［人性/有甜］- 屍•家•馬鞍山（隔日更新）: Chapter 684 - 逃出沙井

我往沙井的出口望去，發現 Vicky 的身影已經消失。

Vicky 登上地面後，卻沒有回頭關顧我們的情況，這使我感到有點擔憂。

但我被困在這裏，卻無法把速度提高。

我又不想因催促小嵐，而令她發生意外。

我只好冀望，外面一切如常。



我們一步又一步的前進，終於也快要爬到地面上去。

「呀～」小嵐剛剛到達目的地，卻突然驚慌地大叫了起來。

我知道外面九死一生，於是我立刻把掛在肩上的衝鋒槍提起。

「下... 下面嘅人聽住，你啲朋友已經俾我哋捉咗喇～」一把年輕的男聲在外面叫道，「精精哋就快啲出嚟投降，如果唔係... 唔係我就殺曬佢哋兩個！」

看來，那人有點緊張...



那倒不如先行保留實力，打探對方處實再算。

於是我把身上的戰術背心脫去並向下掉，連同那柄衝鋒槍，和大部分的裝備，一拼掉到沙井的深處去。

希望，它們沒有遭受到太大的損毀。

我的腰間，就只剩下一柄軍刀，和剛才從新上滿子彈的手槍。

「得，我而家就出嚟，唔好傷害佢哋...」一切準備就緒，我便慢慢地從沙井口內爬出來。



剛剛爬離沙井，便有數個十多歲的年輕人把我圍住。

Vicky 跟小嵐則被另外兩個年輕人，以刀架頸的挾持著。

「舉... 舉起雙手，企喺度唔好郁！」其中一個年輕人向我叫道。

看來，他們比我還要緊張。

為加強震懾力，我刻意慢慢才舉起雙手。還順道展示一下，那插在腰間的手槍。

「喂... 佢有槍㗎喎～」我只聽到他們在議論紛紛，並沒有向我問話。

「你... 你哋係咩人？」一人終於開口向我問道，「嚟呢度有乜目的？」

我打算將計就計。



「冇... 我哋係救援組織派嚟，睇吓有冇生還者需要幫助嘅人...」我大膽的向他們回答道。

「吓？你哋真係救援隊？」其中一人興奮地叫道，「我哋入面真係...」

「喂阿星咪住！」另一人卻出手制止，「你唔係人講你就信嘛？」

然後，一個身型矮小的年輕人，突然在眾人中走到我的面前。

「嗱，我就叫阿君，啲人就叫我君哥嘅！」那人突然以不可一世的嘴臉向我說道，「你話你係救援隊，我就信㗎嗱？」

「你有乜證明呀？」他用挑釁的眼神問道。

「哼！證明？」我刻意加強語氣，「我哋辛辛苦苦爬條臭渠入嚟幫手，你仲叫我證明？」



「咁... 咁... 口講... 口講無憑吖嘛～」阿君的氣焰頓時消失，「你... 點都有證件之類㗎嘛...」

「好... 你要證明吖嘛？」我見各人的戒備有所鬆懈，便順勢把腰間的手槍拔出，「呢樣夠唔夠證明呀？」

我瞬間拔出手槍，然後指到阿君的頭顱上。

「呃... 呃... 我... 我...」阿君一時反應不來。

「得！如果你哋唔需要我哋幫忙，我哋而家就走...」我進一步迫逼阿君，「不過，你要即刻放咗佢哋兩個！」

「得... 得，冇問題...」阿君向同伴叫道，「仲唔快啲放人！」

原來兩個挾持著二女的年輕人，亦乖乖的把利刃放下。

Vicky 和小嵐隨即走到我身旁，Vicky 更熟練地，從腰間拔出了自己的手槍。



不知不覺間，她好像已經成為了我，合拍的戰鬥伙伴。

「你過返去啦！」我見情況已經受控，於是便把阿君推回他的同伴之中。

「你... 你哋唔好亂嚟呀～」阿君返回己陣後，便再次變得大膽，「我哋有好多人㗎，你... 你得兩枝槍... 冇可能打... 打曬我哋㗎...」

「哦？係咩？」我刻意把手指放在板機上，然後向各人指去，「睇吓邊個想做第一個？」

受驚的各人，立刻頭也不回地逃跑...