《再來一次，然後成為英雄》: 1.第二人生

步入校園，感覺就好似返左自己屋企一樣，校園這班房這走廊這禮堂告別時可能真係我心的家鄉 

我變左小說男主角咁樣，返左去過去......講真，我真係唔信上帝咁得閒禁錯制，空穴來風事必有因，但呢個因係咩呢? 我一定唔會知，所以既來之，則安之啦。 

中三嘅我係點嘅呢？講真我都唔太記得，唯一記得嘅就係中學嘅我係最開心嘅我。 

「喂心仔，冇見一排大隻左喎」講嘢果位叫晨哥，中學男神，藍球隊隊長，讀書仲要勁，但十年後做左保險佬搞到冇曬朋友。但中學時期佢係我最好嘅兩位朋友之一。心仔就係小弟啦，我叫葉隨心呀，hello。 

「講呢啲？」 





「唔講呢啲講邊啲，BTW，今年你女神同你仲有我同肥仔都同班喎，去馬啦。」 

「係咩？」其實我一早知啦，中三到中六我地都會同班，但當時無知傻孩子嘅的我一直都淆底唔敢踏過朋友果條線，咩留係最佳位置做守護天使，諗起都覺得自己On9。 
「就講就到，肥仔hi~」 


「喂，心仔晨哥，好耐冇見」呢個肥仔，係未來嘅男神，但我地一路都凈係叫佢肥仔，中學摯友其之二。 

其實開學嚟嚟去去都係果啲啦，最期待都係同邊個一班仲有同邊個坐啫。 





聽完校長廢話完一輪之後終於可以上班房。 

「各位同學，今日有一位新同學加入我地班，同學你入黎介紹下自己呀」

 「哇~~~~~~~~~~~~~~~~~~~~~~~~~~~~~~~~~~~~~~~~」全場男士都目定口呆地注視著那位新同學，我地班又多左一個女神 

佢天然的啡髮，精緻的五官，170的身高，完美的身材，有一種難以言喻的神聖氣質，不折不扣的超級美女，重點係我唔識佢呀……

 「我叫劉星儀，興趣係唱歌。」唔知係咪我錯覺，仲覺得佢一直望住我，而且我記憶中根本就冇插班生，冇佢呢一個人…… 





然後佢坐左係我隔離，對著我微笑左一下，正常嚟講我應該會好開心，但因為佢太特別啦，搞到我有啲驚。 

「葉隨心你負責照顧新同學啦」老師一嘢射左個波比我，完全冇理過我感受。 

同時，班上面果堆賀爾蒙上腦嘅男仔亦都對我報以葡萄嘅眼光，這些機會…… 

而因為我心裡心裡有個迷，所以不自覺咁望住左佢，其實真係幾靚仲好似有種一見如故嘅感覺，明明佢應該係最陌生嘅人。 

「你咁望住我，我會怕羞架，我知你有好多問題，但你等今日放左學先啦，到時我慢~慢同你講 ~」星儀在我耳邊輕聲講完之後向我耳朵吹左一啖氣。 

A0嘅我，當然係面都紅曬同覺得超有古怪啦，但暫時都係扮住聽書先啦。到底佢係天上嘅使者定係地獄嘅魔鬼?  
而因為開學係返半日，所以好快就放學，然後我跟住星儀去左一間糖水店。 

「我知你係一個死廢中穿越返嚟。」星儀一下直中紅心。而且語氣好似換左個人一樣。
 我當然唔知比咩反應啦。





然後佢繼續講:「我嘅出現係因為要提醒你，未來係可以改變，世界係有蝴蝶效應，而如果你改變世界太多的話冇人會知後果係咩，所以由今日開始我會監視住你，防止你令到呢個時空暴走。」 

「咪住先，你點會知我唔係而家嘅我先? 你到底係咩料先?」我好似有啲語無倫次。 

「秘密~」佢又係我耳邊講啦，我又面紅啦  

其實蝴蝶效應呢樣嘢我又點會冇諗過呀，一下拍翼只要經有系統嘅放大可能會引發龍捲風，而時空系統係點運作冇人知，即係話我而家打個飛機都隨時會射到世界末日啦，咁講真其實唔到我去擔心，一切都係神嘅安排，如果要我行返舊路，做一個廢青，同叫我中左六合彩唔拎係一樣咁on9。 

「放心啦，你咩都唔做我仲驚呀，但如果有啲嘢我提你要做或者叫你唔好做嘅時候，我想你聽我講，我收到嘅命令係要係你身邊輔導你，希望你信我係嚟幫你。」 
你問我信唔信佢，我可以講其實我冇得選擇…… 

「講真由你知道我唔係中三嘅我開始，我都冇得簡啦，我又唔知你後面有咩人，一陣比神秘組織追殺我咪大獲，所以我地合作愉快啦」 






「哈，果然係原成年人，不過你諗太多啦，我唔會比你有事架知嗎?嘻嘻，聽日見啦」星儀做了一個手槍嘅手勢，指向我扮開了一槍然後就轉身走了 
就係咁，我嘅第二次人生有左一個全新嘅開始……