［人性/有甜］- 屍•家•馬鞍山（隔日更新）: Chapter 563 - 封鎖區之外

「佢... 係咪發生咗啲咩事呀？」凱琪不斷追問，使我不知道該怎樣解釋。

「阿聰佢... 同我失散咗...」我只好如實相告。

這裡跟市中心有著一定距離，看來阿聰也無法輕易的回到這裡吧！

「點會咁㗎？你話會幫我睇住佢㗎喎...」凱琪哭著說，「我哋不如出去搵佢啦！」

「當時個情況真係好危險，連我都自身難保...」我嘗試解釋道，「我淨係記得叫佢走開之後，我就比隻怪物打暈咗...」



「咁... 咁... 我哋出去搵佢啦！」凱琪拉著我嚷着要出發。

其實，他的生死我根本不太在意。

反之，面前等待着我的，還有更重要的事情。

「我諗我暫時唔可以去搵阿聰住，因為有個關乎所有人命運嘅事，我一定要做咗先...」對著毫無關係的人，我亦不需作出任何修飾。

更何況，她要我幫忙一個，覬覦著我女伴的男子。



「嗚... Vicky 姐...」無法打動我的凱琪，竟轉移向 Vicky 哀求著，「冇咗阿聰，咁我點算？」

「阿 Roy，不如...」Vicky 竟也受她影響，以渴望的眼神看著我。

「唔得呀！我仲有好多重要嘢做！」我對此十分不滿，「要救，叫佢自己救啦！」

為什麼，連 Vicky 也不明白我？

我不但要找到素恩，還有失散了的 Carey...



甚至連身在水深火熱中的 Venus，也遠比這個阿聰來得重要！

「嗚～～～」凱琪掩著臉往二樓房間走去。

「你就算唔想去，都唔洗咁大聲鬧人嘅...」想不到就連 Vicky，亦十分擔心似的，走到樓上去安慰凱琪。

我完全理解不到，就讓她們先冷靜一下吧！

「你叫阿 Roy 係嘛？我係凱琪同阿聰嘅 Miss...」此時，Miss Fung 主動走近我的身邊，「佢哋叫我 Miss Fung...」

「Miss Fung 你好，阿聰佢有同我提過妳...」我回答道。

「哦？係呀？」Miss Fung 示意著我們一起坐下，「不過我真係好多謝你...」

「舉手之勞啫，唔使客氣！」我官腔似的回答。



「吖，Miss Fung，聽阿聰講，妳原本係喺將軍澳一間中學教緊書㗎喎...」反正，現在不是出發的好時機，我打算先向她打探一下情報。

「咁妳知唔知點解，會嚟咗西貢呢度嘅？」我問道。

「你又唔係我嘅學生，唔使下下都 Miss 前 Miss 後嘅，你就叫我 Irene 啦！」她親切地説道。

「好，Irene... 好高興認識妳...」我伸出手，逗趣地說道。

「嘻嘻...」Irene 掩嘴笑道，好像十分受落，「不過，我初頭聽 Vicky 話呢度係西貢，我都完全唔能夠相信...」

「之前我仲喺學校上完堂，放咗學就喺教員室改緊功課，之後就突然覺得好眼訓...」Irene 憶述道，「醒返之後，就已經... 已經喺你見倒我嗰度...」

這又再次令我想起，與她初次見面時的情景。



「係呢，其實而家外面嘅情況係點㗎？」我立刻轉移注意力，「我已經同外面，失去咗聯略好耐...」

「其實馬鞍山同西貢一帶，都已經比政府完全封鎖咗。」Irene 認真地回答道，「唔單止人車都唔能夠出入，就連所有嘅通訊都停曬...」

「我哋有啲朋友都係喺封鎖區裏面生活，但喺政府宣布戒嚴之後，已經完全失去左聯絡...」

「咁其實政府點樣講呢件事？」我追問道。

「唉... 其實政府冇正面咁定性呢件事，只係話馬鞍山同西貢發生咗嚴重事故，所以要完全封鎖...」Irene 無奈地答道。

「聽講初頭都有好多人唔理禁令，試吓入去封鎖區入面... 但聽講呢啲人，之後都冇再返番嚟...」

「而最恐怖嘅係，各大媒體對呢件事好似越講越少，之後直情再冇人報導...」

「封鎖區嘅事，就好似變咗禁忌咁，冇乜人想講，冇乜人再提...」



想不到這樣重大的一件事情，竟也這樣輕易的被人們遺忘...

香港人，真的善變得恐怖。

「直至冇幾耐之前，網上開始流傳一啲失蹤事件，啲人先再開始重新關注封鎖區嘅事...」Irene 補充。