［人性/有甜］- 屍•家•馬鞍山（隔日更新）: Chapter 626 - 夢迴

我見泫雅情緒激動，只好先行滿足她再算。

「係，我認我有攪過妳！」我只好坦白承認。

「哈哈，你終於肯認喇咩？」泫雅聽後好像有點放鬆，「咁你答我，你係咪鐘意我吖？」

我看到眼前的二人，都用關切的眼光注視著。

「係！」我不想 Vicky 受到傷害，只能這樣回答。



失望的表情，頓時出現在 Vicky 臉上。

「嘻嘻！咁妳係咪淨係會愛我一個？」泫雅並不輕易罷休，繼續追問道。

「吖...」我一時無法決定。

「哈哈！決定唔倒呀？」泫雅的笑容突然變得陰沉，「不如，我幫吓你啦！」

泫雅的話仍沒有說完，她已經拿著手上刀，狠狠地在 Vicky 的胸膛插了下去。



「Vicky！！！」我驚極大叫，立刻發了瘋般跑向 Vicky 面前。

泫雅見狀，竟大驚的把利刃拔出，然後立刻轉身逃跑。

我把 Vicky 抱在懷中，以手按住她血如泉湧的傷口。

「Roy... Roy...」抖顫的雙唇，正竭力地道出她想說的一字一句。

「你... 你係咪... 係咪嫌... 嫌棄我呀？」Vicky 含著淚問道。



「冇呀！我冇呀！」我握緊她的手回應。

「我依... 依家咁... 樣... 你仲... 愛唔愛... 我呀？」她看著我追問。

「愛！無論妳變成點，我都愛！」我斬釘截鐵地答道。

「真... 真嘅？」Vicky 突然吐出鮮血，「唔好... 呃我... 嘻嘻...」

「我發誓，我依世都咁愛妳！」我大叫道。

「嗯...」Vicky 露出了一點的笑容後，便失去了反應。

「Vicky！Vicky！妳應吓我啦！對唔住呀！我愛妳呀！」我嘶聲力竭地叫道，叫喊聲響得直上天際。

可是，她已經毫無反應...



「Vicky！！！」

.........

「Vicky... Vicky...」我把雙眼慢慢睜開，微弱的燈光正從眼簾滲入。

「你終於都醒嗱？」只見 Vicky 坐在我的身旁，「喂呀！你捉到我隻手好痛呀！」

我這才發現，她的手正被我牢牢的緊握著。

「妳... 妳冇事吖嘛？」我一時間無法分清夢境還是現實，於是急忙打量著她查看道。

「吖！我乜嘢呀！」Vicky 回答道，「不過頭先真係好險，好彩 Dickson 喺緊要時刻嚟到，救返我出嚟...」



看來，她以為我是擔心她和人型怪戰鬥的事。

「哦！冇事就好...」無論如何，我也樂於見到她平安無事。

只是，她剛剛提到 Dickson？

那即是代表，我們已經重新落入到他的魔掌...

「阿 Roy，頭先你發緊個咩夢呀？」Vicky 向我問道。

「吖... 其實都冇乜特別...」我答得有點尷尬。

她凝視著我，好像不能相信。

「你頭先講嘅嘢係咪真㗎？」她終於忍不住向我問道。



「咩呀？我講過咩呀？」我不確定自己說過什麼，只好假裝不知情。

「你... 哼！講過唔算數！」她立刻縮開雙手別個臉去，好像有點不滿。

「係喇！我之前咪已經話過我愛妳囉！」我大致估計到說過什麼。

「唔係呀！你話我就算變成點，你都會...」她突然感到有點尷尬，「咩我吖嘛...」

「即係咩呀？」我逗趣她問道。

「愛我呀！你話點都會愛我㗎！依家講個唔算數呀？」她滿臉通紅地問道。

「係喇，係喇！我應承妳喇！」但我卻感到有點奇怪，「不過妳咁樣講，係咪做過啲對唔住我嘅嘢？」



「你咁講咩意思呀？」她突然變得有點生氣，「我就一定冇，發誓都得呀！不過你又敢唔敢呀？」

「我發誓...」我開了口才覺得有點衝動，「我愛妳...」

Vicky 聽到後正打算反駁，卻被我快一步以熱吻把她雙唇覆蓋...