[突發][唔係蛋黃哥]大撚鑊_我一起身發現變左做粒蛋黃: （二）
我提好錢後，馬上跑回剛剛那個單位。
「死啦，之前D騙案都係呃左我張身分證去借錢，搞到我要用晒D錢去還債！點解我咁唔小心架！」我邊跑邊罵自已蠢！
然後，我辛辛苦苦的跑回那單位！
我把門推開後，沒有，一個人也沒有！
「屌！唔撚係呀？我又俾人呃，唉，今次仆街啦！快D去報警先！」情急下，我馬上來個施丹式轉身，想衝下樓找警察，而我卻沒有想起，這個世界上有種通訊工具，名字是手提電話！
怎樣都好，就在我成功轉身後，我猛然發現，那個地產大叔已經站在我後面了！
「哇！屌你！嚇撚死人咩！你幾時係度架？」我大驚。
「哦，無，頭先等左你一段時間，都見你未返，驚你唔認得係邊，咪落樓下接你囉！點知一落到去，就見到你一支箭咁衝上黎！老人家無你D後生仔行得咁快，咪慢慢行上黎搵你囉！一入到黎，就見到你轉身，仲爭少少仆街添！」大叔這樣說。
「我呢D叫施丹轉身！你識條鐵咩！嗱，呢度六叉野！你數下岩唔岩數，岩數就即刻拎份約黎，我即簽！同埋快D俾返張身分證我！」我從銀包拿了六千元出來，只想趕快把這單住租下來，好讓我有地方睡覺！
「嗯！岩數，呢度就係份約，一式兩份，你睇下有無問題，無問題簽名之後就可以即刻搬入黎住！」大叔邊數著那十二張大牛，邊跟我說。
「睇過！咁咁咁咁咁咁！唉，得啦！搞撚掂！簽好啦，俾返張身分證我！」我把兩份文件都簽好了，然後交給他。
「好，咁就無問題啦！呢度係你張身分證，同埋有條鎖匙俾你！咁我就再提一提你啦，所有野都包晒架啦，淨係記住冷氣機一星期唔好開超過五日！另外，呢度係我張卡片，上面有我公司地址同埋我個電話！你有咩就隨時打俾我得架啦！咁兩個月後我就會黎收租！」大叔說。
「得得得得得！唔好開冷氣超過五日呀嘛！咦，你個名咁得意嘅，叫咩王馬門，你個英文名都幾型喎，Mammon！好啦好啦，咁到時我點俾錢你呀？」我拿著他的卡片說。
「到時我會親自上黎收租架啦！如果你到時仲有命嘅話！」王馬門的聲音逐漸變小，使我完全聽不到他後半在說甚麼。
「你講咩話？上黎收租之後係咩話？」我問。
「無，叫你小心D者！」王馬門說。
「得啦，唔開超過五日呀嘛！得啦，就咁啦，無咩嘅話我唔送你啦，我想訓下先，好攰呀！」說完後，我便把房門關上了。
「記住，發生咩事我唔會負責架！哈哈哈哈！」王馬門在門外陰聲細氣地說出這句說話後，便瞬間消失了！
「正，三千銀一個月，包晒所有野！張床都幾舒服！仲有D時間，開大個冷氣訓下先！八點鐘起身！搞掂！」
在睡夢中，我好像聽見一些求救的聲音！
應該只是我的夢境吧！
「哇！屌，好撚凍呀！個冷氣咁勁揪嘅，肯定好食電，唔怪得果個大叔唔俾我開足一星期啦，如果唔係D租都唔知夠唔夠俾電費！七點幾，落去整返個男人的浪漫先！」既然清醒過來，便早點吃晚飯吧！
來到這家我常到的茶餐廳，找了個靚位置，便一下子坐了下來。
「喂，坤叔，整個豆腐火腩飯，凍檸茶少甜，唔該！」我大喊。
「收到！小明今日搞咩呀？咁早黎食飯？」坤叔對我說。
「無呀！我之前果邊斷左租約，今日咪走黎呢邊搵樓囉！真係講你都唔信，我勁好彩咁遇到個阿伯，租到個平絕深水埗嘅單位！」我說。
