《再來一次，然後成為英雄》: 7.莊周夢蝶

「哇，你地做咩喊呀?」肥仔驚訝地說。

 喊? 我哭了嗎? 這麼一說……我還真的在流淚……連星儀都不知何故的哭著……

 「一返嚟就見你地訓著左，依家你地一齊醒仲要一齊喊，唔係有咩事下嘛?」肥仔再問。

 「冇嘢呀。」我跟星儀異口同聲地說，然後各自擦了擦眼晴。

 「我有鼻敏感，成日會流眼水架。」星儀若無其事地說。





 「咁我一定係比你傳染左啦，哈哈。」我說。

 「會傳染架咩?」星儀說

 「唔會架咩。」就在我跟星儀脈神交接的一剎，我們定格了，凝望著對方，我想起了夢裡面的晝面，那個絕美的星儀……

 意識過來之後，我們很有默契的一起別過了臉，靜侯班主任節的到來

 星儀嗎?  不可能吧，我喜歡的只有詩詩，從前是，現在是，將來都是……





 大概是最近跟星儀交集太多才會發這種怪夢……

 一定是。

 「各位同學，岩岩係早會都聽到我地班會有兩位新老師嚟頂替突然辭退嘅中文科Miss Chan同中史科嘅黃sir。我地請兩位老師介紹下自己先。」

 掌聲如雷貫耳，兩位六尺高的男神級的新老師走進了課室……


 一個是留著日系的中長髮型，樣子像是山下智久般，戴著手工雕刻的木框眼鏡，穿著裇衫馬甲……而且不難看出裇衫藏著一副結實精壯的身體。「各位同學你地好，我叫莊子周，係呢一年會教你地中文。希望道化大家嘅思維，令大家精進於學業。」






 另一個留著一頭咸爺的髮形，樣子像是年輕的華仔一樣，穿著純白的T加上條緊身的運動長褲和飛人鞋。將他有如羅馬雕像般的身體完美的呈現。

 「Hello，我叫公孫有熊，會教中史同兼任藍球隊教練，希望大家嚟緊一年玩得開心，考試又滿分啦。」

 雖然大概都猜得到他們會易容進來學校，可是這也太高調了吧!

 班上的女同學完全是好似坐演唱會握手位嘅追星少女，差在冇大叫咋。

 但能被莊子教中文，黃帝教中史，我們也算三生有幸了。

 不竟，黃帝是統一華夏的第一位王，文韜武略，制定黃帝內經等中醫的聖典，逐鹿之戰中發明了指南車大敗蚩尤，平定了中原，是中華文化的起源。

 而莊子則是道家的開宗祖師，一生尋道，以無法，無為的思想為核心，開創了一套只能心領不能言傳的宇宙觀，個人認為道家思想是九流十家中最為出世，而且前衛，與五千年後的今日的某些哲學論述都有不謀而合之處。





 兩人都是曠古爍今的歷史巨人，能成為他們的門生，真的很不可思議。

   可是，昨夜的通宵使睡意戰勝了我的求知慾，在中文堂時，儘管莊子說書的確是頗引人入勝，但我最終還是耐不住睡意而呵欠連連。

 我極度懷疑要穿過結界其實是會對精神造成很大負擔，才通一晚宵應該不會有這樣累才對。

 就連星儀也在甘甜的睡著，微紅的臉頰安穩的枕在臂上。在不鬥氣時，她其實很美艷動人，看著她的睡容，我亦很快的沉進了夢鄉。


 在夢中，我看見了星儀還有老年的莊子，奇怪的是我知道這是夢。

 「你到左啦。」說話的是老年的莊子

 「呢度係？」我問





 「莊周夢蝶呀，老嘢特別鐘意訓覺，仲要拉埋我落水。」星儀說罷伸了一個大懶腰。

 「呢個係我整出嚟嘅夢境，係我夢見你地亦係你地夢見我。教緊書嘅只係我做出嚟嘅術式，用嚟帶你地入夢。」

 「原來莊周夢蝶係咁解架？」

 「凡事都有無限嘅演繹方式，其實唔需要執著於某一種，隨心而行，隨道而至，其實唔洗思考太多目的同解釋。」莊子玄妙地答道。

 「我知呀，無為而治呀嘛，要倡善已經代表惡，要倡道代表你未悟道，道係只可心受而不能言傳係咪。」係莊子面前拋書包，我應該係痴左線。

 但莊子只是微笑點頭。

 「不如入正題啦，斷估你唔係叫我地入嚟同你傾道理掛？」星儀不耐煩地說 





 「星儀姑娘，老衲有負於你，你要恨亦無可厚非，不過我希望，你可以幫我訓練隨心，當幫我亦係......」

 「得啦，你唔洗再講落去，我唔幫嘅，一早走左啦，但有時心裡明白唔應該恨，係咪就可以唔恨？心知不應愛，難道就能不愛？ 所以你繼續啦。」星儀神情有點奇怪的說

 到底佢地之間有咩過節呢，星儀到底何方神聖？

 「咁我講返正題，隨心，聽日開始，你要練好三樣嘢。

 一，內功，將你嘅能量俗稱氣，鎖於體內，聚於丹田，然後跟隨經流轉於全身。而唔係由得啲能量四散，所以你要打坐，深呼吸，感受身體嘅氣，控制佢。

 二，體魄，以後子時一定要訓，卯時要起身，練一套五禽戲，然後打坐到返學。

 三，武術，首先要學識基本嘅拳法，討術，然後選擇一樣適合嘅武器。

 呢三樣嘢都會由黃帝教你，而待時機成熟，再進入下一步。」





 「明白，但我驚我會起唔到身喎，酉時即係五點咋。」

 「放心啦，我自有辦法。」


 叮噹叮噹喎叮叮叮噹

 下課的鐘聲響起，我跟星儀亦隨之醒來......