[突發][唔係蛋黃哥]大撚鑊_我一起身發現變左做粒蛋黃: （十五）
「坤叔，頭先係鋪頭都仲未講，點解你會話果D係魔鬼嘅？」我不經意的問。
「唉……算啦，我都叫左叉左隻腳埋黎，講你知都唔係咩大問題！其實尋日見你臉色咁差，我就自己多事，返到屋企同你卜左支卦！卜左三次，結果都顯示唔到任何卦象！」坤叔說。
「吓，無理由架？我以前讀書果陣有做過中國嘅卜卦研究，係好係壞，應該都會有結果出黎架？點會係無卦象？」于珊問。
「妹妹仔，識D野喎！無錯，我係用銅錢卜卦，正常黎講，點都會顯示出一D野！但係，果日我卜卦，卦左三次，三次嘅銅錢都係碎裂嘅！」坤叔說。
「咩話？碎晒？咁咪者係好大鑊？」我驚道。
「好多算命師父都會咁理解，但其實碎左，者係無任何結果，所以我先會話無卦象！我當然都試左其它方式，只有其中一種西洋卜卦方式，先叫做勉強出現左一種卦象！」坤叔說。
「哇，坤叔你咁勁嘅，連西洋卜卦都識？」我說。
「有幾奇者，都話我後生果陣不學無術，乜都有學過下咁！不過，當時我做嘅西洋卜卦，顯示出嘅所有現象，都係『消滅』！」坤叔說。
「消滅？係咩意思？」于珊問。
「你地應該知道西方宗教，講嘅係神同魔鬼！一般黎講，神又好，魔鬼又好，都唔會消滅人嘅靈魂！而魔鬼係會想辨法奪取，拉攏去自己嘅陣營，亦都好少係消滅靈魂！而今次出現消滅嘅卦象，又同魔鬼有關嘅，實在係好唔尋常！」坤叔說。
「消滅？消滅D咩呀？神？人類？」我緊張的說。
「唔知，亦都唔想知！我只係將個卦象同師傅講左，佢就叫我唔好理咁多，最好連提都唔好提！如果唔係好大機會搞到我！」坤叔說。
「吓？你果個咩師傅黎架？咁都得？知道左都唔幫拖？」我稍為有點動怒。
「細路，同你有返咁上下年紀，你就唔會好似依家咁架啦！講真，呢個世界咁多事，處理得幾多先？你睇下大部份老人家，其實咪又係求個安穩，理得你時勢係點，總之，自己顧自己就夠架啦，最緊要唔好上身！」坤叔無奈的說。
「坤哥，話又唔係咁講啦！如果咩都唔理唔理，遲早都係會逼到埋身，點解唔早D處理呢？」于珊說。
「問題係，有幾多人明白呢個道理先得架？我想處理，最後搞到自己，無謂啦！我今次幫你地搵我師傅，已經係盡人事架啦！俾著其它人，啋你都有味！香港人係咁自私架啦，睇開D啦後生仔！」坤叔說。
雖然我不認同坤叔這種想法，但要改變他的想法，我實在沒有信心可以做到！
畢竟，香港人是自私的，而我也是香港人，我當然明白這個道理！
只是，有些事情，雖然我難以說明或說服其它人，但我卻不能就這樣視而不見！
現在香港的政治情況如此，于珊弟弟的情況亦是如此！
想著想著，我們便來到西九龍中心。
「坤叔，你帶我地黎呢度做咩呀？」我問。
「唔好咁多聲氣，跟住我上去啦！」坤叔示意我們別作聲。
我們跟著坤叔，慢慢來到五樓的商鋪，只見他慢慢走到商鋪範圍的最深處！
然後，他停在某一個商鋪前！只見這商鋪的閘門是關上的，坤叔有節奏地敲了敲鐵閘，然後，鐵便慢慢的打開了！
「呢邊，入黎啦！」坤叔引領著我們進去。
進去後，卻發現商鋪的空間大得可以！
我不知道實際面積有多少，但應該有一個足球場這麼大吧！
「哇，點解呢度會咁大架？而且，仲有一堆人係度，佢地係度搞乜？」我問。
「佢地係黎做野架！處理一D平日唔會有人處理嘅怪事！果邊就係D學徒，黎實習嘅！」坤叔介紹著不同範圍所進行著的事情，真是難以置信，一個商鋪的內裏，竟然會是這副光景！
「好，到啦，入黎啦！師傅你好！」坤叔帶我們到了一個像是辨公室的位置，只見內裏坐著一名外國人。
這名外國人感覺十分英偉，留著一頭長長的黑髮，雙眼仿佛發出異樣的光芒，大慨是因為他雙眼的顏色所致！
