<< 那年初夏，我們在微信釣的狗公 >> 再釣一次?: Part 7 第一章 - 容器

Part 7 第一章 - 容器



““…原來沒有…從來都沒有…””

電腦正係度播緊身高高達三十三層威化蘇 - Juno演唱既「沒有人」。







…



“纏綿邂逅…”

……







“完全虛構…”

………



嗚哇，中伏。







真係正正唱出我依一刻既內心，「沒有人」。



無論係fb，instragram，一個人都冇，足以見證我作為一個毒向左走向右走既卓越零社交、成就梁非凡。除左姨媽姑姐，三姑六婆之外，一個「異性」都冇。而作為一個有尊嚴既高登仔，你無理由叫我拎下個月就擺60大壽既孻姑張相上wechat識人ga ma。

唉，唯有轉戰由google同無名小站落手，睇下有冇啦。鍵入正妹一詞，類型應有盡有；純情可愛大波妹，人妻熟女黑寡婦，下刪三千四百字，真係J到笑呵呵！

而「沈嘉儀」個設定係作為一個天真單純既少女，應該要搵嫩口Ｄ既先得…



將鼠漂移向「關鍵分類 - 少女」一行，一click即入。

無數外表靚麗，氣質各有不同既美少女一一映入眼簾。







「哇，暗戀你正啊喂！」



興奮至極點既我，如獲至寶，沉溺係研究邊個先係「沈嘉儀」最合適既容器。情況又如你玩緊online game創立角色一樣，好小心咁微調遊戲中角色每一個髮型、眼晴、嘴脣，甚至是身形。



而到我決定好一個外型討好又合眼緣既「角色」作為容器之時已經到左十點。