［人性/有甜］- 屍•家•馬鞍山（隔日更新）: Chapter 569 - 迴旋處迎戰喪屍
「唔制呀，阿 Roy！我要同你一齊出去！」Aki 向我撒嬌道。
「唔喇！出去好危險，不如留喺度先...」我真的不想帶上額外的負擔。
「吓... 乜你覺得，留喺度又真係會安全咩？」Aki 打量着阿聰說道。
「妳乜嘢... 乜嘢意思呀？」躺着也中槍的阿聰，十分不滿地問道，「我有凱琪，先唔會... 唔會吼你呀！」
「嘿嘿！係咩？」Aki 慢慢地走近阿聰面前，使他不敢正視。
「你真係對我冇興趣？」她彎下腰向阿聰問道。
「吖... 吖...」他被弄得無言以對。
「嘩！阿 Roy 你睇吓佢～」Aki 驚叫著。
我打量著阿聰，只見他已經被逗得產生了生理反應。
這個人，真的...
「不如咁啦！我帶阿聰出去搵，妳就乖乖哋留喺度啦！」沒有辦法之下，我只好這樣安排。
「到時我同凱琪講已經搵返阿聰，我諗佢未必會信；不過如果比佢親眼見倒，我就唔洗解釋咁多...」我補充。
「呀～ 我唔制...」Aki 仍是不肯罷休。
「總之就咁決定啦！」我不想再耽誤時間，「阿聰，行喇！」
我刻意迴避 Aki 那不忿的視線，拉著阿聰便準備出發。
「阿 Roy！」Clara 從後把我叫住，「啲裝備你哋攞去啦！同埋...」
「小心啲...」她用極小的聲浪說道，然後遞來了兩把戰術警棍。
我檢視着這些簇新的裝備，突然有點疑惑，為何她好像有源源不絕的武器供應？
「唔洗諗咁多喇，啲裝備係喺警署度偷返嚟嘅...」Clara 搶先答道。
她，究竟是否懂得讀心術？
我亦無謂深究，拿起裝備便立即出發。
我從 Clara 借來了輕型貨車，然後打開大閘離開。
由於剛才沿路都沒有看過 Vicky 一行，所以我決定往大網仔方向駛去。
「阿 Roy 哥，如果我哋再遇倒隻怪物，應該點算？」坐在身旁的阿聰擔心地問道。
「嘿嘿！有乜可以做呀？」我反問他，「咪好似你上次咁，揼低同伴有咁快走咁快囉！」
他一時沒有回應...
「Roy 哥，你係咪仲怪我？」他好像明知故問。
「都冇話怪唔怪嘅...」我不屑地答道，「如果比我遇倒同一情況，我都會咁做...」
我正好借此作出警告。
貨車一直沿著大網仔路飛馳，但卻沒有發現任何人的影蹤。
「Roy 哥，如果你係佢哋，會向邊度行？」阿聰看來亦忍不住向我提問。
思前想後，我跟她們透露過的地方也不多。
以她們的步行速度，我們應當已經跟她們碰上。
除非...
「唧...」我急忙的把車剎停，讓我可以再深思一下。
糟糕！我應該找錯了方向！
我急忙的把貨車掉頭，趕往道路的另一端。
前往市中心的路，必先要經過大網仔迴旋處。
而那裡，正聚集了大量的喪屍。
她們的處境，十分危險！
我把油門踏盡，車輛已經接近飄移的狀態。
在我極速前進下，大網仔迴旋處已經出現在眼前。
數之不盡的喪屍，正圍著一輛大貨車攻擊。
「唧～～～」我立刻把輕型貨車剎停，然後拔出戰術警棍。
「阿聰，準備好未？」我向鄰座的阿聰問道。
「O... Okay！」他深深吸了一口氣，便鼓起勇氣答道。
「落咗車，盡量跟喺我後面！」我向他示意道，目標係前面嗰部貨車！」
「明... 明白！」阿聰戰戰兢兢地答道。
我沒有等待他的回應，便已經離我駕駛座準備。
因為，部分被剎車聲吸引的喪屍，已經瘋狂的向我們飛奔過來。