[突發][唔係蛋黃哥]大撚鑊_我一起身發現變左做粒蛋黃: （二十二）
當我被困在那個白色空間裏的時候，人類的世界也發生了一世事情。
────────黃于珊視角───────
由於這數天發生了太多事情，使我感到非常疲勞！
昨晚和Vicky通完電話，約好了小明之後，便不敵睡意的侵襲而睡著了！
第二天起來時，我卻發現小明給我的最後一個訊息！
「我頭先見到王馬」
「吓？咩呀？佢見到王馬？」我心裏這樣想著，感到有點奇怪。
於是，我馬上致電給小明。
「你所打嘅電話暫時未能接通，請遲D……」
奇怪，為甚麼沒有人接聽？是還沒有醒來，還是……
突然，我的電話鈴聲響了起來！
「喂，小明你醒啦？」我隨手拿起電話便接聽了來電。
「Morning Sharon，我唔係小明呀，我係Vicky！」電話那頭傳來我好友的聲音。
「噢，Vicky，唔好意思，我無睇到來電顯示！係呢，係咪有結果啦？係嘅話我即刻過黎你度！」我問。
「Oh，結果係有啦！不過，我覺得有D奇怪！」她有點不確定的說。
「有咩奇怪？唔緊要，我依家都係住係旺角酒店，你等我五分鐘，我馬上過黎！」也不待她回應，我便掛斷電話，快速的梳洗了一下便出發了！
「Vicky！」我來到化驗所，一下子推門進去了。
然後，我只看見Vicky坐在化驗室外，看著一份又一份的報告，表情有點奇怪！
像是有點怒意，又像是不太能相信眼前的結果似的。
她注意到我的到來，卻沒有跟我打招呼，只是死盯著眼前的報告！
「Vicky，結果出左黎啦？」眼前的Vicky異常嚴肅，我也不敢多言。
她放下了手上的報告，用淩厲的眼神看著我！
「Sharon！你知唔知尋日D粉末究竟係咩黎？」
「吓？我唔知呀！我就係唔知先黎搵你！」
「你同尋日果個男仔咪話呢D粉末係佢身上剝落黎，但係……根本無咁嘅可能！」
「無可能？點解你咁講，果堆究竟係咩黎？」
「你自己睇下呢份報告，個結果好簡單，你會睇得明！」
我接過報告，看著化驗分析和結果一欄，我也不太能接受這樣的結果！
「主要成份係CaCO3同Protein，化驗結果，同雞蛋殼有99.9%吻合？唔係卦！」
「Sharon，come on！你同果個男仔係咪想玩我？我尋日仲好俾心機咁整好左唔同嘅測試，點知結果只係化驗時間唔駛一個鐘嘅雞蛋殼！What the fuck！」
Vicky看起來有點動怒。
這也不能怪她，因為我也有點被騙的感覺！
陳小明會不會欺騙了我，所以今早才沒有接聽我的電話！
但是，冷靜下想想，這實在是不太可能！
他做這些事情對他沒有好處，而且，自從回復了對弟弟的記憶，我也記起了弟弟給我的訊息，他也有類似的情況發生在他身上！
可是，我又應該怎樣解釋眼前的結果呢？
「咪住，Vicky，我唔熟化學亦都唔熟悉人體嘅病理！就你嘅認知，有無機會人體係會產生呢D物質？」
「人體嘅結構雖然複雜，但印象中暫時未有案例出現過，係人嘅表皮會產生出呢D化學物質！」Vicky搖了搖頭，表示沒有可能。
「咁樣，你有無Check到呢D粉末沾有人體皮膚組織？」
「有！但呢個唔足以證明真係皮膚上脫落黎！因為係執拾呢D粉末嘅過程中，無辨法證實佢有無戴手套去執呢D粉末！而且，要加入人體皮膚組織有好多方法，並唔係咩難事！」
「咁樣……」我也再找不到任何理由去解釋給Vicky聽，但……我深信小明和我弟弟不會騙我！
「不過……」Vicky拿著手上的報告，露出了很困惑的表情。
「係咪有咩發現呀？」我問。
「可以咁講，但……又唔可以咁講！」她看來真的非常不確定！
「Vicky，無論個結果幾荒謬都好，我都會接受架！因為係我朋友身上發身緊嘅事，並唔係一般嘅常理可以解釋嘅！」
「其實……我原本真係覺得你地係呃我，但係……我係化驗結果入面，發現左一D無法分析嘅物質！」Vicky不解的說。
「無法分析？者係點？係指呢樣野唔存在係地球？定從未有發現過？」我緊張的問。
「唔知，可能只係我呢度嘅儀器分析唔到！但係好神奇，呢種物質，係每粒白色粉末上面都有！而佔嘅成份都好特別，係0.666%！我頭先不斷去試，無論我用幾多嘅粉末樣本都好，出黎嘅結果都係0.666%！而我嘗試滲入其它唔應該有呢種物質嘅野入去，出黎嘅結果竟然都係一樣！」Vicky不能相信的對我說。
「咁即係代表左……」我不太明白她想表達甚麼！
「即係話，呢種物質，會自我改變佔有比率，從而令到每次嘅比例上面，都係0.666%！但……呢個係無可能！你可以想像下，一杯水入面，你落一粒糖，同十粒糖，糖佔有嘅比例就會隨之而改變！我實在不能夠想像！」
此刻，我總算明白她為何這麼困惑了！
如果繼續調查下去，應該能查出些甚麼吧！
「Vicky，首先你要相信我同果個男仔講嘅野！我地之前真係唔知呢D只係雞蛋殼嘅粉末，而呢D粉末亦都真係係佢身上剝落嘅！而依家我好希望你可以繼續幫我，去化驗呢樣物質究竟係咩黎！」我捉著Vicky雙手，用真誠的語氣對她說。
「……好啦，其實我都唔係唔信你！只係個結果，實在令我太震驚，先會咁同你講野！不過，要調查呢樣物質，我諗我個化驗室未必做到！」Vicky說。
「咁……」我以為Vicky想放棄了！
「我可以去拜托係港大嘅教授幫我，除左有比較齊全嘅儀器之外，仲可以聯絡其它地方嘅化驗所去幫手！不過，時間可能會再耐D！」
「唔緊要，我知道係困難嘅！你肯幫我我已經好開心架啦！」我抱著Vicky！
「得啦得啦得啦，你快D放手啦，就黎俾你箍死我啦！」
我把化驗的重責交了給Vicky後，便離開了化驗所！
因為在這途中，其實我內心一直也感到不安，所以我馬上出發到深水埗去！
小明，你可不要出事啊！