[突發][唔係蛋黃哥]大撚鑊_我一起身發現變左做粒蛋黃: （二十六）
「破綻，究竟係咩破綻？」我緊張的問。
「就係陳小明！」阿爾說！
「吓？我唔明喎？」我完全理解不了這是甚麼情況！
「陳小明嘅出現，我估應該係衪嘅安排！果日係西九龍見到陳小明果陣，我就知道佢係特別嘅！相信瑪門已經發現到，所以先強行破壞契約內容，將佢嘅靈魂囚禁！但佢呢一個舉動，已經構成足夠嘅條件，我終於可以出手啦！」阿爾蠢蠢欲動的樣子，大概他真的忍了很久吧！
「咪住先！你愈講我愈唔明！陳小明唔係普通人咩？成件事關佢咩事？仲有，魔鬼都願意用咁長時間去捉人嘅靈魂，點解唔等多陣，反而破壞契約去捉陳小明？」我問。
「既然我都解釋到呢個地步，都不妨話俾你知！瑪門呢個計劃，其實曾經走失過一個靈魂！而果次走失嘅靈魂，令佢嘅計劃起左變化，時間亦都縮短左好多！再加上陳小明嘅身份比較特殊，所以佢先會破壞契約去捉小明！」阿爾解釋。
「我都係唔明！」我搖了搖頭。
「咁等我由瑪門計劃出現失敗嘅果一刻開始講啦！首先，瑪門總共擁有七個呢D用黎捕捉靈魂嘅房間！每間房間嘅契約條件都唔同，而身處嘅呢間房，係捉一D負面能量比較強嘅人類！所花嘅時間亦係最長！而由於呢間房嘅處理時間長，瑪門對呢度嘅看守會比較少，亦因為咁，果D俾佢捉走左嘅人，先有機會逃走！你細佬本來係作為第666個靈魂而俾佢捉左嘅！但係，非常幸運，當中有一個人，成功係瑪門嘅空間下逃走左並解放左自己嘅靈魂，所以陳小明先會成為最後一人！」阿爾解釋。
「有……有人逃走左？即係話，小明同我細佬都有機會走返出黎？」我充滿希望地問。
「呢層好難講，要睇佢兩個嘅造化！講返先，由於你細佬係第666個靈魂，所以當時可以話係毫無辨法，只能夠睇住撒旦復活！而誓估唔到，居然逃走嘅過程之中，能夠有兩個人走到出黎！而兩個人，更加將瑪門吸收靈魂能量嘅工具──『魔鬼之羽』拎左出黎！由於魔鬼嘅能量唔可以隨便曝露係人類世界，一旦曝露係人類世界，我地天界嘅天使就可以出手！當時，呢楝大廈方圓差不多三百平方米，都係處於瑪門嘅結界，所以果個空間並唔算係人類世界！於是，我做左少少野，去幫助其中一個人類走出左結界！原本我嘅計劃係，果個人類逃出結界之後，順手帶埋『魔鬼之羽』出黎，咁我就大條道理去對抗瑪門！而瑪門原來已經察覺左我嘅意圖，雖然佢無辨法將果個人類捉住，但已經足以回收左『魔鬼之羽』能量！我無辨法收拾瑪門，但都算成功拖住左佢復活撒旦嘅計劃！」阿爾說。
「點解你淨係救一個，而唔係救晒兩個？仲有救出黎果個又係咩人？」我問。
「當時嘅情況只容許我救一個人Ja，無辨法啦！救出黎果個人你都識架，咪坤叔囉！救左佢之後，我都有叫佢幫手留意下D人，估唔到真係會搵到陳小明！我相一切都係衪嘅安排！」阿爾作祈禱狀，感覺非常神聖。
「但係……我聽小明講，佢日日都係茶餐廳見到坤叔，無理由佢會消失左無人知架？」我想不明白。
「其實你都應該親身體驗過！對魔鬼或者天使黎講，要改變人類嘅記憶同認知唔係咩難事，而且有需要時，我都會咁做！點都好，坤叔嘅逃走，徹底打亂左瑪門嘅計劃！除左令到力量外洩之餘，更加令佢嘅計劃面臨失敗！」阿爾說。
我心中突然想起，自己竟然會忘記了弟弟的事情，這實在是太可怕了！
但阿爾竟像沒有甚麼的，這就是人類和人外之物的分別嗎？
「就係因為走左一個人所以令計劃失敗？會唔會太兒戲呀？」我質疑他說。
