［人性/有甜］- 屍•家•馬鞍山（隔日更新）: Chapter 703 - 喪屍控制理論

Marcus 細想了一會，仍沒有回應。

「Marcus？」我只好催促他一下。

「你比我諗一諗...」Marcus 伸手向我示意多等一會，「呢層我哋都冇諗倒... 不過，呢個 point 好有意思...」

我好像理解不到，他要表達的是什麼。

「或者咁講...」他好像瞭解我的疑問，「啲病毒會進化係理論，會弱肉強食係推演，咁高階病毒控制低階病毒，就係一個大膽嘅假設...」



我有點摸不着頭腦...

「唔... 或者我再轉個方式講...」他努力地令我明白，「控制病毒呢個新名題，係冇任何嘅研究基礎。但係你所假設嘅情況，又可以係建基於，剛才所講嘅病毒理論，同再進一步嘅推演...」

我開始有點頭緒，但還是要確認一下，「即係要證明控制喪屍呢個理論，我哋必須要搜集多啲嘅論據去證明？」

「如果唔係，一切都只會流於假設...」

「哈哈！冇錯、冇錯...」Marcus 興奮地搭着我的肩膀說，「我仲以為我講得太深，你好難聽得明添～」



「不過如果要搜集論據，我哋必須要搵倒一啲第三、四代或者之後嘅樣本...」他進一步解釋道，「最好，就可以搵埋 KK 手上嘅介指出嚟...」

「你覺得，病毒進化同隻介指有關？」我想試探一下他的想法。

「唔係... 我只係從觀察 KK 嘅行為，覺得佢係以一個媒介去傳遞控制低階病毒嘅指令...」他回答說。

「即係隻介指係關鍵？」我問。

「我覺得好大可能係...」他也好像不太肯定。



「嗯...」我忽然想到，「不過照你咁講，Chris 都應該係高階嘅感染者，咁外面的喪屍...」

「呃...」Marcus 好像如夢初醒，「當初實在太驚，我... 我冇諗清楚...」

「咁... 呢度係咪唔太安全？」我立刻提高警戒。

「都係...」他好像也有點害怕，「不過話時話，我喺呢度都匿咗一段時間，隻怪物又冇走過入嚟...」

「......」我也想不到，這是什麼原因。

「會唔會個病毒再進階...」我推想到，「去到某個階段，就唔會再出動攻擊低階病毒...」

「就好似，KK 哥咁...」我補充，「佢有自己嘅思想，但同時又有控制喪屍嘅能力，佢又唔會追住啲喪屍去攻擊...」

「某程度上我唔係太同意...」Marcus 答道，「要令病毒受到控制，一定要有抑制病毒嘅抗體...」



「但係抗體本身又唔可以太強，否則就唔係抑制，係消滅...」

「睇嚟，你已經知道點樣印證呢個假設...」我回答道。

「哈哈！年輕人，你好似開始了解我點諗咁喎～」Marcus 滿意地拍著我的肩膀問道，「你叫咩名？」

原來，我們還沒有只我介紹...

「係... 我叫阿 Roy...」我答得有點尷尬，「佢係我女友 Vicky...」

「呵呵！原來係一對亂世小情侶...」他打量著我們二人說道。

「嗯...」我不知道該怎麼回應。



「不過... 喺呢個時勢，一定要珍惜眼前人...」他突然感觸地說道，「我老婆同個女... 係咪真係安全？」

我該怎麼說才好？

「Miki... Miki 咪話喺合一堂度囉～」我該意避重就輕地答道。

「嘿... 你一直冇提到我老婆，其實我都大概估倒㗎喇...」他看著我說道，「可惜嘅係，我就連最後一面都見唔倒...」

「至少你仲有 Miki 吖，佢都好想見返你㗎...」我安慰他說。

「嗯... 你都講得啱，我仲有 Miki...」他看來仍是有點傷感，「我諗時間都差唔多㗎喇，你哋準備好未？」

「一早準備好！」我跟 Vicky 互望一下後答道。

「好！唔知係殘餘記憶定係乜嘢，阿 Chris 每一日都會經過出面嗰個門口...」Marcus 說道，「但可能係啲喪屍嘅關係，佢冇再進一步行入嚟...」



「不過，而家出面有喪屍嘅屍體，阿 Chris 嘅行為會唔會改變，冇人會知...」他續說。

「嘟...」而當我們仍在討論之時，外面的門卻已經被打開...