他的左眼顯出明顯的綠色，右眼則是灼熱的紅色，但一點也不會讓人覺得詭異，反而覺得有種神聖的感覺！
我和于珊看著這名外國人，只感到一陣溫暖，但一時之間，也不知道說些甚麼才好！
「你地好，你應該就係坤叔同我提過嘅小明啦！呢位小姐，唔知應該點稱呼呢？」從他的口裏，說出流暢而標準的廣東話，和他的形象產生極大的落差，使我和于珊更加不知所措，只好看著坤叔，讓他說明情況。
「哈哈，你兩個係咪以為師傅係外國人就唔識講廣東話呢？放心啦，師傅其實係以色列同香港嘅混血兒黎！自細都生活係香港，所以廣東話仲標準過你同我呀！你地可以叫佢做拉婓爾先生嘅！係啦，師傅，呢個就係小明！佢隔離果個係佢女朋友仔，叫……叫做……」坤叔替我們進行介紹，卻忘記了他不知道于珊是誰。
「拉婓爾先生你好，我叫黃于珊，你可以叫我Sharon都得！」于珊看著拉婓爾先生說。
「唔駛叫我拉婓爾先生咁見外啦！叫我阿爾得啦！嗯……小姐你……」只見阿爾目不轉睛的看著于珊，然後又再把視線投向我！
正常來說，這可稱不上是一個禮貌的行為！但于珊和我，此刻都沒有任何反感，反而感到他視線所帶來的溫暖！
「哦，原來係咁！難怪你地會黎搵我，于珊你應該失去左一個重要嘅人，但竟然曾經忘記過佢！你對於咁樣嘅自己感到憤怒！至於小明，你嘅面相真係好差，不出兩日，你一定會有一個難關要過！不過……你嘅話，應該可以逃過呢劫，仲會幫到我地手！」阿爾又像自言自語，又好像在跟我們說話似的，一時間也弄不清楚他所說的意思！
「唔好意思，我唔係好明你講嘅意思，可唔可以講多次，阿爾……先生！」感覺上要對長輩直呼其名，實在有點奇怪！
「唔駛咁緊張喎小明！我頭先自言自語者！哈哈，不過，我諗你地都係走啦！」阿爾說。
「吓？我地咩都未講，你就要我地走？」我和于珊同時說。
「其實都唔駛講啦，我大慨知咩事，呢件事……我幫唔到你地！」阿爾若有所思地說。
「唔係喎，坤叔話你好勁架喎！上知天文下知地理降魔伏妖咩都得架喎，仲有你一聽到佢講個卦象，就知道發生咩事喎！你一定有方法架！」我趕緊說。
「喂，細路，唔好屈我喎，我邊有咁講！」坤叔趕緊解釋！
「哈哈，小明，就算你讚我都好，我都無辨法架啦！你地走啦！」阿爾笑說。
「師傅你真係唔幫佢地？」看來坤叔也感到難以置信。
「唔係……但我無辨法！」阿爾說的同時，環視著商場其它位置。
「咩無辨法呀！你既然知道佢地係咩黎！你實有方法架！」我激動地說。
「你再激動都好，我都真係無辨法！只係，你做嘅野絕對唔係無用！我只可以建議你，唔好放棄，你一定可以搵到方法！我……暫時只可以講咁多！」阿爾說。
「你！你唔幫我都好，都幫下于珊啦！佢細佬……」我正在說話時，阿爾用手掩著我的嘴巴。
「你聽住，我講過啦，我依家無任何方法幫到你！而我暫時能夠俾嘅意見係咁多！于珊，至於你細佬嘅事，我就真係無辨法，只可以祈禱，係時間到之前，可以解放到佢！如果唔係，我都無辨法！」阿爾說。
「你講咩呀？我一句都聽唔明！」我掙脫了他的手，並說。
「小明，冷靜D！阿爾係話暫時無方法幫到我地者！但我想問，我細佬果邊，仲有幾多時間？」于珊冷靜地說。
「好難講，應該仲有一個星期嘅！」阿爾說，但明顯感到他在說謊，看來是安慰于珊的說話罷了。
「我明白啦！小明，坤哥，我地走啦！」于珊深呼吸後，便準備離開。
「吓？就咁走？」我不解地問。
「小明，我地走啦，師傅咁講得，就真係無辨法架啦！」坤叔說。
「無錯，我相信佢無辨法！但我都相信，我好快會再同阿爾見面！」于珊看了看阿爾一眼，然後堅定地說。
「你地走啦，祝你地好運！」阿爾說。
然後，我們便離開了西九龍中心！
究竟，這次我們算是有任何收鑊嗎？