［人性/有甜］- 屍•家•馬鞍山（隔日更新）: Chapter 568 - 尋尋覓覓

「嘭嘭嘭！」我還沒有決定下來，門外卻傳來了急速的拍門聲。

「喂阿 Roy！唔好匿喺入面，出嚟幫幫手！」Clara 在門外叫嚷著。

沒有辦法，我亦只能到此為止。

「阿光要休息吓，你出嚟幫手搬啲嘢上車...」房門一打開，Clara 便立刻向我要求道。

Clara 的突然舉動，卻換取了 Aki 的怒目相向。



「Okay... 我而家就幫手...」為免二人擦槍走火，我只好立刻應承。

當然，我亦沒有理由拒絕，我本來就應該為團隊盡一分力，現在光哥因我而受傷，我更加是責無旁貸。

我隨即跟著 Clara 去整理物資，為轉移作出準備。

良哥亦不負所望的，找來了一輛小型客貨車。

究竟，他們是否每一人都擁有這方面的專長。還是，這只是一些基本要求？



「喂！快啲搬啦！」在 Clara 的催促下，我立刻著手搬運。

但她需要我幫忙搬運的物品，卻遠比我想像中的來得少和輕便。

那為何她急著要我幫忙？

難道，這純粹為了阻止我的好事嗎？

轉眼間，五分鐘限時已過，我亦已經完成了 Clara 給予的任務。



「Okay、出發！」把光哥安排好仰臥在貨格後，Clara 便下令出發。

可是，觀乎光哥的情況，實在不容樂觀。

「 Clara，光哥佢... 冇嘢嘛？」我擔心地問道。

「佢有幾條肋骨斷咗，喺而家嘅情況，根本就冇得醫...」Clara 冷靜地答道。

想不到，我竟然將同伴殺死。

雖然我那是出於自我防衛，但我還是悔疚不已。

「唔洗自責...」Clara 拍著我的大腿說，「佢本身受咗嗰個阿 Rex 一嘢，已經傷得唔輕，佢只不過仲用意志力撐住...」

「佢應該都好痛，頂得好辛苦...」Clara 眼泛淚光說道，「如果今次佢真係捱唔住，都總算係一種解脫...」



只見她努力地去把激動的情緒壓住，盡力去隱藏自己這感性的一面。

原來，真正的領袖便是這樣...

因為有車輛的幫忙，我們瞬間便到達目的地。

而在良哥出色的解鎖技術幫忙下，我們更可以輕易的把客貨車，直接駛進大宅之中。

阿聰亦急不及待的跑進屋內，想要跟凱琪見面。

我們亦著手把 Clara 找來的物資，搬到屋入面去。

「Roy 哥、Roy 哥！」只見阿聰緊張的向我叫道，「佢哋應該出咗去搵我...」



阿聰把他在屋內發現的一張紙交了給我，內容是她們三個要外出尋找阿聰，而留低字條的，竟然是 Irene...

Vicky 看來仍在生氣...

「Irene... 即係 Miss Fung 呀？」阿聰有點好奇地問道。

「嗯... 我仲以為你一早知添！」我有心嘲弄他一下，然後轉而向 Clara 説，「Clara，我有事要出去一陣...」

「喂阿 Roy，你啱啱先返番嚟咋喎，咁快又要出去？」Clara 看來有點不滿。

「Vicky 出咗去搵呢個人...」我指著阿聰說，「不過我諗佢哋走得唔遠，好快可以追得番...」

「咁妳快啲返嚟啦！」Clara 板著臉說，「呢度需要你...」

「Okay，妳放心。我會速去速回...」我爽快地答道。



「呀！差啲唔叫得同妳講...」我突然想起這一個，要告訴 Clara 的重要消息，「Venus 佢而家潛咗入異生教裡面做卧底...」

「不過，佢暫時都算係安全...」我補充。

「咁嗰度係邊？」Clara 立即追問。

「北潭涌渡假營...」我答道，「但係，嗰度有隻好犀利嘅怪物，佢一拳已經可以打死我...」

我必須將危險的情況告知，才能避免她們輕舉妄動。

「所以... 一定要等我返嚟先至好出發...」我認真地說道。

「得喇長氣！我哋乖乖哋留喺呢度就得啦！」Clara 淘氣地答道。