《再來一次，然後成為英雄》: 3.差一秒

鐘聲響起小息的訊號，然後晨哥向我打了一個眼色，一個我已然睽違左十幾件嘅眼色，打波嘅節奏。

 但當我落到球場，我發現大家嘅動作都好慢，而我身體嘅狀態進化到一個不可思議嘅地步，我意識到我再唔係普通人呢個事實，因為只要我想，腳上嘅紅光就會幫我加速突破，如果集中精神防守，紅光自然會集中係眼，對方嘅動作就會好似放慢左一樣，我真係好鍾意打籃球，但我唔鐘意用外掛屈人機，只有籃球我唔願意勝之不武，偏偏而家嘅我係外掛本身……

 「哇，心仔你勁左咁多嘅，今年學屆冇得輸啦。」肥仔興奮地說

 係呀，而家嘅我去打學屆真係冇得輸呀，但，咁樣打波開心咩? 公平咩? 我有啲唔想再打波了……

 然後小息完左，我返左上課室。然後放空左成日……一直到放學都唔知道。





 然後有人拍左我膊頭一下，我抬起左頭，有一個人坐左係我對面，係……「詩詩?」

 「做咩一個人係度發呆呀，唔開心?」

 「我個樣好唔開心咩?」

 「你個樣開心咩?」詩詩拎左塊鏡出嚟，反射著我個死人樣，直頭係好似死老豆咁樣。

 「又係好似幾唔開心喎。哈」





 「講出嚟會唔會舒服啲? 先從你暈低之後好似成個人變晒，粒聲都唔出咁，唔係身體有事呀嘛?」詩詩好似好擔心咁望著我。

 「冇事呀，我諗緊詩詩小姐做咩咁擔心我啫，你唔好鍾意我啦。」我擠出一個嬉皮笑臉我樣子

 唔想再繼續呢個話題啦。

 「請不要自作多情去做夢。」每次詩詩唔知點應嘅時候佢就會唱歌，呢點無論係邊個時空都係一樣。

 「試下唔好唱啲老過你嘅歌。」 





「舊歌先正呀，都唔識嘢嘅，哼!」 

「喂，不如你彈琴比我聽呀。」我指著課室後面嘅電子琴，每次當苦惱失意，我都總係鍾意叫詩詩彈琴比我聽，呢個已經係我長年嘅習慣。儘管對而家嘅詩詩而言今次可能係第一次彈比我聽。 

「下，我驚你會聽到愛上我喎。你唔好鍾意我啦」口裡說不嘅詩詩已經set好左係電子琴。我就知道詩詩唔會拒絕我，就算時空唔同，詩詩都係果個詩詩，變嘅大概只有我。 
三人一排的座位剛好能放上電子琴，詩詩開始左佢嘅演奏，好專注，好有魅力。 

冷咖啡離開了杯墊 我忍住的情緒在很後面…… 

不能說的秘密……睇嚟詩詩嘅秘六感都幾準…… 

詩詩嘅琴聲令人有一種得到慰藉嘅感覺，一直處於緊張狀態嘅我都開始放鬆落嚟。 

唔知我原本嘅時空入面，我父母點呢? 我……… 好似一直都逃避緊思考我原本嘅世界……詩詩…… 





原本嘅時空入面，我同詩詩一直都係處於呢種會互相打鬧五相關心嘅朋友關係，我一直鍾意住佢，又咩都唔敢做，而詩詩係大學畢業之後終於都經歷左佢嘅初戀，好似童話一樣同初戀一直走到結婚。一直到佢仔都生埋，我都依然係佢嘅藍顏，甚至連佢老公唔知嘅我都知，一個稱職嘅守護天使，無膽匪類，走不開拉不近…… 

不經不覺我開始凝望著詩詩，佢身上紫色嘅光映照著佢專心彈琴的神態，你那美態已叫我醉倒…… 

詩詩好似注意到我嘅視線，不經意間變成我倆對望著。 

有人話一對男女可以對望超過五秒，就代表佢地有機會愛上對方，如果係真嘅，我同詩詩應該可以愛到海枯石爛都嫌唔夠。 

背景嘅琴聲由不能說的秘密變成Nothing gonna change my love for you ，我地嘅頭愈哄愈近，一直到我地彼此都閉上眼…… 
「各位同學，而家已經係五點四十五分……」不識趣的廣播響起………呢一刻，我只係想折左間學校佢。 

只差一點點，我就可以踏出我十幾件嚟都唔敢踏出嘅一步……天啊，你叫我而家點收科呀? 

「我要返屋企啦」詩詩面紅紅咁衝左出課室 





話要返屋企但連書包都冇攞………好可愛。 

然後，佢低著頭咁行返入嚟，因為太尷尬所以我決定扮執嘢，然後佢拎走左個書包，呢次真係走左。 

大概只有同詩詩一齊，我先可以忘記自己嘅煩惱，因為唔用盡全力去感受同詩詩相處嘅一分一秒都係世界上最浪費嘅行為。 

回想起剛才差點兒就成功跟詩詩接吻，我依然緊張又害羞得七上八落，心如鹿撞，完全沉醉於這夢幻的餘悸，如果剛剛沒有廣播該有多好呀……