[突發][唔係蛋黃哥]大撚鑊_我一起身發現變左做粒蛋黃: （三）
「阿堅，你黎啦？你快手D接班啦，好撚眼訓呀我！」我對著負責早更的阿堅說。
「得啦，催催催！咁趕，趕住返去打飛機咩！」阿堅說。
「屌你，快撚D啦！唔係嘅話我同老闆投訴你！」我說。
由於昨晚經歷了那些怪異的事情，現在我只想盡快回家，好好睡上一覺，才能安心下來！
「得啦！搞咩呀你，趕住投胎呀！」阿堅換好衫，出來對我說。
「你就投胎，眼訓呀！趕住返去啦！」我說。
「咁你走啦，咪撚阻住晒！」阿堅說。
阿堅是日更的固定員工，每次接更時都會碰到他。
不知道甚麼原因，從第一次見面開始，他便看我不順眼，處處找我麻煩！
像有意的和我疏遠似的，但出來工作，明白總有些人和事是不如人意的，所以我沒有介意也沒有嘗試打好關係。
反正這只是一份暫時用來糊口的工作罷了！
和阿堅頂了兩句後，便離開便利店，買了份早餐便回到家中。
我把門推開後，那種奇怪的氣又再次撲鼻而來，雖然較第一次輕微，但還是使我眉頭一皺，馬上用手掩著鼻子。
「屌，又係果陣味！唔知要幾耐先散！仆街，開抽氣扇先！」我心想。
吃過早餐後，由於仍是八月，天氣實在悶熱得很，我打開了冷氣後，便沉沉睡去了。
這種情況下，我感到自己發了好幾個夢，而當中最為清晰的夢，內容十分奇怪。
在夢裏，我看見自己正躺在床上，我就像第三者一樣，觀看著自己的睡姿！
而更奇怪的是，我看見躺在床上的那個我，身上長出一塊又一塊的白色硬塊！
範圍不是很大，硬塊只集中在我的右臂上。
然後，我好像聽見冷氣機發出一些奇怪的聲音！
那絕對不是機械的零件聲，而是像我們吹氣時，所發出的「呼呼」聲！
我感到好奇，想「走」近一點看看冷氣機時，我便醒過來了！
「哇，好撚凍！咦，咩黎架？」我被凍得清醒過來，然後，我發現自己的右臂上有一點一點白色的東西，感覺有點像石灰。
「仆街，等我熄細D部冷氣先，凍撚到！」我走近冷氣機，把溫度稍為調高。
就在調校溫度時，我不知道為甚麼，忍不住仔細看了一下那冷氣機，感覺沒有任何特別！
「唉，唔理啦，沖返個熱水涼先！好撚凍！」我走了入浴室，慢慢的享受了一個熱水澡！
穿好衣服，看了看電話，發現才四點左右，還有一段時間才到工作時間。
「屌，真係愈坐愈凍！都係落去搵阿強吹下水先啦！」我決定先到便利店找阿強，關了冷氣和電燈後，便離開了房間。
關門時，隱約又聽到一聲奇怪的聲音！
算了，應該是聽錯了的！
「喂！阿強！你幾時轉返夜更呀？」我來到便利店，和阿強打了聲招呼。
「返夜更？唔啦，呢排咁鬼邪！」阿強說。
「邪？有咩咁邪呀？」我問。
「唉，咪提啦！上次你請左假，老闆搵唔到人，要我踩兩更！咁諗住無咩所謂啦，一次半次咪幫下手囉！點知果晚，陰風陣陣，又聽到D奇奇怪怪嘅聲，係出面條街傳入黎！咁果晚無乜生意，又得我一條友，我咪八卦去望下囉！你估下我望到D咩？」阿強詭異的說。
「吓？見到野？你唔係見鬼呀？」我驚訝的問，腦內不禁想起昨晚那個失去蹤影的美女。
「見鬼都好D呀，起碼都知咩事！我果日呀，見到條大街上面，有三隻雞蛋係度跑！」阿強說。
「咩話？雞蛋？跑步？係咪有人扮左蛋黃哥係度跑步Ja？」我懷疑的說。
「屌你啦！我講果D真係雞蛋黎！白色殼，係底部有兩估窿，伸左兩隻腳出黎！唔係雞腳呀！而係好似人咁，有腳指架！果三隻雞蛋係咁向前跑，但突然之間，後面有個黑色公事包，好快咁撲向果幾隻雞蛋，然後一野吞晒佢地落去！我仲聽到好似人咁嘅咀嚼聲！之後，我仲見到有個男人行出黎，拎返個公事包就走左！」阿強不安地說。
「屌你，係咪作故仔呀？有無咁撚神奇？如果係無理由我上YouTube搵唔到架喎！」我說。
「作你個死人頭，作都作個合理D架啦！」阿強怒道。
「咁又係！但係你睇得咁清楚，見唔見到個男人係咩樣架？」我問。
