[突發][唔係蛋黃哥]大撚鑊_我一起身發現變左做粒蛋黃: （六）
我看著高登吹水台，發現這個消失的友人Post，已經到了第五個Post了！
「一般嘅膠Post好少爆咁多版架喎？等我睇下先！」我邊看邊想，然後阿祥又襯我不留神之際，離開了便利店，大慨是又去一樓一吧！
當我正在專心的追Post時，忽然有一名女人跑了進來便利店。
只見她急步的跑進便利店裏，氣喘吁吁的伏在收銀枱前。
「小姐，你無事嘛？有無野可以幫到你？」我問，只見那女人看著我，那驚恐的眼神，使我畢生難忘。
「無無無無無事！我無事！有無水呀？」她大慨是被嚇得很嚴重，說話時明顯充滿緊張感！
「水係果邊，你要邊隻？一係我幫你拎！」我看她連行走也有困難，所以問她需不需要幫忙。
「唔唔唔駛！我自己拎！」她說完後，慢慢走向飲品櫃，但剛踏出第一步，她便跌倒在地上。
「小姐你無事嘛？」我馬上走出來，扶起這女士。
「唔好掂我！我無野！」她異常激動地說，並甩開我的手，自行走到飲品櫃。
「搞咩呀？唔駛咁呀？唔通……佢頭先俾男人搞？」我心想。
「呢呢呢支水，幾錢？」她把水拿到收銀枱。
「$5.9，收你百達通，好，留意餘額！」我說。
她把水開了後，一口氣喝了整整半支水，感覺比之前鎮定了少許！
但她身體還是不自覺的顫抖著，我實在忍不住關心她！
「小姐……你……真係無野？我無惡意架，不過見你好似好驚咁，如果你有咩事嘅話，我可以幫你報警！」我說。
她看了看我，沉思了一會，然後像下定了決心似的。
「報警都幫我唔到……係呢，你住係呢頭架？」她問。
「我？我搬左黎呢度幾日啦，不過一直都係呢邊返工，呢邊都好熟！」我說。
「你住呢頭，咁你知唔知最近呢度有無咩怪事發生？」女子說。
「怪事？」我突然想起這兩天發生的怪事，消失的性感女郎，會跑的公事包和雞蛋！臉色難免變得有點奇怪。
「你……係咪知道D咩呀？講我知啦！講我知啦！」她激動得捉著我的雙臂，還抓得我有點疼痛！
「你……你冷靜D先！」我馬上甩開她的雙手，並退後了一步，和她保持距離。
「唔……唔好意思呀！我我我其實係有D野發生左，先會咁樣，你……唔好介意，但我真係好想知呢度有無發生過任何奇怪事！求你話我知啦！」她又開始激動起來，弄得我有點不知所措，猜不透她是純粹一個瘋子，還是她真的發生了甚麼事情。
我警戒的看著她，愈看愈覺得她有點不正常！
「話你知唔係問題，不過.…..你點解咁緊張呢度發生過咩事？」我邊說邊打開了手機，想傳訊息給阿祥，讓他替我報警。
「其實......我細佬佢失左踪，佢最後失踪嘅時候，就係係深水埗住！同埋佢Send左個message俾我，話佢搬左黎呢度之後，好似染左D唔知咩病，起床之後都發現自己身上有D白色嘅灰！佢搬黎之前完全無事架，但佢搬黎深水埗一個禮拜就出事啦，所以我查緊呢度究竟發生咩事。」女人說。
「咩話？白色嘅灰？」我驚訝的道，停止了輸入訊息。
「係！佢果次Send完個message之後，就無再聯絡過我，之後我就完全搵佢唔到！我問過住佢附近嘅人，居然完全無人知佢住過果間屋，成件事好奇怪！我唯一嘅線索，就係黎自一個叫高登嘅論壇，佢地話有好多神秘失踪事件發生係深水埗，而且同我細佬嘅情況都有D似，所以我特登黎呢度查，但咩都問唔到！如果你知道D咩，麻煩你話俾我知！」她大為緊張的說。
我用懷疑的眼神看著她，畢竟她說得雖然像是很有道理，但是，這也不能解釋為甚麼她會在這麼夜的晚上出現在這裏！
而且，她緊張的神情和態度，肯定是遇到了甚麼才會這樣的！
憑我多次被騙的經驗，她肯定遇到甚麼事情，又或是......她在隱暪些甚麼！
要直接問她嗎？
「你......都係無答我，點解你會咁緊張？同埋點解你堅持唔報警？正常人遇到呢D事，都應該第一時間報警！點解你會一個人出現係度，同我講呢D野？你......係咪有咩企圖？」雖然她給我的感覺並不危險，但明顯在隱暪些甚麼，反正我也不懂那些甚麼攻心計的做法，就直接讓我道破她的奇怪之處吧！
