[突發][唔係蛋黃哥]大撚鑊_我一起身發現變左做粒蛋黃: （二十七）
回到房間後，我和阿爾靜靜的待在房間中。
「我……我地應該點做？」我問。
「等！我地唯一可以做嘅就係等！」阿爾說。
「吓？等，點……點解仲要等呀？我地都入左黎啦？」我驚訝的說。
「無錯，我地的確係入左黎瑪門嘅空間，但係，果D俾佢收伏左嘅靈魂，係呢個空間入面嘅另一個空間！因為果個空間嘅能量太強大，即使我係天使長，都無辨法入到去！」
「吓？咁我地可以點算？萬一佢地最後都出唔到黎咁點呀？」
「我已經同你講過，呢點要睇佢地嘅造化！但係，既然陳小明有個咁特別嘅身分，我估佢地應該會無事嘅！依家我地要做嘅，就係係呢間房耐心咁等佢地！如果佢地成功逃走嘅話，我相信佢地會選擇通往呢度嘅道路！不過，為左以防萬一，係其餘嘅房間，我都派左自己嘅分身過去！呀，你行埋黎先！」
阿爾向我招了招手，我乖乖的走到他的身旁。
只見他舉起右手，伸出了兩隻手指，在我頭上轉了數圈，口中發出一些我聽不到的音節！
我只感到自己體內一陣暖然油然升起，慢慢遍佈全身。
只見我左邊身發出淡淡的綠光，右邊身則發出淡淡的紅光，跟阿爾的眼睛顏色一模一樣。
「發……發生咩事？」我驚問。
「你應該記得之前你見到瑪門嘅時候係咩感覺架啦！我岩岩將一部分嘅力量分左俾你，咁你就唔會因為見到瑪門而導致神經錯亂！同埋，呢間房已經係我嘅控制範圍，記住陣間無論發生咩事都好，你只要係我身邊我就可以保護到你！」
「咁……如果佢地真係出返黎，我地跟住要點做？」
「首先，要逃離瑪門嘅結界！但係，因為上次有人成功走甩，所以瑪門應該再次改變左出口嘅位置！而我頭先已經試過去搵出口位置，但……暫時未有發現！」阿爾帶點不安地說，弄得我也有點不舒服。
「但頭先黎呢個空間，都係經過呢間房，唔通我地唔可以係呢度走咩？」我不解的問。
「入口同出口係兩個唔同嘅概念黎，好難解釋俾你知，總之出口只會得一個地方！仲有，陣間如果陳小明同你細佬出現，你一定要保持鎮定，我地要爭取時間搜索出口位置，係瑪門未發現之前離開呢個空間！」
「保持鎮定？」
「係，佢兩個嘅形態……會有所改變！到時你要即刻接受呢個係事實！之後就要走架啦！」
「點解要走……你唔係天使長咩？唔可以即刻收拾佢？」我問。
「關於呢點……」阿爾的話說到一半，房間的冷氣機突然發出強光。
────────黃于珊視點結束，切換回陳小明視角────────
「于強，跟住我地點算好？」此刻，我已經跟黃于強走進了廢棄雞蛋的通道，實行逃走大計。
「跟住我都唔知，只能夠見步行步！但既然之前663同664號係度成功走甩左，我相信前面一定有路逃走！繼續行啦，唔好講咁多啦！」于強催促著我。
我跟于強了解整個空間和逃走的計劃後，便立即動手找尋必要的道具！
不知道是否因為有人曾經成功逃走，監視的情況果然嚴重左好多！
我們兩人，花了不少時間，才能在紅點的地方找到兩張黑色卡紙！
中間發生了一些小插曲，但幸好平安的渡過！
然後，來到廢棄雞蛋通道時，大約過了十分鐘（純綷體感時間），發現仍是一望無際的通道，所以我才對于強作出詢問。
「呢條路明明係落斜，點解行得咁辛苦架？」我抱怨說。
「我地差唔多成日無休息過，又不斷咁行，攰都正常嘅！駛唔駛停低抖下？」于強問。
「我都想停，但又唔知你仲有幾多時間，又唔知有無追兵，唔好搞咁多啦，繼續行啦！」
「小明……多謝你！」
于強之所以對我說多謝，是因為他和我所擁有的時間並不相同！
甚麼時間？
就是黃于強能保持人類意識的時間！
原來被抓進來的人類，他們變了雞蛋，即使不逃走，也不去反抗！
漸漸地，他們的人類意識都會失去！
而根據于強所言，將近失去人類意識的人，會不斷夢見以前的事情，而夢見的東西會慢慢的從腦海裏消失！