「其實一D都兒戲，你估魔鬼咁大嘅動作，祂真係一D都留意唔到咩？只係無犯錯下，祂唔會做任何野！而且，人類世界係祂嘅庇護之下，魔鬼又好，天使又好，係無辨法發揮全部力量嘅！所以，瑪門創造一個咁大嘅空間，用黎吸收人類靈魂，用嘅除左佢嘅力量，仲必需附大強力嘅條件限制！相信，維持結界嘅最大效能，就係必需確保無人會離開佢嘅空間！我相信，如果再有多一個人成功逃走，陳小明同你細佬就唔需要我出手，都可以返返黎！」阿爾說。
「我大致上明白你講嘅野！不過，既然你話瑪門破壞左契約，咁你仲係度等咩？點解唔直接出手救返晒D人，同消滅瑪門？」我搭著阿爾的肩膊，仿佛看見他已把我弟弟和陳小明帶回人界的樣子。
只見阿爾搖了搖頭，臉上露出一副難以理解的表情！
「你搖頭者係點呀？你又話瑪門破壞左契約你就可以出手嘅？咁仲等咩呀？」我激動的說！
「于珊小姐你冷靜D，我唔係唔出手，係出唔到手者！」阿爾無奈地說。
「又點呀？神又係你鬼又係你！又話可以出手但出唔到手，係咪玩野呀？」我真的動怒了！
「冷靜D，唔好咁衝動住！你仲記唔記得，之前黎呢幢大廈，周圍係咪無人架？」阿爾說。
「係……係又點呀？」我回想了一下，確實，之前不要說住戶，基本上連蟑螂也看不見一隻。
「其實之前果幢大廈，就係瑪門創造嘅空間，要出手都要去到果個空間先出到！」阿爾說。
「咁仲係到等咩呀？仲唔去？」我怒道。
「唉，小姐你D脾氣真係，同你個靚樣一D都唔襯！好，你合埋眼先，我依家帶你入去！」阿爾說。
我乖乖的閉上眼，希望再次睜開時，能夠看見弟弟和小明站在我面前！
「好啦，你可以打開眼啦！」阿爾說。
我慢慢的張開雙眼，仔細觀察四周，沒有，甚麼也沒有改變！
「阿爾，搞咩呀？點解咩都無變架？你係咪玩我呀？又話要去瑪門個空間？」
「都叫你冷靜囉！唉，你自己出去，上天台睇下就會明架啦！
」阿爾無奈的說。
我馬上離開房間，跑上天台！
在跑上天台途中，我隱約感覺有點不同！
然後，來到天台門前，我知道，這裏是瑪門的空間！
我發現，天台的門再沒有被焊死了！
我推開了門，更加確定這裏是瑪門的空間！
因為，當我踏入天台時，我是如何被瑪門襲擊的記憶，全都回復了！
那天，我追到上天台後，瑪門其實已經知道我在追踪他！
他引誘我到天台後，露出了魔鬼的真身！
那強大的壓力和可怕的外貌，我怎可能會忘記的？
他慢慢的接近我，由於我完全動不了，只見他伸出右手，食指上那長長的黑色手指甲，把我的頭貫穿了！
然後，我便暈倒並失去了一部份的記憶！
這些記憶回復的同時，我的頭感到異常的痛，不自覺的跪在地上！
太可怕了，那時的親身體驗實在太可怕了！
「于珊小姐，你應該拎返你嘅記憶啦！有無唔舒服呀？」阿爾慢慢的走向我，用右手搭在我的肩膊上，我感到整個人都放鬆起來！
「我……我無事！瑪……瑪門原來係咁……咁恐怖！」雖然頭痛的感覺消失了，害怕的感覺是緩和了，但身體的顫抖還是止不住！
「呢度係佢嘅空間，佢嘅力量同係人類世界顯示嘅係完全唔同！所以你仲保持到意識已經好好！好啦，你確認完呢個係瑪門嘅空間啦，我地要快D返去房入面，如果唔係錯過左時間就慘啦！」阿爾對我說完後，便慢慢的走向樓下。
我看了看懸掛在天空上，隱隱滲出紅光的月亮，心中不安的感覺變得愈來愈強烈！
我實在不能再待在天台了，我轉身追著阿爾的背影，回到小明的房間中！
回憶起瑪門的可怕後，此刻，我只想事情快點完結！
弟弟，小明，求你們快點回來吧！