只見阿強突然臉色一沉，身體微微發抖，像在害怕甚麼似的！
「喂！搞咩呀你？震晒嘅？佢好恐怖架？科學怪人咁？貞子咁？定689咁呀？」我問。
「佢……佢……」阿強看著我，不敢說話似的。
「點呀你？無野呀？」我拍了拍阿強的肩膊，讓他鎮定下來！
「無……不過講出黎，我驚嚇親你！」阿強稍為鎮定地說。
「吓？唔係我識架？定真係689呀？係嘅話我即刻寫信去報館，叫佢地做野呀！」我說。
「應該你都會識！果個人，就係尋日，你經過便利店果陣，企係街度等你果個男人！我仲認得果個公事包，有個倒十字係上面！」阿強說。
「唔係卦？你眼花睇錯Ja？」我怎能相信那個大叔，會做出如此科幻的事情來！
「嗱！佢個樣我就真係唔敢肯定！但果個倒十字嘅公事包，我就肯定無認錯！好地地邊有人拎個倒十字嘅公事包黎用架？」阿強說。
「Fashion嘅野，我地識條鐵咩！同埋，倒唔倒十字好死嘅者，掉返轉睇咪變返做正十字囉！無野嘅！無野嘅！」雖然我也覺得自己所說的有些牽強，但比起承認阿強所說的，我選擇了逃避，不去思考真相！
「是旦啦，總之果次之後我同左老闆講架啦！唔撚返夜更！你都調返上黎早更或者午更啦，真係好撚猛！」阿強勸我。
「痴線，夜更人工多一舊水有多，一個月多幾叉野！我依家無人無物，無埋呢D錢真係死得架啦！何況早更又有果個仆街堅，午更又多人搶，我唔轉啦，夜更咪幾好！」我說，始終比起見鬼，還是銀包見底比較可怕。
「咁無計啦，你自己小心D啦！呢排深水埗真係好邪！」阿強說！
和阿強閒聊了一會兒後，感到有點兒餓，和他道別後，便來到我常去的茶餐廳！
「坤叔，豆腐火腩飯，熱奶茶！」我大喊。
「小明又黎食飯呀？即到！」坤叔回應。
我隨便找了個位置坐下，等待著我的晚飯！
「小明，火腩飯，青島！」坤叔說。
「又青島？坤叔，我嗌熱奶茶喎！」我說。
「我地茶記做緊優惠，嗌火腩飯送青島呀嘛，尋日你咪試過囉？」坤叔說。
「吓？原來係咁，我仲以為尋日真係坤叔你俾添，超！」我邊吃邊說。
「吹水嘅野，認真你就輸了！你估我真係咁有錢咩，大拿拿廿蚊支，你殺左我好過啦！」坤叔說。
「屌，原來係吹水！」我心想，然後繼續吃我最愛的豆腐火腩飯。
「喂！小明！新屋住成點呀？」坤叔跟我搭話。
「吓？幾好啦，係個冷氣凍D囉！」我說。
「大熱天時喎，你部冷氣好勁架？」坤叔說。
「應該就幾勁啦！因為租屋果陣個經紀特登提醒我，叫我一星期最多開5日！我估應該幾食電！」我說。
「咁搞笑？我真係無聽過有D咁嘅怪規矩！不過呢，你有無查過你間屋有無出過D咩事呀？」坤叔說。
「吓？坤叔你又黎？唔好搞我啦，我黎食餐飯Ja！同埋就算真係有咩事都好，唔知好過知囉！」我皺著眉說。
「坤叔好心提醒你Ja！其實就算真係有鬼都好啦，只要跟足規矩做，都可以保到安全架！好似人地收保護費咁，俾左咪無事囉！」坤叔說。
「吓？你用D古惑仔黎同鬼比？唔好玩我好喎！」我說。
「講真，鬼求D咩呀？咪又係想我地燒下野，拜下佢咁！呢排深水埗真係好邪呀，你快D查下，有事就搞搞佢啦！」坤叔拍了拍我的肩膊，然後便繼續工作。
「又好邪？呢排唔係發生過咩事呀？」我心想，結帳後，我便前去便利店。
「喂！阿祥，我黎啦！」我進入便利店，準備換上員工服裝。
「今日咁早呀？無水補架喎？」阿祥說。
「早左起身食飯，咪早D過黎搵你囉！」我說。
「小明你無野呀，咁好死？我話你知呀，我唔搞基架！」阿祥說。
「屌你啦！」我換好衣服，來到櫃台前，接手收銀的工作。
「都話你好呢味架啦！」阿祥雙手掩著自己的屁股，像阻擋著我不要進入一樣！
然後我們如常工作，到了深夜，阿祥又離開店鋪上廁所！
結果，店內又餘下我一人。
而大街上比昨天顯得更加冷清，一個人也沒有！
希望不要發生甚麼事吧！