于強最近發夢的次數愈來愈頻密，雖然不知道還有多少時間，但絕對不容許再這樣浪費時間了！
又走了十分後，面前仍是一望無際的通道，仿佛沒有盡頭似的！
「你話呢條通道係處理D廢棄雞蛋，但無理由咁耐都去唔到目的地架？」
「的確係有D奇怪！」于強陷入沉思之中！
「呀，我知啦！」于強忽然大聲說。
「哇，差D俾你嚇撚死！你諗到D咩呀？」
「呢條通道本來就係處理一D唔識再活動嘅雞蛋！佢地其實係以雞蛋嘅狀態進入呢條路！」
「咁又點？」我不明白他想表達甚麼！
「好簡單者，呢條通道咪斜嘅！我地只要收返埋D手手腳腳，變返隻雞蛋，應該就可以好快咁行完呢條通道！」于強興奮的說。
「吓？真係要咁？會唔會撞爆架？」我真有點擔心爆殼而亡。
「咁行落去，我驚條通道會移開左，咁到時就大鑊！唔好諗啦，點都要搏一搏！」于強說著的同時，已經把手收進殼裏了！
「咁……咁……唉，是旦啦，試就試啦！」我也把手縮進殼裏，準備切底變回一隻雞蛋！
「好，準備啦，我數三聲就一齊收起對腳！三，二，一！」
話音剛落，于強和我同時收起雙腳。
由於雙腳不見了，我們突然變成飄浮在半空中，地心吸力使我們都撞在地上！
然後，只感到自己開始轉動著！
媽的，這種感覺真的不好受，我感到天旋地轉，快要把體內所有東西都吐出來了！
果然，這通道非常之長，即使在滾動狀態中，我們也經歷了非常長的時間，才感到自己被拋出通道外！
由於那種暈眩的感覺仍在，所以一時間還沒有辨法張開雙眼！
我只感到自己從一個非高的地方開始摔下，我是要摔死了嗎？
我感到自己撞到一個非常軟綿的地方，把大部份的衝擊力都吸收了！
然後，我聽到旁邊傳來一些聲音，大慨是于強吧！
待了好一會兒後，我總算可以張開眼了，眼前的景像把我嚇了一跳！
我身處的地方是另一個紫紅色的空間，而這個房間只有兩條運輸帶！
而運輸帶下面則是像溶岩般的東西！
由於這條運輸帶不斷向前推進，我快要被送進一個黑色的洞裏！
我只好馬上跑到于強旁邊，把他喚醒！
「醒呀于強！醒呀！」我搖晃著他的蛋殼說。
「咦？咩……咩事呀？我地依家係邊？」于強張開了雙眼，看著四周的環境，呆呆地問。
「你醒左就好啦！唔好講咁多，快D伸返晒D手手腳腳出黎，我地要向前跑啦！如果唔係，就會俾呢條運輸帶運左唔知去邊架啦！」我對他說。
于強看了看我，也不多想便把四肢伸了出來，和我一起跑向前方！
「嗄！嗄！呢度又係咩地方黎？點解會有運輸帶同溶岩架？」于強問。
「我都唔知，我一醒返就見到個環境變成咁啦！我怕陣間又唔知碌左去邊，所以叫醒你走過黎先囉！」我說。
我們兩人不斷看著四周，不知道應該怎做才好，突然，我們看到有些東西從高空中掉在運輸帶上！
仔細看了一看，是雞蛋！上面還印有610，611等編號！
「睇黎佢地已經『完成』工作！」于強無奈的說。
「可惡嘅瑪門！」我看著那些腐爛的雞蛋，內心充滿了憤怒。
然後，只見又有一些奇怪的東西掉了下來，看起來像是食物殘渣似的。
「咦？果D係咩黎架？」我感到奇怪。
「果D係我地嘅排泄物！估唔到D排泄物都係經呢度處理！」
「吓？你地變到咁都仲有得屙屎架？」我完全不能想像。
「我地外形雖然變成咁，但係一樣有人類時嘅需要！我地要食野，要飲野，要屙屎好出奇咩！仲有，我地一樣有其他慾望，連性慾都有架！只係因為無女，所以先無人亂黎！」
「哦，唔怪得瑪門淨係捉男人啦！」我恍然大悟。
「小明，你睇！」于強指著那些排泄物對我說。
「屎有咩好睇呀？」我無奈地轉過頭去看。
只見那些排泄物，在掉在運輸帶上後，竟慢慢的運輸帶推向溶岩！
當那些排泄物接觸到溶岩時，瞬間化為虛無！
「睇黎，我地都係小心D，唔好跌落去先得！」我驚嚇的說。
「不過，我地應該點做好？呢度得兩條運輸帶，一條就係運D爛雞蛋走！另一條就唔知通去邊！」于強帶點無奈地說。
的確，我們究竟應該如何選擇才好？