房先，記住多Ｄ講野交流下『釣厹』心得 ^^」
！？
等陣，我有冇睇錯？瞬間既資訊量太龐大令我下意識倒喘左一淡氣。