「係咪咁荀呀？黎！豆腐火腩飯，一支青島！」坤叔轉眼間便把那符合黃金比例的火腩飯送上來，再配上一支青島，此刻，我好像掌握了一切！
等等，我好像沒有叫青島啊！
「喂！坤叔，黎錯野喎，我無嗌青島喎！」我急道，要知道，青島和凍檸茶，可是相差了十元！十元，可是能成為我一星期的早餐啊！我不會受騙而多給這十元的！
「屌你，小明，火腩飯加青島，識食一定係咁架喎！你岩岩搬黎，支青島坤叔請嘅！然後多D黎食飯！」想不到，眼前的粗漢，竟也有柔情的一面，為了我，他甘願替我付那二十元！此刻的他，我從他的身上，感受到男人的浪漫！
可是，我不能哭，要是哭了出來，可就對不起了這支青島，可就對不起了這碟火腩飯，而最重要，便是對不起眼前這個柔情鐵漢，坤叔！
我強忍著淚水，把這火腩飯一口又一口的送進嘴裏，再配上一口黃色的青島，只有這樣，才真正對得住茶記這一切！
「喂！小明！做乜鳩望住碟飯唔食呀？又係度FF呀？」坤叔說，我才從幻想中清醒過來！
「吓，唔係，最近返教會，D人叫我食飯前祈禱，話咁樣D飯會好食D，咪試下囉！哇，屌，又真係好食左喎！」我隨口說了些理由，我可不想讓他悉破我的幻想。
「屌你啦，你信教？咪撚玩我啦！喂，話時話，頭先你話租到荀盤，劏房黎架？咩位置咩價錢呀？」坤叔問。
「隔離兩條街囉，又唔係劏房喎！不過係一百呎唔夠果D細單位囉！勝在包晒水電煤都係三叉野一個月！」我邊把火腩飯送進口中，邊跟坤叔對話。
「三叉野仲要唔係劏房？細路你有無老點阿叔呀？」坤叔說。
「你咁英明神武，成個深水埗福爾摩斯咁，邊夠膽老點你呀？」我說。
「咁你又岩，諒你個細路都無咁大膽！不過，硬係有D奇怪，咁平租都有！喂，你有無睇過有無問題架！係咪有過咩分屍呀，吊頸死果D架？」坤叔說。
「哇，屌！坤叔你咪嚇我啦，我簽晒租約又俾晒錢！嗱，就算有野都好啦，你都唔好話我知！耳不聽為乾淨，話知佢死人冧樓，總之唔好俾我知！多謝你支青島，我走先啦，返工！」我不想聽到些不該聽的東西，馬上逃走了。
「喂！咁快走？聽晚再黎食飯啦！硬係覺得個單位有問題！唉，醒唔起，算啦，又唔係我住！」坤叔說。
我放下了錢，馬上逃離茶餐廳，我實在不想聽到任何奇怪的傳聞！
說真的，論逃跑的速度，我陳小明敢認第一，應該無人敢認第二啦！
「唉，個坤叔咁大個人都唔化架！佢再講我真係唔撚去食飯！」我邊跑邊想。
跑了數分鐘，總算來到便利店前。
「哇，小明你搞咩呀？跑到成身汗，俾人追數呀？」店內的阿祥說。
「痴線！你就俾人追數！岩岩我係茶記食飯，坤叔係度講D奇怪野，我唔想俾佢煩，咪跑過黎囉！等我換衫先！」我說。
「好啦，出黎再傾啦！係，十二個半！百達通！」阿祥邊收錢邊跟我說。
「搞掂！點呀，今晚多唔多客呀？」我換好衣服出來跟阿祥說。
「咪又係咁上下！喂，坤叔同你講咩者？」阿祥說。
「屌，無呀！我今日走左去租屋，租到荀野咪同坤叔講左兩句囉！屌佢，點知佢無啦啦又話咩，咁然平會唔會出過事！呢D野梗係唔知好過知啦！」我說。
「話又唔係咁講呀！我識個朋友嘅朋友嘅朋友呀，佢聽親戚隔離屋三姨婆個女講呀，有個陳生就係租左間凶宅！有一日，佢死左呀！」阿祥說得很真誠，害我也不禁害怕起來。
「唔係卦，你果個朋友嘅朋友嘅咩話，唉，是撚旦啦！佢搬去邊區架？同埋佢搬左入去之後幾時死架？」我問。