「因為......因為......」她欲言又止的模樣，令我更感奇怪。
「小姐，我諗我幫唔到你，如果你唔係幫襯嘅話，請你唔好同我講野，我仲有野要做！」我說，然後想終止這次奇怪的對話！
「我......我頭先見到個拎住公事包嘅怪人，追住幾隻雞蛋，而果幾隻雞蛋，係有腳嘅，所以我嚇到跑左入黎！」她情急下說。
照道理，這樣離奇的說話，任何人聽到後都應該不會理會她，甚至當她是瘋子，不再和她對話！
但......她說的情況，我可是確實在便利店門外看到過！
我也一度懷疑那是幻覺，現在卻由一個陌生人的口中，說出相類似的情況！
這......真的可以用瘋子或一句巧合來帶過嗎？
「你......你講咩話？」我實在不太確定她是否隨便說的，但還是先拿多一點資料吧。
「我知道咁講好難令人相信，但我真係見到有D識跑嘅雞蛋！同埋我之所以唔敢講俾你知，因為我係網上面見到，好多人係提起呢年事之後就消失左！所以......所以我好驚自己都會消失！」她說。
「咁......就算你講嘅野係真，點解你依家又要講我知？你又知我會知道D咩？」我的警戒心開始降低。
「呢層......係因為......我去細佬個單位果陣，見到你！所以我跟踪過你，知道你住緊嘅，係我細佬之前住嘅果間房！」她說。
「咩話？唔撚係卦！」我驚訝的道。
「真係架，我無必要呃你！如果你真係知道D咩，唔該你同我講啦，我真係好擔心我細佬！任何有關我細佬嘅野，我都好想知道！同埋呢輪係深水埗發生嘅怪事，我相信都同我細佬失踪嘅事有關架！」她用請求的眼神看著我，但......我真的不知道之前發生的事情！
「唔好意思呀小姐，我諗我真係幫你唔到！我的確係新搬入去住嘅租客，但我完全唔知道上一手租客嘅事，而深水埗嘅怪事，我亦都唔會比你知道得多！我都係聽D朋友講，同埋高登見到D post，我先知發生左D事！所以我真係幫你唔到，不過......」我真心的說，但......我要把自己在街上看到的「幻覺」告訴她嗎？
「不過咩呀？」她忙說。
「你講嘅雞蛋識跑嘅事，我......其實都有見過！但我覺得可能係幻覺黎，所以我諗我都係幫你唔到！」我說。
「咁樣......對唔住，阻到你做野！」她沮喪地說
「咦？唔係，可能有個人會知道你細佬嘅事！」我靈光一閃。
「真係？」她雙眼變得有神的對我說。
「係，租呢房俾我果個經紀，我估計，如果你細佬會租我呢間房，應該都係經同一個經紀去做！所以，我諗你可以搵佢！」我說。
「我可以點搵佢呀？」她問。
「佢叫王馬門，佢俾左張卡片我，不過我漏左係屋企！如果你想搵佢，可以聽晚過黎呢度，我將佢張卡片交俾你！」我說。
「聽晚？不如咁啦，你收幾點，我等你收工去拎啦！我想早D搵到關於我細佬嘅線索！」她捉著我的手，誠懇地道。
「咁......咁好啦，但我收朝早七點，你不如返去休息下，差唔多夠鐘先黎啦！」我感到心跳加速，畢竟像我這樣的毒男，別說拍拖了，真的連和女生說話的機會也不多，莫非這是上天賜給我的機會！
「咁好啦！我七點鐘前會返黎搵你，到時見啦！唔該晒你呀！」她說。
跟她道別後，才發現阿祥不知道甚麼時候已經回來了，只是一直躲在便利店外。
「哇，明哥仔，我行開一陣者，估唔到你叫埋條女過黎鋪頭喎！你都算收得埋啦，條女好正喎，點識架？叫咩名呀？」阿祥一臉淫笑的靠過來。
「痴線！客黎架，佢黎買野搵唔到，問我有無者！」我說，然後有點後悔，居然忘了問那女士的名字和聯絡方法，要是她早上不來找我怎麼辨？
「客，我見佢貼埋你度，又捉住你對手，有咩客會咁主動呀，我都想有喎，明哥仔！」阿祥再次靠過來。
就這樣，我跟阿祥吵吵鬧鬧的渡過了這個晚上。
那女士，真的會在早上過來嗎？