「好似住左十幾年咁啦！」阿祥說。
「吓？十幾年？果個陳生幾歲呀？」我再問。
「無記錯好似九十八歲！」阿祥說。
「九十八歲？屌你啦，咁關間屋咩事？差唔多一百歲先死喎大佬！」我無好氣的說。
「嗱，說話就唔可以咁講啦！聽講有算命師父講過，陳生可以去到一百二十歲架！依家足足早左廿二年死喎！你都咪話唔驚！」阿祥說。
「屌你，風水佬講野都好信？咁佢點死架？」我問。
「佢就死得離奇啦！你聽住啦！佢係俾豆腐哽死架！」阿祥說。
「痴線，老人家食野哽死有幾奇！廢事理你！收錢啦！」我說。
「算數，唔好話我無提醒你！」阿祥說。
然後我就在一旁執拾貨物！
「痴線，一個二個都痴線架！唔好自己嚇自己，唔好自己嚇自己！」我心裏這樣說。
「喂！小明！過黎收銀呢度頂住先，頂唔順，要放一放水！」阿祥跟我說。
「得啦！去啦！」我放下手上的貨物，走到櫃枱前。
這天晚上，不知道甚麼原因，十分清閒！
不像平日，總會有一些不良少年，又或是一些癮君子，會來到這裏光顧！
「個仆街仔，成廿分鐘都未返！唔係去左搵一樓一呀？」我看著電話的時間說。
就在我抱怨期間，一名高挑的女性忽然進到店裏！
說也奇怪，我竟然完全沒有發現她是如何進來的！
只見她身穿一件低胸衫，再加上一條摟屌裙，如果是中環或尖沙咀，我可一點也不感到奇怪！
但這樣可是深水埗啊！這麼高質的美女居然在這裏出現，不會真的是「摟屌」吧？
而且她的五官非常端正，化上淡淡的妝，加上那厚厚的，帶點光澤的嘴唇，有點徐子珊的感覺！
真的是令我想入非非，為這沉悶的夜晚添上不少色彩！
只見她慢慢的走向冷飲櫃，才發現她穿的是大露背裝，那白滑的肌膚，真的是太引人入「性」了！
然後，她在冷飲櫃前停了下來，整個人都被貨物架阻擋著！
「屌，阻撚住晒！」我嘗試從櫃台那邊伸出上半身偷看那美女，卻被那突如其來的叫聲嚇到！
「喂！搞咩呀你？」原來是阿祥。
「哇，屌你，嚇死人咩？你搞乜撚去左咁耐呀？」我說。
「無呀，岩岩肚痛，咪順便痾埋屎囉！點知又無廁紙，幾狼狽呀！好在我醒，褲都唔著走去隔離廁格，好彩有廁紙，如果唔係我真係要用手架啦！你又係度搞乜鬼呀，成個人好似龜頭咁伸出黎！」阿祥問。
「果邊呀！果邊呀！有正野睇！」我用淫邪的眼神和淫賤的語氣，指示阿祥向冷飲櫃那邊看過去。
「咩呀？果邊乜都無喎？」阿祥看了一會之後，疑惑的說。
「吓，唔撚係呀？我明明見到有條好高質嘅女，著住條摟屌裙架喎！」我馬上從櫃台裏走出來，仆街，還真的甚麼也沒有！
「屌你條仆街！係咪谷精上腦呀？好似我頭先咁，抽幾分鐘上去一樓一食個快餐，射晒出黎就唔會有呢D幻覺架啦！」阿祥走進了櫃台，代替了我的位置。
「吓？唔撚係卦？唔通我真係谷精上腦，有幻覺？無可能架！咦……唔係喎，呀，條仆街！」我腦中突然想到有些不妥。
「你條仆街頭先走左去叫雞，所以咁耐先返！」我指著阿祥說。
「呀屌，講漏口添！唔緊要啦，最多你下次要去叫雞，我幫你頂住收銀一陣啦！睇你個樣，都係一分鐘貨仔嘅者！」阿祥滿不在乎的說。
「喂，望完未呀？快D繼續執貨啦！陣間朝早老闆黎到又屌架啦！」阿祥對我大喊。
我回過神來，還不肯定剛才的是幻覺還是甚麼。
「唔好理啦！執貨！執貨！被人炒左就大撚鑊！」我心想。
這天晚上好像特別陰涼，應該是我的錯覺吧！